Exodus 4:12 - সান্তালী বাইবেল

¹² Ńitokʼ do calakʼme. Ińge katha roṛ lạgitʼ iń goṛowama ar okaṭakʼ roroṛ hoyokʼtam ona hõń cetʼama.”

Exodus 4:12 Referans Kwoze

Jirimiạ 1:9

Ona tayom Probhu Isor do ti tiạrkate ińakʼ mocae joṭetʼketʼteye metadińạ, “Nitokʼ do amakʼ mocare ińakʼ kathakoń dohokeda.

Mark 13:11

Ar bicạr lạgitʼko sapʼ idilepere laha khon alope bhabnakʼa cetʼko roroṛ hoyokʼtapea mente. Ona jokhecʼ oka kathape lại ocokʼ, onage roṛpe, ente apege roroṛ hoyokʼtapea ona do baṅ bickom sonot Jiugeye roṛa.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Ephesiko lạgitʼ Pạul Apostolakʼ ciṭhi 6:19

Iń lạgitʼ hõ koejoṅpe jemon kathań roṛre Isor do nonkan pạrsiye emạń jemon dil salakʼ uniyakʼ bhage sombat reakʼ sạri okoakʼkoń porcar daṛeakʼ.

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lại akatʼpe onako joto doe disạ ocopea.

Luk 11:1

Mitʼdin Jisu do mitʼṭecʼ jaegareye koejoṅkan tahẽkana. Ado koejoṅe mucạtʼketʼ khan acʼren mitʼṭen cela doe menkeda, “E Probhu, Johan bạbạptisicʼ cetʼleka acʼren celako koejoṅe cetʼatʼko tahẽkan onkage ale hõ cetʼaleme.”

Jesaea 49:2

Ińakʼ moca do laser tarwaṛe lekae hoyoco akatʼtińạ. Uni do acʼakʼ ti reakʼ umulreye danaṅ akadińạ. Uni do jhak jhak ạ̃pạ̃ṛi lekae benao akadińạ ar acʼakʼ sar ṭhoṅgareye doho akadińạ.

Sereńko 143:10

Amakʼ sana leka kạmi lạgitʼ cetʼạńme, ente am dom ińren Isor kana; amren bhạlạiyicʼ Jiu hotete mitʼ são horre ạyurińme.

Sereńko 32:9

Sadom se gadha leka do alope hoyokʼa one onko do bujhạu reakʼ daṛege bạnukʼtako; onko do mocare jhinkatege kạbuko hoyokʼa, ar baṅkhan ape ṭhen do bako sorokʼa.

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Exodus 4:13

Moseye roṛ ruạṛkeda, “E Probhu Isor, ińiń nehõram kana, jãhãe hotete noa khobor baṛe kolme.”

Exodus 4:15

Ar tinre uni sãote katham roṛa unre unim lạiyaea cetʼ roroṛ hoyokʼtaea mente. Iń do aben bana hoṛge katha roṛ lạgitʼ iń goṛoabena ar cetʼ cekae hoyokʼa ona hõń cetʼabena.

Exodus 4:16

Am huyạte Aronge hoṛko sãote kathae roṛa, jemon uniyakʼ mocage amakʼ moca ar am do uniren Isor lekam hoyokʼa.

Numeri 16:28

Mose do unre Israelkoe metatʼkoa, “Niạtepe bujhạu daṛeakʼa, iń okań cekayetʼ ona lạgitʼge Probhu Isor do nonḍeye kol akadińạ; noa do ińakʼ cetʼge baṅkana.

Dosar Biboron 18:18

Iń do onkoren Israel boehako tala khon onko lạgitʼ am leka mitʼṭen nạbiyiń teṅgo akoa. Ar uniyakʼ mocatege ińakʼ kathakoń roṛa, ar iń oka lạlạiyiń hukumae onage uni doe roṛa.

Sereńko 105:26

Uni do acʼren guti Mose ar uniye bachaolede Arone kolketʼkinạ;