Exodus 36:1 - সান্তালী বাইবেল

¹ “Onate sonot sekʼwa ṭhạ̃i cetʼleka benao hoyokʼa ona bujhạu lạgitʼ Probhu Isor do Besalel, Oholiab ar eṭakʼ kạrigolko hõ bud ar ạkile ematʼkoa jemon onko do Probhu Isorakʼ hukum leka jotowakʼko kạmi daṛeakʼ.”

Exodus 36:1 Referans Kwoze

Exodus 28:3

Ar okoe gạkhuṛ kạrigolko akel emokʼicʼ jiuteń perecʼ akatʼko, onkom metakoa jemon onko do Aron lạgitʼ kicricʼko benaote naeke lekate iń sewawạń lạgitʼe begar doho ocokʼ.

Exodus 39:1

Sonot sekʼwa tạmbu oṛakʼ reakʼ sapʼdapʼ kạmire horog lạgitʼ onko do nil, beguni ar jeṅgetʼ arakʼ sutạmte kicricʼko benaokeda. Probhu Isor do Mose oka lekae hukumade tahẽkana onkage onko do Aronakʼ naeke kạmi lạgitʼ sonot kicricʼko benaokeda.

Exodus 25:8

Israelko hotete iń tahen lạgitʼ mitʼṭecʼ sonot ṭhạ̃irem benaoa. Onate iń do onko talareń girobasokʼa.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Ibriko 8:2

Uni do maraṅ sonot jaegare, metakʼme asol sewa tạmbure Isore sewawae kana. Ona sewa tạmbu do manwa bako beretʼakada, Probhu Isorgeye beretʼakada.

Sereńko 119:6

Enḍekhan amakʼ sanam hukumkoń manao iạte iń do bạń lajao ocokʼa.

Numeri 7:9

Mose do Kohatrenko cetʼge bae ematʼkoa, ente sonotakʼ jinisko reakʼ ńel todarot bhar do onko cetanrege tahẽkana ar onako gokʼ idi reakʼ bhar hõ.

Exodus 36:2

Mose do noa sanamakʼ kạmi lạgitʼ Besalel ar Oholiab tạkine hohoatʼkinạ ar ona chaḍa nonkan gạkhuṛ kạrigolko hõe hohowatʼkoa okoe do Probhu Isor khon daṛeko ńamakatʼ ar monre uskur menakʼtako.

1 Rapajko 7:14

Uniren eṅgattetʼ do mitʼṭecʼ rạnḍi maejiu ar Naphtali gusṭiren hoponerae tahẽkana. Uniren apattetʼ do Turren hoṛe tahẽkana. Ar Hiram do pitạl kạrigole tahẽkana. Hiram do pitạl reakʼ sanam lekan kạmikoe baḍaekan tahẽkana ar ona kạmire uni do ạḍi gạkhuṛ kạrigole tahẽkana. Uni do Solomon raj ṭhene hecʼena ar okako kạmiye emocoyen onakoe kạmikeda.

1 Bõsbudạ 28:21

Isorakʼ oṛakʼ reakʼ sekʼwa kạmi lạgitʼ eṭakʼ eṭakʼ dolren naekeko ar liwikohõ sapṛaoge menakʼkoa. Ar joto kạmire goṛowam lạgitʼ gạkhuṛ hoṛko menakʼkoa. Mukhiyạko ar sanam hoṛ do amakʼ hukumko senakʼa.”

Exodus 12:28

Mose ar Aron Probhu Isor okaṭakʼ hukume ematʼkin tahẽkan onkage Israel hoponko do ruạṛ senkateko kạmikeda.

Exodus 31:11

Ojokʼ bahalokʼ lạgitʼ sunum ar sonot ṭhạ̃ire lạgitʼ jut so dhupko. Ar amiń hukum akawatʼme leka onko do jemon onako benao daṛeakʼ.”

Exodus 38:23

Dan khũṭren Ahisamakren hopon Oholiab do Besalele goṛowade tahẽkana. Uni do ti reakʼ kạmi metakʼme lalakʼ rorokʼren kạrigole tahẽkana. Ona chaḍa nil, beguni ar jeṅgetʼ arakʼ sutạm ar mĩhĩ musnạ sutạmte nana parkan galaṅ kạmiren mitʼṭen gạkhuṛ kạrigolgeye tahẽkana.

1 Bõsbudạ 2:20

Hurren hopon Uri ar Uriren hopon Bothsolel.