Biblia Todo Logo
Bib sou entènèt

- Piblisite -




Exodus 4:15 - সান্তালী বাইবেল

15 Ar tinre uni sãote katham roṛa unre unim lạiyaea cetʼ roroṛ hoyokʼtaea mente. Iń do aben bana hoṛge katha roṛ lạgitʼ iń goṛoabena ar cetʼ cekae hoyokʼa ona hõń cetʼabena.

Gade chapit la Kopi




Exodus 4:15
24 Referans Kwoze  

Ińakʼ kathako do apeakʼ mocareń emakada ar ińakʼ ti reakʼ umulreń danaṅ akatʼpea. Serma do acʼakʼ jaegareń dohoakada ar dhạrti do rehetʼ iń bạisạu akada. Ar Sion doń men akawadea, ‘am dom ińren hoṛ kana.’ ”


ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.


Iń do onkoren Israel boehako tala khon onko lạgitʼ am leka mitʼṭen nạbiyiń teṅgo akoa. Ar uniyakʼ mocatege ińakʼ kathakoń roṛa, ar iń oka lạlạiyiń hukumae onage uni doe roṛa.


Probhu Isor do Biliam sãoteye ńapamente uniyakʼ mocare kathae dohoadea, “Am do Balak ṭhen ruạṛ senkate noa katham lạiyaea.”


Biliame roṛ ruạṛkeda, “Probhu Isor ińakʼ mocare okaṭakʼ kathae emadiń ona do cetʼ begor lạiyteń tahẽdaṛeakʼa?”


Unre Probhu Isor do Biliamakʼ mocare katha dohoadeteye metadea, “Am do Balak ṭhen ruạṛ senkate noako katha lạiyaeme.”


Ona tayom Probhu Isor do ti tiạrkate ińakʼ mocae joṭetʼketʼteye metadińạ, “Nitokʼ do amakʼ mocare ińakʼ kathakoń dohokeda.


Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”


Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.


Ona tayom raj ṭhen senkate noa katham roṛa.” Ar Joab do uni cetʼe roṛa onae lạiyadea.


Biliame roṛ ruạṛkeda, “Iń do ńitokʼ am ṭheniń hecʼakana. Menkhan iń apnarakʼ jãhãnakʼ roroṛ reakʼ daṛe do bạnukʼtińạ. Isor okaṭakʼe baḍae ocoyiń eken onageń roṛa.”


Ńitokʼ do calakʼme. Ińge katha roṛ lạgitʼ iń goṛowama ar okaṭakʼ roroṛ hoyokʼtam ona hõń cetʼama.”


Okaṭakʼ iń cetʼ akawatʼpe ona do Probhu Isor ṭhen khongeń ńamakada. Oka ńindạ Probhu Isor do bạirikoakʼ tireye soprot ocolen,


menkhan am do iń ṭhen nonḍe tahenme. Iń do hukumko ar ạn-ạrikoń emama okaṭakʼ do onko cetʼako hoyokʼtam, jemon ạidạri lạgitʼ okaṭakʼ disạmiń emako lạgidokʼkan onḍe onako manao idiy.’


E boehako, ape oka bhage sombat iń porcaratʼpe tahẽkan, ona bhage sombat reakʼ kathageń disạ ocoyetʼpea. Ape do onape ataṅakada ar onarepe teṅgo ṭarhao akana.


Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”


Ar Probhu Isor okaṭakʼ memen lạgitʼe kolakade Aron do onae baḍae ocokedea. Ona chaḍa okako hahaṛa kạmi reakʼ hukum Probhu Isore emakawade ona hõe lạiyadea.


Probhu Isor do Mose okaṭakʼ kathae metade tahẽkan ona sanamakʼge Arone baḍae ocokedea ar hoṛko samaṅre ona hahaṛa kạmikoe udukʼkeda.


Mose do unre Israelkoe metatʼkoa, “Niạtepe bujhạu daṛeakʼa, iń okań cekayetʼ ona lạgitʼge Probhu Isor do nonḍeye kol akadińạ; noa do ińakʼ cetʼge baṅkana.


Ar ona samaṅokʼakʼem samaṅ jokhecʼ Jisạiyem neotaea. Ona tayom cetʼ cekae hoyokʼtama onań lạiyama. Ar okoeyakʼ kathań lạiyam unige iń ńutumtem ojokʼ bahalea.”


E Probhu Isor, ińakʼ moca baṛe jhicʼkạtińme, iń do amakʼ sarhaoiń lại jạhira.


Unre Jirimiạ do ar mitʼṭecʼ guṛhạ dohoakatʼ puthi hataokate Neriạren hopon Baruke emadea; ar okaṭakʼ puthi do Jihudạren raj Jehoyakim seṅgelteye jeretʼ giḍiletʼ ar onare okako ol tahẽkan onako kathage Jirimiạwakʼ moca khon ańjomkate Baruk do arhõe olkeda. Ar ona lekan arhõ aema kathako hõ ona sãote juṭucʼ idiyena.


Okoe kanae uni hoṛ, okoe do Probhu Isore botorae kan? Ar okaṭakʼ hor bachao hoyokʼtaea ona do unigeye udukʼaea.


Swiv nou:

Piblisite


Piblisite