Exodus 4:1 - সান্তালী বাইবেল

¹ Menkhan Mose do roṛ ruạṛketʼteye menkeda, “Israelko bako pạtiạuạń ar ińakʼ katha jodi bako ańjomtiń? Onkoko mendaṛeakʼa, ‘Probhu Isor do am ṭhen bae ńel ocoakana.’ ”

Exodus 4:1 Referans Kwoze

Exodus 3:18

“Israelkoren murubbiko do amakʼ kathako ańjomtama. Am ar onko do Misor raj ṭhen senkatepe mena, ‘Ibrikoren Probhu Isor do ale ṭhene ńel ocoakana are menakada. Dayakate sen ocoaleme, jemon ale do hahaṅkar talate pe din reakʼ horle senokʼte aleren Probhu Isor dãṛẽle samaṅ daṛeae.’

Aposkạmi 7:25

Mose doe hudisetʼ tahẽkana, acʼren hoṛkoko bujhạu daṛeakʼa Isor do acʼ hotete onkoe bańcaokoa mente, menkhan onko do bako bujhạu daṛeada.

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

Jirimiạ 1:6

Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”

Exodus 6:30

Menkhan Mose do Probhu Isore metade tahẽkana, “Pharao do ińakʼ katha bae luturakʼa, ente iń do hamal moca hoṛ kạnạń.?”

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Exodus 2:14

Uni hoṛe menkeda, “Okoe baṅ ạliń talare mukhiyạ ar bicạricʼe dohoakatʼme? Uni Misri hoṛ leka cetʼ iń hõ gojeńem khojkana?” Noa katha ańjomkate Mose doe botorena. Uni doe hudiskeda, khạṭige noa katha do sodor akana.

Exodus 3:15

Am do arhõm metakoa, onkoren hapṛam Abraham, Isahak ar Jakobren Probhu Isorge onko ṭhene kol akatʼmea. Ińakʼ ńutum do jaejugicʼ Probhuge. Onko do piṛhike piṛhi ińakʼ noa ńutumgeko disạitińạ.

Exodus 3:16

Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Exodus 4:10

Mose doe menkeda, “Menkhan E Probhu Isor, iń do rawal moca hoṛ doń baṅkana. Lahatehõ bạń roṛ daṛeakʼ kan tahẽkana ar am sãote katha roṛ tayom hõ bạń daṛeakʼ kana. Ińakʼ mocare katha do aṭkaokʼtińa, ente ińakʼ alaṅ do hamalgetińạ.”

Exodus 4:30

Probhu Isor do Mose okaṭakʼ kathae metade tahẽkan ona sanamakʼge Arone baḍae ocokedea ar hoṛko samaṅre ona hahaṛa kạmikoe udukʼkeda.

Exodus 6:12

Mose do Probhu Isor roṛ ruạṛadeteye metadea, “Israel hoponko ińakʼ katha bako ańjom enḍekhan Pharao do cedakʼe ańjomtińạ, biseskaete ińakʼ katha tinre baṅ pusṭạukʼtiń?”

1 Rapajko 13:3

Ar enhilokʼge Isorren hoṛ do mitʼṭecʼ cinhạ reakʼ kathae menkeda. Uni doe menkeda, “Probhu Isor do niạ cinhạ reakʼ kathae roṛeda, noa pinḍ do oṛejokʼa ar ona cetan reakʼ torocʼ hõ taral basal ocokʼa.”

Bikʼcạrko 6:17

Gideone menkeda, “Amakʼ dayań ńamakatʼ khan, jemoniń bujhạu daṛeakʼ, sạrige am do iń sãote katham roṛeda ar onate mitʼṭecʼ cinhạ baṛe imạńme.