Exodus 34:6 - সান্তালী বাইবেল

⁶ Uni do Mose samaṅteye sen paromena ar noae lại jạhirkeda, “Probhu, Probhu, uni do daya ar mãyãte perecʼicʼ Isor kanae. Uni do usạrate bae edre hodokʼa. Menkhan daya ar sạriyakʼteye kisạ̃ṛgea.

Exodus 34:6 Referans Kwoze

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Sereńko 145:8

Probhu Isor do daya are mãyãwạnicʼ kana; uni do usạrate bae edre hodokʼa ar uniyakʼ dulạṛ do asambheṛgetaea.

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

2 Bõsbudạ 30:9

Probhu Isor ṭhenpe ruạṛ hijukʼ enḍekhan aperen boehako, aperen hopon ar hoponerako okoe doko bondi idiakatʼko onko cetanre daya hecʼakoa. Unre onko do niạ disạmteko ruạṛ hecʼ daṛeakʼa, ente aperen Probhu Isor do daya ar mãyãteye perecʼgea. Uni ṭhenpe ruạṛ hecʼlen khan uni do bae dea giḍikapea.”

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Dosar Biboron 5:10

Menkhan okoe ińko dulạṛiń ar ińakʼ hukum lekako calakʼ onko do hajar piṛhi hạbicʼ iń dayawakoa.

Sereńko 138:2

Amakʼ sonot oṛakʼ secʼ samaṅkateń ḍoboga, ar amakʼ asambheṛ dulạṛ ar pạtiạrtetʼ iạte amiń gun manao joharama; ente amakʼ gokʼakʼ purạu lạgitʼ oka lekam sodorakan ona do amakʼ namḍak khon hõ maraṅgea.

Sereńko 116:5

Probhu Isor do daya are dhoromicʼkana; aboren Isor do mãyãteye perecʼgea.

Sereńko 108:4

Ente amakʼ asambheṛ dulạṛ do serma khon hõ cetangea, amakʼ pạtiạr do rimil khon hõ cetangea.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Sereńko 111:4

Uni do acʼakʼ hahaṛa kạmikoe disạ ocokeda; uni do daya ar mãyãteye perecʼgea.

Sereńko 112:4

Okoakʼ ontor khạṭige uni lạgitʼ do ńutre hõ marsalge tahena, ente uni do daya ar mãyãteye perecʼgea are dhoromgea.

Sereńko 57:10

ente amakʼ asambheṛ dulạṛ do serma hạbicʼ menakʼa, amakʼ pạtiạrtetʼ do rimil cetante hõ calakʼ kana.

Exodus 22:27

ente uniyakʼ oyokʼ kicricʼ do ona motogetaea. Ar baṅ khan cetʼte uni doe oyokʼa? Ar ona lạgitʼ iń ṭhene rakʼle khan uniyakʼ rakʼ iń ańjomtaea, ente ińakʼ ontor do dayate perecʼgetińa.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Rak̕joṅ 3:23

Din hilokʼ setakʼ jokhecʼ ona do nãwã arokʼkana; uniyakʼ pạtiạr do maraṅgetaea.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Sereńko 91:4

Acʼakʼ ilkoteye guṅgutʼ esetʼmea, ar uniyakʼ phạ̃kṛạ̃kʼ latarre am do asrayem ńama; uniyakʼ pạtiạrtetʼ do amakʼ ḍhal ar hoṛmo aḍokʼakʼ phirikana.

Sereńko 31:19

Amakʼ bhạlạiyteakʼ do samani maraṅ! Am botoram kanko lạgitʼge ona dom dohoakada; amre hirlạ akanko do amgem bhạlạiyetʼkoa, ona do sanamko samaṅrege.

Jesaea 12:4

Ape do enhilokʼpe mena, “Probhu Isor sarhaoepe, ar uniyakʼ gun reakʼ katha lại pasnaope; uni okae ceka akatʼ ona do sanam jạtrenko baḍae ocokope ar lại pasnaope, uni doe maraṅ utạricʼ kana.

Sereńko 111:8

Ona ạnko do jaejug hạbicʼ tahena; ona do pạtiạrgea ar dhoromte benao akana.

1 Rapajko 19:11

Unre Probhu Isore menkeda, “Am do oḍok hecʼkate buru coṭre iń samaṅre teṅgokʼme.” Un jokhecʼ Probhu Isor do onkateye parom calakʼkan tahẽkana, ar uni samaṅre mitʼṭecʼ maraṅ daṛeanakʼ hoe do burukoe oṛecʼketʼte bar hạṭińena ar sanam dhiriko do rạputʼ gejerena, menkhan ona hoere Probhu Isor do bae tahẽkana. Ar ona hoe tayom do dhạrti laṛaoena, menkhan onare hõ Probhu Isor do bae tahẽkana.

Sereńko 146:6

Probhu Isor do serma ar ot ar jalapuri ar onare menakʼ jotowakʼe sirjạu akada; uni do jaejug hạbicʼe pạtiạrgea.

Jakob 5:11

Okoe sombhurikateko sahao akatʼ onko do bhạgankole metakokana. Ape do Jobe sumbrạuletʼ reakʼ kathape ańjomakada ar Probhu Isorakʼ kạmi reakʼ mucạtʼ jo do bhagegea mente ona hõpe ńelakada. Probhu Isorakʼ daya ar mãyã reakʼ mucạtʼtetʼ do bạnukʼa.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Exodus 33:19

Probhu Isore menkeda, “Iń do ińakʼ sanam ṭhonokiń udukʼama. Ar am samaṅre ińakʼ ‘Probhu Isor’ ńutumiń lại jạhira. Ińakʼ sanaleka okoeyiń dayawae unigeń dayawaea, ar okoe hoṛ iń mãyãwae, unigeń mãyãwaea.

Dosar Biboron 4:31

Aperen Probhu Isor doe dayakʼicʼ Isor kana; uni do bae bạgiyapea se bae maraopea, menkhan kiriạkate aperen hapṛamko lạgitʼ oka bondobose dohoakatʼ ona do alope hiṛińa.

Dosar Biboron 32:3

Iń do Probhu Isorakʼ ńutumiń jạhirtaea. Ape do aboren Isorakʼ ṭhonok reakʼ sarhaotaepe.

1 Rapajko 8:30

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ luturakʼ me. Ar amakʼ tahen ṭhạ̃i serma khon ańjomtakome ar ikạkakome.

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Jirimiạ 32:18

Am do hajar hajarko amakʼ asambheṛ dayam udukʼako kana ar apatkoakʼ ghạṭko reakʼ sạjại do onkoren hoponkom emakokana. E maraṅ ar daṛeanicʼ Isor, amakʼ ńutum do sanam daṛeanicʼ Probhuge;

Nạhum 1:3

Probhu Isor do usạrate bae edrekʼa ar daṛete hõe maraṅgea. Uni do begor sạjạite bae aṛakʼa. Uniyakʼ hor do birbão ar hoere tahenkana, ar rimil do uniyakʼ jaṅga reakʼ dhuṛikana.

Genesis 24:27

“Bhạgạngeae Probhu Isor do, one okoe doe ińren kisạ̃ṛ Abrahamren Isor kan! Uni do ińren kisạ̃ṛe emade tahẽkan katha ar pạtiạrtetʼ udug do bae hiṛiń akada. Unige horkoe udukʼ ạguạdińa ar iń kisạ̃ṛren boehawakʼ oṛakʼteń hecʼakana.”

Numeri 12:8

Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

2 Samuel 24:14

Unre Dạud do Gade metadea, “Iń do ạḍi muhinreń paṛao akana. Manwa tire jemon aloń paṛaokʼ; ona khon boroṅ, Probhu Isorakʼ tire bon paṛaokʼma, ente uniyakʼ daya do asambheṛgetaea.”

Kạhtukko 3:3

Pạtiạr ar dhorom do tishõ aloe bạgiwam ma; amakʼ hoṭokʼre onako bedhao dohokakʼme, ar amakʼ ontorre hõ ol dohokakʼme.