Exodus 39:5 - সান্তালী বাইবেল

⁵ Ephod sãote joṛao akatʼ ḍanḍa reakʼ cõhõk bedhaoakʼ hõ ńelokʼte ephod lekage hoyena. Ar ona hõ sonate, nil, beguni ar jeṅgetʼ arakʼ sutạm ar uńakʼ mĩhĩ musnạ sutạmte benao hoyena. Probhu Isor cetʼleka Moseye hukumade tahẽkan onkage sanamakʼ kạmiko kạmikeda.

Exodus 39:5 Referans Kwoze

Johan sodor 1:13

Ona diuhe dohowakʼko talare manwa Hopon leka okoe coṅ mitʼ hoṛe tahẽkana. Uni do jaṅga hạbicʼ jeleń aṅgrope horokʼ akatʼ ar koṛam do sona reakʼ pạṭkạte tol ạcurakatʼ tahẽkantaea.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

1 Korinthiko 11:23

Okaṭakʼ iń cetʼ akawatʼpe ona do Probhu Isor ṭhen khongeń ńamakada. Oka ńindạ Probhu Isor do bạirikoakʼ tireye soprot ocolen,

Jesaea 11:5

Dhorom do uniyakʼ ḍanḍa reakʼ totolakʼ hoyokʼtaea ar pạtiạrtetʼ do uniyakʼ totolakʼ pạṭkạge.

Levitikus 8:7

Ona tayom Aron do bhitri reakʼ kicricʼe horokʼadete ḍanḍa totolakʼteye paṭhekedea. Ar ephod latar reakʼ kicricʼ ar ona cetanre ephode horokʼadea ar ephod sãote joṛao mitʼakatʼ ḍanḍa reakʼ ḍombete ephod doe tolkada. Onate ephod do uniyakʼ hoṛmore tahẽyena.

Exodus 29:5

Tayomte ona bises kicricʼkoante Aron do bhitri reakʼ aṅgrop, ephod latarre horokʼ lạgitʼ jeleń aṅgrop, ephod ar koṛam-ḍhalwam horokʼaea. Ar gạkhuṛ tite benaoakʼ ḍanḍa reakʼ ḍombe sãote ephodem tolaea.

Exodus 28:8

Ar ephod sãote joṛao akatʼ ḍanḍa reakʼ cõhõk bedhaoakʼ hõ ephod lekage sonate, nil, beguni ar jeṅgetʼ arakʼ sutạm ar uńakʼ mĩhĩ musnạ sutạmtem benao ocokoa.

Exodus 25:4

Nil, beguni ar arakʼ roṅakʼ sutạm ar mĩhĩ musnạ sutạm; merom upʼ;

Exodus 39:4

Ephod do tarenre tol dohokakʼ lạgitʼ barea phitạko benaokeda ar ephod reakʼ banar munucạtʼreko joṛaokada.

Exodus 39:6

Ar boidurjo mạnik dhirikin do sona galaṅakʼte hạṛupʼ ạcurakʼko tearkeda, onko do chahapakʼ reakʼ rokʼ caṛhao kạmiyakʼ lekageko rokʼkeda, Israel hoponko reakʼ ńutum lekate. Ar onakin do ephod reakʼ taren kicricʼkinreye lagaokeda, Israelren hoponko reaṅ dikʼsạ mạnik menkate Probhu Isor Moseye hukum akawade tahẽkan leka.