Exodus 4:21 - সান্তালী বাইবেল

²¹ Probhu Isor do Moseye metadea, “Okako hahaṛa kạmi lạgitʼ daṛeń ematʼme ona do Misor disạmte ruạṛ senkate Pharao samaṅrem onkaea. Menkhan uniyakʼ mon nonkań keṭecʼ ocoytaea onate uni do hoṛko bae sen ocoakoa.

Exodus 4:21 Referans Kwoze

Romiko lạgitʼ Pạul Apostolakʼ ciṭhi 9:18

Onate Isor do acʼakʼ kusi leka okoeye daya akokan onkogeye daya akokana ar okoe keṭejeye menjoṅkan uni doe keṭecʼ edekana.

Jesaea 63:17

E Probhu Isor, amakʼ hor bạgikate cedakʼem ạcur baṛa ocoyetʼlea? Ar alo jemonle botoram onate aleakʼ ontor dom keṭecʼetʼtalea. Amren gutiko lạgitʼ, metakʼme okoe bõsko amakʼ ạidạrire menakʼko, onko lạgitʼge ruạṛ hijukʼme baṛe.

Josuạ 11:20

Probhu Isor do onko hoṛkoakʼ mone keṭecʼ ocoletʼtakoa jemon Israelko upạrte lạṛhạikate ḍahao maraokʼ sarapakʼren hoṛko hoyokʼ ar daya baṅ ńamkateko gujukʼ. Niạ hukumge Probhu Isor do Moseye emade tahẽkana.

Johan 12:40

“Isor do onkoakʼ mẽtʼe kãṛã akatʼtakoa ar ontor doe goṛdho akatʼtakoa, jemon onko do mẽtʼte aloko ńeńel ar ontorte aloko bujhạu, ar bogekʼ lạgitʼ uni ṭhen aloko ruạṛ hijukʼ.”

Exodus 14:8

Probhu do Misorren raj Pharaoakʼ mone keṭecʼ ocoketʼtaea. Ar Israelko dilkate samaṅ secʼko sen idikʼkan tahẽkanre uni do onkoe khudạu idiketʼkoa.

Exodus 9:35

Probhu Isor do Mose hotete cetʼlekae menletʼ onkage Pharaoakʼ mon do keṭecʼentaea; uni do Israelko bae sen ocowatʼkoa.

Exodus 9:12

Menkhan Probhu Isor do Pharaoakʼ mon artetʼgeye keṭecʼ ocoketʼtaea. Onate Probhu Isor okae menletʼ onkage hoyena. Mose ar Aronakʼ katha Pharao do bae luturada.

Exodus 7:13

Menkhan Probhu Isor do unkin okae metatʼkin tahẽkan onkage hoyena. Pharaoakʼ mon do keṭecʼentaea; onate Mose ar Aronakʼ katha bae ańjomleda.

Exodus 3:20

Onate iń do unire ińakʼ daṛeń uduga ar hahaṛa kạmiko hotete Misoriń ńẽda ar onate Pharao doe sen ocoapea.

Exodus 10:20

Menkhan Probhu Isor do Pharaoakʼ mone keṭecʼ ocoketʼtaea; uni do Israelko bae sen ocowatʼkoa.

Exodus 7:3

Menkhan iń do Pharaoakʼ moniń keṭecʼ ocoytaea jemon Misor disạmre aema cinhạ ar hahaṛa kạmikoń kạmi daṛeakʼ. Uni do abenakʼ katha bae ańjoma. Onate iń do Misor disạm cetanre ińakʼ tiyiń tultińạ ar ạḍi bạṛicʼ sạjạyiń emokʼte ińren phạdko, metakʼme ińren hoṛ Israelko ona disạm khoniń oḍok ạgukoa.

Jesaea 6:10

Ona tayom uni do arhõe metadińa, “Noko hoṛkoakʼ ontorem ạuṛiyakʼ ocoytakoa, onkoakʼ luturem ṭosa ocoytakoa, ar onkoakʼ mẽtʼ dom kãṛã ocoytakoa. Ar baṅ khan onko do mẽtʼteko ńeńela, luturteko ańjoma, ar ontorreko bujhạua ar kại khon mon ạcurkateko boge ocokʼa.”

Exodus 14:4

Ar iń do Pharaoakʼ moniń keṭecʼ ocoytaea ar uni do onkoe khudạu idikoa. Menkhan Pharao ar uniren lạṛhại phạdkoge ińakʼ ṭhonok sodorokʼren hoṛko hoyokʼa. Ar noa iạte Misorrenko baḍae daṛeakʼa, iń kangeạń Probhu Isor do.” Ar Israelko do Probhu Isorakʼ katha lekako kạmikeda.

1 Patras 2:8

Sostor reakʼ noa katha hõ ṭhikgea, Ona do nonkan dhiri kana, one okaṭakʼ do hoṛkoakʼ tohodokʼ reakʼ karonge hoyokʼ. Hoṛko do Isorakʼ katha bebatao iạteko tohodokʼ kana, ar ona iạtege onko doko doho ocoakana.

2 Korinthiko 2:16

Menkhan okoeko nosṭokʼkan onko ṭhen aleakʼ so do moron leka; one ona reakʼ jo do jaejug moronkan; ar okoe bańcaoko ńametʼkan onko ṭhen do jion reakʼ jut so leka, one ona reakʼ jo do jaejug jionge. Noa kạmiren lekicʼ doe okoekana?

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Sereńko 105:25

Acʼren hoṛko upạrte uni do bạirikoakʼ ontorre hirkhại janam ocokeda, onate onko do uniren golamko sãote budkate calakʼko ehopʼena.

1 Rapajko 22:22

Probhu Isor do uniye kulikedea, ‘cetʼ lekatem bulạuea?’ Uni doe menkeda, ‘iń do senkate uniren sanam nạbikoakʼ mocare eṛe roroṛ jiu iń hoyokʼa.’ Probhu Isore menkeda, ‘amge uni dom bulạu idi daṛeaea. Amge senkate onkaeme.’

Dosar Biboron 2:36

Ar Arnon soḍokʼ aṛe reakʼ Aroer nagraha ar ona soḍokʼ tala reakʼ ato khon ehopʼkate Gilead hạbicʼ nonkan jãhãn daṛeanakʼ atoko se nagraha do baṅ tahẽkana one okaṭakʼ do babon jitạu daṛeakʼ tahẽkan. Aboren Probhu Isor do onako sanamakʼge aboakʼ tireye jimạkeda.

Genesis 6:3

Noa ńelte Probhu Isor doe menkeda, “Ińren Jiu do jaejug hạbicʼ manwa bae cehaokoa, ente onko do gujukʼ taberen kanako. Iń do mitʼsae bargel bochor hạbicʼ somoe iń emakoa.”

Exodus 8:32

Menkhan niạ dhao hõ Pharao do acʼakʼ mone keṭecʼketʼtaea ar hoṛko bae sen ocoatʼkoa.

Exodus 10:1

Ona tayom Probhu Isor do Moseye metadea, “Am do Pharao ṭhen calakʼme. Iń do Pharao ar uniren kạmiyạkoakʼ moniń keṭecʼ akatʼtakoa jemon ińakʼ ektiạri reakʼ cinhạko ńel daṛeakʼ, ar amhõ jemon amren hoponko ar goṛom gidrạko ṭhenem lại daṛeakʼ cetʼleka Misri hoṛko lelhań benaoletʼkoa ar ińakʼ cinhạkoń udukʼatʼko tahẽkana. Onate apepe bujhạu daṛeakʼa, iń kangeạń Probhu Isor do.”

Exodus 10:27

Menkhan Probhu Isor do Pharao rajakʼ mone keṭecʼketʼtaea ar onko sen ocoako bae rebenlena.

Exodus 11:9

Probhu Isor do Moseye metadea, “Misor disạmre ińakʼ hahaṛa kạmiko jemon ḍherokʼ onate Pharao do amakʼ katha bae ańjoma.”

Exodus 11:10

Noako hahaṛa kạmi Mose ar Aron do Pharao samaṅre kin kạmikeda, menkhan Probhu Isor do Pharaoakʼ mone keṭecʼketʼte disạm khon Israelko bae sen ocoatʼkoa.

Sereńko 78:43

uni do Misorre cinhại udukʼatʼko tahẽkanre ar Soan ṭoṭhare hahaṛa kạmiye kạmiletʼre.

Exodus 3:19

Ińiń baḍaea kajak tiye aṭkarlere hõ Misorren raj do ape bae aṛakʼpea.

Exodus 8:11

Roṭe do am ar amakʼ oṛakʼ-duạr, amren kạmiyạko ar amren hoṛko ṭhen khonko oḍok calakʼa. Ar eken gaḍa dakʼregeko tahena.”

Exodus 8:15

Pharao do roṭe khon rukhiyại ńamketʼ khan uniyakʼ mon do arhõ keṭecʼ ruạṛentaea ar unkinakʼ katha do bae moneyada. Probhu Isor cetʼlekae menletʼ onkage hoyena.

Exodus 14:17

Menkhan iń do misrikoakʼ mon nonkań keṭecʼ ocoytakoa, onko do Israelkoko khudạu idikoa ar jalapuriteko bolokʼa. Onate Pharao ar uniren sanam palṭonko, rãt gạḍiko ar aswariko do ińakʼ ṭhonok sodorokʼ reakʼko hoyokʼa.