Exodus 4:11 - সান্তালী বাইবেল

¹¹ Menkhan Probhu Isor do uniye metadea, “Manwakoakʼ moca do okoeye benao akada? Okoe uni doe kala, guṅgạ are kãṛã ocoakadea? Ar ńeńel lạgitʼ daṛe do okoeye emakawadea? Uni do cetʼ iń Probhu Isorgeń baṅkana?

Exodus 4:11 Referans Kwoze

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Sereńko 146:8

Probhu Isor do kãṛãko ńeńel reakʼ daṛeye emako kana; ar kuḍbur akanko doe sojheyetʼkoa; Probhu Isor do dhorom hoṛkoe dulạṛetʼkoa.

Jesaea 6:7

Ar ona aṅgra do ińakʼ mocare jakʼketʼteye menkeda, “Ńelme, noa do amakʼ luṭikine joṭetʼkeda; amakʼ behokakʼko do sạṅgiń akana ar amakʼ kại do ikạyentama.”

Sereńko 94:9

Okoe luture sirjạu akatʼ uni do cetʼ bae ańjomeda? Ar okoe mẽtʼe benao akatʼ uni do cetʼ bae ńeńelkana?

Sereńko 51:15

E Probhu Isor, ińakʼ moca baṛe jhicʼkạtińme, iń do amakʼ sarhaoiń lại jạhira.

Jirimiạ 1:9

Ona tayom Probhu Isor do ti tiạrkate ińakʼ mocae joṭetʼketʼteye metadińạ, “Nitokʼ do amakʼ mocare ińakʼ kathakoń dohokeda.

Jirimiạ 1:6

Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”

Jeheskel 33:22

Uni hoṛ seṭerokʼ lahare ạyupʼ jokhecʼ Probhu Isorakʼ ti do iń cetanre tahẽkana ar setakʼ jokhecʼ iń ṭhene hijukʼ lahare Probhu Isor do ińakʼ mocae jhicʼketʼtińạ. Onate iń do katha roroṛiń ehopʼena, ar guṅgạ do bạń tahẽlena.

Genesis 18:14

Probhu Isor ṭhen bin leṭejokʼakʼ do cetʼge bạnukʼanaṅ. Hijukʼkan bochor niạ okte iń do arhõ am ṭheniń hijukʼa ar unre Sarawakʼ hoborre mitʼṭen koṛa gidrại tahena.”

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Jesaea 42:7

Am do kãṛãkoakʼ mẽtʼem jhicʼ ocoytakoa, ar jelkhanare bondi akanko hõm chaḍaokoa ar okoe ńut reakʼ khạndṛuṅreko doho ocoakan onko dom oḍok ạgukoa.

Luk 1:20

Ńelme, ińakʼ katha do okterege purạukʼa, menkhan ińakʼ katha bam pạtiạuatʼte am do guṅgạm tahena. Ar noako ạuri hoyokʼ hạbicʼ katha bam roṛ daṛeakʼa.”

Luk 1:64

Ar unrege Sakariạwakʼ moca do jhicʼgotʼentaea ar alaṅ do ulṭạuentaea ar Isor sarhaoate katha roroṛe ehopʼena.

Johan 10:21

Eṭakʼko doko menkeda, “Noa do bhut capaṛ hoṛakʼ katha do baṅkana. Bhut do cetʼ kãṛã hoṛakʼ mẽtʼe beṅgetʼ oco daṛekea?”

Genesis 11:7

Onate dela, latarte bon pheḍokʼa ar onkoakʼ pạrsibon gaḍ baḍaotakoa jemon mitʼ hoṛ armitʼ hoṛakʼ pạrsi aloe bujhạu daṛeakʼ.”

Kạhtukko 20:12

Ańjom lạgitʼ lutur ar ńeńel lạgitʼ mẽtʼ Probhu Isor do noa banargeye sirjạu akada.