Exodus 38:1 - সান্তালী বাইবেল

¹ Besalel do jeredokʼ samaṅokʼ lạgitʼ gabla kaṭ reakʼ mõṛẽ moka jeleń, mõṛẽ moka osar ar pe moka usul mitʼṭecʼ pon konac pinḍe benaokeda.

Exodus 38:1 Referans Kwoze

Johan sodor 21:16

Ar nagraha do ponon konḍge jeleń ar osarte somangea. Tayomte uni do ona jokhawakʼte nagrahae jokhaketʼ khan, ona do jeleńte, osarte ar usulte bar hajar ponsae kilomitar hoyena.

Ibriko 13:10

Aboakʼ do mitʼṭecʼ pinḍ menakʼa ar okoe Israelkoakʼ ona sewa tạmbureko kạmikan, onko do aboakʼ pinḍ cetanre samaṅ akatʼ jãhãnakʼge jojom reakʼ ạidạri bạnukʼtakoa.

2 Bõsbudạ 4:1

Solomon do bargel moka jeleń, bargel moka osar ar gel moka usul mitʼṭecʼ pitạl reakʼ pinḍe benao ocokeda.

Exodus 40:29

Sekʼwa tạmbu, metakʼme ńapamokʼ tạmbu duạr ṭhen uni do jeredokʼ samaṅokʼ reakʼ pinḍe dohokeda ar Probhu Isorakʼ hukum leka ona cetanre jeredokʼ samaṅokʼakʼ ar anaj samaṅokʼakʼ porobe porobena.

Exodus 40:6

Sekʼwa tạmbu, metakʼme ńapamokʼ tạmbu reakʼ duạr samaṅre jeredokʼ samaṅokʼ reakʼ pinḍem benaoa.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Ibriko 13:8

Jisu Mạsi do hola cetʼlekae tahẽkan, teheń hõ onkage menaea ar jaejug hạbicʼ hõ onkageye tahena.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniyakʼ hohoakʼren bakhradarkope hoyakan, ape do Jisu reaṅ moneyakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Exodus 25:5

arakʼ roṅte roṅakatʼ bheḍawakʼ harta ar merom harta; gabla kaṭ;

Exodus 31:9

jeredokʼ samaṅokʼakʼ pinḍ ar ona reakʼ thạri-bạṭiko, bhajanko ar ona reakʼ ganḍoko ar naekeakʼ kạmi lạgitʼ Aronakʼ sonot kicricʼ ar uniren hoponko lạgitʼ kicricʼko.

Exodus 38:2

Pinḍ reakʼ ponon konacre ponea dereńe benaoada; ar dereńko do pinḍ sãote joṛao mitʼge tahẽkana. Uni do dereńko sudhạ pinḍ do pitạlteye tolkeda.

2 Bõsbudạ 1:5

Menkhan Hurren goṛomtetʼ koṛa Urren hopon Botsolel do pitạl reakʼ okaṭakʼ pinḍe benao ocoletʼ tahẽkan ona do Gibiạnre Probhu Isorakʼ ḍera tạmbu samaṅre tahẽkana. Ona iạte Solomon ar sanam hoṛko do onḍeko senena.

Exodus 30:17

Ona tayom Probhu Isor do Moseye metadea,