Exodus 39:1 - সান্তালী বাইবেল

¹ Sonot sekʼwa tạmbu oṛakʼ reakʼ sapʼdapʼ kạmire horog lạgitʼ onko do nil, beguni ar jeṅgetʼ arakʼ sutạmte kicricʼko benaokeda. Probhu Isor do Mose oka lekae hukumade tahẽkana onkage onko do Aronakʼ naeke kạmi lạgitʼ sonot kicricʼko benaokeda.

Exodus 39:1 Referans Kwoze

Exodus 35:23

Ar okoe ṭhen nil roṅakʼ, beguni, jeṅgetʼ arakʼ sutạm ar mĩhĩ musnạ sutạm se merom upʼ, arakʼ roṅ akatʼ bheḍawakʼ upʼ se merom hartako tahẽkan onko hõ onako ạgukeda.

Exodus 35:19

sonot ṭhạ̃ire sekʼwa kạmi lạgitʼ kicricʼko, metakʼme naeke Aron lạgitʼ benaoakʼ sonot kicricʼko ar uniren hoponkin lạgitʼ naeke lekate sapʼdapʼ kạmi lạgitʼ kicricʼko.”

Ibriko 9:25

Maraṅ naeke do janwarkoakʼ mãyãmate cetʼleka jao bochor sonot utạrakʼ jaegareye bolokʼkan tahẽkan, Mạsi acʼhõ onkaleka bar bar dãṛẽ samaṅokʼ lạgitʼ sermate do bae boloakana.

Ibriko 9:12

Merom ar ḍaṅgrakoakʼ mãyãmte Mạsi do ona sonot utạrakʼ ṭhạ̃ire bae bololena. Uni do acʼakʼ mãyãmte mitʼ dhaoge onḍeye boloyena. Nonkate uni do jaejug lạgitʼ kại khon bańcaokʼ reakʼ hore tearkeda.

Jeheskel 43:12

“Noa do hoyena mundil oṛakʼ reakʼ ạn; ar buru reakʼ beṛhaeteakʼ ṭhạ̃i do sonot utạrakʼ hoyokʼa. Ar mundil oṛakʼ reakʼ ạn do noa kangea.

Jeheskel 42:14

Naekeko sekʼwa kạmi lạgitʼ okako kicricʼ horokʼkate mundil oṛakʼteko bolokʼ onako do niạ banar dolanreko bocʼ doho oṭokakʼa ar ona tayom do bahre racateko oḍok daṛeakʼa, ente onako do sonot utạrakʼ kicricʼkana. Hoṛkoakʼ jaegate calakʼ lahare onko do eṭakʼ kicricʼ horokʼ lagao akoa.”

Sereńko 93:5

Amakʼ sanam katha do sạri utạrgea; E Probhu Isor, amakʼ oṛakʼ do sonot reakʼ sajte jaejug sajao akana.

Exodus 39:41

sonot ṭhạ̃ire sekʼwa kạmi lạgitʼ kicricʼko, metakʼme naeke Aron lạgitʼ benaoakʼ sonot kicricʼko ar uniren hoponkin lạgitʼ naeke lekate sapʼdapʼ kạmi lạgitʼ kicricʼko.

Exodus 26:1

“Ńapamokʼ tạmbu do gel goṭecʼ orwal kicricʼtem benaoa. Ona orwalko do ũńakʼ mĩhĩ musnạ sutạmte ar nil, beguni ar jeṅgetʼ arakʼ sutạmte benao hoyokʼa. Ar gạkhuṛ kạrigol hotete onare Kerubkoakʼ chubim dohoya

Exodus 25:4

Nil, beguni ar arakʼ roṅakʼ sutạm ar mĩhĩ musnạ sutạm; merom upʼ;

Exodus 38:31

ar bakher raca reakʼ beṛhaeteakʼ ganḍoko ar bakher raca duạr reakʼ ganḍoko, sekʼwa tạmbu ar beṛhaeteakʼ bakher raca reakʼ gońjkoe benaokeda.

Exodus 28:5

Ar kicricʼ benao kạmire onko do jemon sona, nil, beguni ar jeṅgetʼ arakʼ sutạm ar mĩhĩ musni sutạmko beohar ma.