Exodus 39:6 - সান্তালী বাইবেল

^6-7 Ar boidurjo mạnik dhirikin do sona galaṅakʼte hạṛupʼ ạcurakʼko tearkeda, onko do chahapakʼ reakʼ rokʼ caṛhao kạmiyakʼ lekageko rokʼkeda, Israel hoponko reakʼ ńutum lekate. Ar onakin do ephod reakʼ taren kicricʼkinreye lagaokeda, Israelren hoponko reaṅ dikʼsạ mạnik menkate Probhu Isor Moseye hukum akawade tahẽkan leka.

Exodus 39:6 Referans Kwoze

Exodus 28:9

Am do barea boidorjomoni dhirite ona cetanre Israelren hoponkoakʼ ńutumem galaṅ ocoya.

Jeheskel 28:13

Am do Isorakʼ Eden bagwanrem tahẽkana, sanam lekan damanakʼ dhiri, cuni, podmorag, hirạ, gomedok, boidurjo ar surjokanto, nilkanto, pitmani, morokot ar sona do amakʼ abhrange tahẽkana, amakʼ jhan jhanaokʼkan mala ar seke sekekʼ hạ̃sli do sona reakʼge tahẽkana; noako do sirjạu hilokʼrege tearlena.

Jobakʼ 28:16

Ophir sonate hõ ona do ohoge kirińlena, Boidurjo mạnik ar nilkanto mạniktehõ ona do baṅ kirińokʼa.

Exodus 35:9

ehpod ar koṛam aḍokʼakʼ cetanre bạisạu lạgitʼ boidurjo mạnik ar eṭakʼ damanakʼ dhiriko.

Exodus 25:7

ephod ar koṛam aḍokʼakʼ cetanre bạisạu lạgitʼ boidorjo mạnik dhiri ar eṭakʼ damanakʼ dhiriko.

Exodus 28:11

Kạrigolko damanakʼ dhirire cetʼlekako rokʼ caṛhao arko mohor chapakʼ ṭhik onkage onakin dhiri cetanre Israelren hoponkoakʼ ńutumem rokʼ caṛhao ocoytakoa. Banar boidorjomoni dhirige sona reakʼ jhạńjri cetanre bạisạukate taren reakʼ phitạ sãotem tol doho ocokoa. Noa banar dhiri do Probhu Isor samaṅre Israelkoe udukʼkoa. Ar Probhu Isor jemon onko secʼe beṅged onate Aron do Probhu Isor samaṅre noa ńutumko acʼakʼ banar taren cetanreye ladekakʼa.

Exodus 39:5

Ephod sãote joṛao akatʼ ḍanḍa reakʼ cõhõk bedhaoakʼ hõ ńelokʼte ephod lekage hoyena. Ar ona hõ sonate, nil, beguni ar jeṅgetʼ arakʼ sutạm ar uńakʼ mĩhĩ musnạ sutạmte benao hoyena. Probhu Isor cetʼleka Moseye hukumade tahẽkan onkage sanamakʼ kạmiko kạmikeda.