Exodus 4:10 - সান্তালী বাইবেল

¹⁰ Mose doe menkeda, “Menkhan E Probhu Isor, iń do rawal moca hoṛ doń baṅkana. Lahatehõ bạń roṛ daṛeakʼ kan tahẽkana ar am sãote katha roṛ tayom hõ bạń daṛeakʼ kana. Ińakʼ mocare katha do aṭkaokʼtińa, ente ińakʼ alaṅ do hamalgetińạ.”

Exodus 4:10 Referans Kwoze

Jirimiạ 1:6

Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”

Exodus 6:12

Mose do Probhu Isor roṛ ruạṛadeteye metadea, “Israel hoponko ińakʼ katha bako ańjom enḍekhan Pharao do cedakʼe ańjomtińạ, biseskaete ińakʼ katha tinre baṅ pusṭạukʼtiń?”

2 Korinthiko 11:6

Iń do ạḍi bes okocʼte katha roṛ bạń daṛeakʼre hõ akel do menakʼgetińa ar ona do joto secʼte ar joto lekate ape ṭheniń sodorakada.

Aposkạmi 7:22

Mose do Misorrenkoakʼ sanamakʼ akelte akelanicʼe hoyena, ar acʼakʼ katha ar kạmikote uni do daṛeanicʼe tahẽkana.

Exodus 4:1

Menkhan Mose do roṛ ruạṛketʼteye menkeda, “Israelko bako pạtiạuạń ar ińakʼ katha jodi bako ańjomtiń? Onkoko mendaṛeakʼa, ‘Probhu Isor do am ṭhen bae ńel ocoakana.’ ”

2 Korinthiko 10:10

Adom adom hoṛko meneda, “Uniyakʼ ciṭhiko do monre gaḍaokʼ leka keṭecʼ ar joranakʼ kana, menkhan sorreye tahẽlen khan uni doe nijorgea ar uniyakʼ roṛ do cetat reakʼ hõ baṅkana.”

Jobakʼ 12:2

“Ape do ạkilanko mentepe hudisokʼkana apeakʼ gujukʼ são sãote ạkil hõ gujukʼtapea.

Exodus 3:11

Menkhan Mose do Isore metadea, “Iń do nonkan celegeń baṅkana, one Pharao ṭhen senkate Misor khon Israelkoń oḍok ạgu daṛeako.”

Exodus 6:30

Menkhan Mose do Probhu Isore metade tahẽkana, “Pharao do ińakʼ katha bae luturakʼa, ente iń do hamal moca hoṛ kạnạń.?”

Mikạ 6:4

Iń do Misor disạm khoniń oḍok ạgu akatʼpea, ar golam khoniń chaḍao akatʼpea. Ape goṛowape lạgitʼte Mose, Aron ar Mạriạm tekoń kolletʼkoa.