Exodus 39:21 - সান্তালী বাইবেল

²¹ Ona tayom koṛam aḍokʼakʼ do ona kạṛikin sãote ephod reakʼ mundạmreko tol mitʼkeda nil roṅakʼ baberte. Ar onate koṛam aḍokʼakʼ do ephod reakʼ cõhõk bekʼdhaoakʼ cetanre tahẽyena. Ar noa do Probhu Isor Moseye hukumade tahẽkan leka sanamakʼ kạmiko hoyena.

Exodus 39:21 Referans Kwoze

1 Korinthiko 1:27

menkhan dhạrti do okaṭakʼ lelhawakʼe metakʼkan, onage Isor doe bachaoana, jemon akelankoe lajao ocoko. Ar dhạrti okaṭakʼ nijorakʼe metakʼkan, onage Isor doe bachaoana jemon daṛeankoe lajao ocoko;

1 Korinthiko 1:25

Isorakʼ lelhatetʼ do manwakoakʼ akel khon hõ bạ̃ṛti akelanakʼ kana, ar Isorakʼ nijortetʼ do manwakoakʼ daṛeko khon hõ bạ̃ṛti jorana.

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Exodus 25:7

ephod ar koṛam aḍokʼakʼ cetanre bạisạu lạgitʼ boidorjo mạnik dhiri ar eṭakʼ damanakʼ dhiriko.

Exodus 28:8

Ar ephod sãote joṛao akatʼ ḍanḍa reakʼ cõhõk bedhaoakʼ hõ ephod lekage sonate, nil, beguni ar jeṅgetʼ arakʼ sutạm ar uńakʼ mĩhĩ musnạ sutạmtem benao ocokoa.

Exodus 39:20

Ona chaḍa onko do arhõ barea sona reakʼ kạṛiko benao ocoketʼte ephod reakʼ taren kicricʼ latar nakha ona reakʼ samaṅ senakʼ jopoṛao pheḍreko joṛaokeda, ephod reakʼ cõhõk bekʼdhaoakʼ cetanre.

Exodus 39:22

Ephod bhitrire horokʼakʼ jeleń aṅgrop do nil sutạmteko benaokeda.