Exodus 39:42 - সান্তালী বাইবেল

⁴² Probhu Isor Mose oka lekae hukumade tahẽkan onkage Israelko do jotowakʼko kạmikeda.

Exodus 39:42 Referans Kwoze

Exodus 35:10

“Ape talaren gạkhuṛ kạrigolko hecʼkate Probhu Isor okae hukumakatʼ onako benaoma.

2Timothi 4:7

Bhage lạṛhại iń lạṛhại kana, iń lạgitʼ ṭhik akatʼ horre mucạtʼ hạbicʼ iń ńir calao akana ar Mạsiyakʼ dhorom biswạsiń sapʼ dohoakada.

2Timothi 2:15

Okoe cetanre Isor doe dhirpurge, metakʼme, okoeyakʼ do lajaokʼ reakʼ jãhãn karonge bạnukʼ onkan kạmiyạ hoṛ lekate ar sạriyakʼ reakʼ katha ṭhikteye beoharetʼkan onkan hoṛ leka apnartetʼ Isor samaṅre teṅgokʼ lạgitʼ kurumuṭuime.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Dosar Biboron 12:32

“Iń okakoń hukumatʼpe onako sanamakʼpe manaoa; ar noa sãote cetʼ hõ alope juṭucʼakʼa, ar niạ khon jãhãnakʼ hõ alope kaṭaoa.

Exodus 39:32

Nonkatege sekʼwa tạmbu, metakʼme ńapamokʼ tạmbu reakʼ jotowakʼ kạmi do sạtena. Ar Probhu Isor Mose okalekae hukumade tahẽkan onkage Israelko do jotowakʼko kạmikeda.

Exodus 39:41

sonot ṭhạ̃ire sekʼwa kạmi lạgitʼ kicricʼko, metakʼme naeke Aron lạgitʼ benaoakʼ sonot kicricʼko ar uniren hoponkin lạgitʼ naeke lekate sapʼdapʼ kạmi lạgitʼ kicricʼko.

Exodus 39:43

Mose do onkoakʼ joto kạmi ńelteye bujhạukeda, Probhu Isorakʼ hukum lekage jotowakʼ kạmi do hoyakana. Onate Mose do Israelkoe bhoratʼkoa.

Jirimiạ 13:5

Onate Probhu Isorakʼ katha leka iń do phurạt gaḍa ṭhen onań oko doho oṭokada.

Exodus 12:28

Mose ar Aron Probhu Isor okaṭakʼ hukume ematʼkin tahẽkan onkage Israel hoponko do ruạṛ senkateko kạmikeda.

Numeri 9:22

Bar din hoyokʼ se mitʼ cando hoyokʼ se ona khon ḍher din hoyokʼ, tinạkʼ din rimil sekʼwa tạmbu cetanre tahenkan tahẽkan unạkʼ dinge Israelko do ḍerareko tahenkan tahẽkana. Menkhan rimil ocokʼlen khan onko do arhõko mohnḍakʼkan tahẽkana.

1 Rapajko 6:38

Goṭawakʼ lekate mundil oṛakʼ reakʼ sanamakʼ kạmi do gelmitʼ bochor reakʼ Bul cando, metakʼme irạlakʼ candore sạt utạrena. Solomon do niạ mundil benao sạtte eae bochor lagaoade tahẽkana.

2 Bõsbudạ 8:15

Dạud raj do khajańci reakʼ jãhãnakʼ babotre ar eṭakʼ jãhãnakʼ babotre naekeko ar Liwiko okaṭakʼ hukume em oṭowatʼko tahẽkan ona do bako bemanot leda.