Exodus 4:18 - সান্তালী বাইবেল

¹⁸ Noa tayom Mose do acʼren hońhartetʼ Jethro ṭhen ruạṛ senkateye metadea, “Misor disạmre ińren peṛa pạrbhạko ṭhen ruạṛ sen ocoạliń ben. Ạliń do senkate liń ńelkoa ńit hõ jiwetʼ menakʼkoa se baṅa.” Jethro do Moseye metadea, “Ṭhikgea Do calakʼben, ar abenakʼ bhạlạiy hoyokʼ taben ma.”

Exodus 4:18 Referans Kwoze

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

1Timothi 6:1

Okoe golamiko khạṭaokʼkan onko sanamkoge akoren kisạ̃ṛko manot ocokʼlek menteko bujhạukoma, jemon okoe hõ Isorakʼ ńutum ar aboakʼ sikhạuna aloko nindạu daṛeakʼ.

Aposkạmi 16:36

Unre daroga do Pạule metadea, “Disạm cakʼlaoyicʼ do Silạs ar am aṛakʼ ben lạgitʼe roṛgotʼ akada. Onate ma ńitokʼ do oḍokokʼ ben ar sulukte calao joṅben.”

Aposkạmi 15:36

Thoṛa din tayom Pạul do Barnabase metadea, “Dela, okako jaegare Probhu Isorakʼ katha laṅ porcar akatʼ, onako jaegate arhõ ruạṛ senkate boehako laṅ hirikoa ar cetʼleka menakʼkoa mente ona hõ laṅ ńeltorakoa.”

Luk 7:50

Jisu do uni maejiue metadea, “Pạtiạu akantem, kại khon bańcaoem ńamkeda. Ma sulukte calao joṅme.”

1 Samuel 1:17

Unre Eliye menkeda, “Amakʼ jiwi baṛe raṛejokʼtam ma. Israelkoren Isor ṭhen okam khojakatʼ ona jemone emam.”

Genesis 45:3

Joseph do acʼren boehakoe metatʼkoa, “Iń doń Joseph kana! Iń baba do cetʼ ńitʼhõ jiwetʼ menaegea?” Noa katha ańjomkate boehataeko do botorte thar tharaokʼko ehopʼena; onko do cetʼge bako roṛ ruạṛadea.

Exodus 2:21

Mose do uni naeke ṭhen tahen lạgitʼe rạjiyena ar naeke do Mose tulucʼ acʼren hoponera Silpại baplakadea.

2 Rapajko 5:19

Elisaeye menkeda, “Sulukte senjoṅ joṅme.” Naman do uni ṭhen khon thoṛa sạṅgińe senen khan Isorren hoṛ Elisaeren guti Gehosi do mone moneteye menkeda, “Aramren Naman okae ạguletʼ ona baṅ hataokate ińren mạlik do maṅnategeye aṛakʼkadea. Jiwetʼ Probhu Isor ńutumteń kiriạkʼ kana, uniń khudạu tiyogea ar uni ṭhen khon jãhãnakʼ iń hataogea.”

Bikʼcạrko 18:6

Naeke do onkoe roṛ ruạṛatʼkoa, “Ape do sulukte calao joṅpe; Ente Probhu Isorakʼ sana lekape senokʼ kana.”

2 Rapajko 5:10

Unre Elisae do mitʼṭen hoṛ hoteteye roṛ gotʼkada, “Jordan gaḍate senkate am do eae dhao umokʼme. Inạ khan am dom boge utạrokʼa.”