Exodus 34:25 - সান্তালী বাইবেল

²⁵ “Ape do iń ńutumte tinre janwarakʼ mãyãmpe samaṅa unre ona sãote khạmi mesal akatʼ jãhãnakʼge alope samaṅa. Bańcao porob reakʼ samaṅokʼakʼ jãhãnakʼge setakʼ hạbicʼ do alope sarecʼ dohokakʼa.

Exodus 34:25 Referans Kwoze

Exodus 23:18

“Iń ńutumte tinre janwarakʼ mãyãmpe samaṅa unre ona sãote khạmi mesalakatʼ piṭhạ do alope samaṅa. Porob jokhecʼ iń ńutumte okoe janwarpe dãṛẽko onkoakʼ itil reakʼ jãhãnakʼ hạṭińko setakʼ hạbicʼ alope sarecʼ dohokakʼa.

Exodus 12:10

Ar setakʼ hạbicʼ do cetʼge alope sarecʼ dohokakʼa. Ar thoṛa sarecʼlen khan ona dope atar giḍikakʼa.

Dosar Biboron 16:3

Uni janwarakʼ jel do khạmi mesalakatʼ piṭhạ sãote alope joma. Menkhan eae din hạbicʼ apeakʼ duk disạite bin khạmiyanakʼ piṭhạpe joma, ente Misor disạm khon usạratepe oḍok hecʼakana. Onate Misor disạm khon oḍok hijukʼ reakʼ katha jiwetʼ jonompe disạ dohokakʼa.

Numeri 9:12

Menkhan setakʼ hạbicʼ do cetʼge sarecʼ dohokakʼ baṅ hoyokʼa se uniyakʼ jãhãn jaṅko hõ baṅ rạpudtae hoyokʼa. Bańcaokʼ porob palon jokhecʼ sanam niạmko manao hoyokʼa.

Levitikus 7:15

Gun manao johar lạgitʼ noa samaṅokʼakʼ jel do enhilokʼge jom cabae hoyokʼa, ar setakʼ hạbicʼ do baṅ sarecʼkakʼ hoyokʼa.

Exodus 29:34

Sid emokʼ reakʼ bheḍawakʼ jel se piṭhạ setakʼ hạbicʼ sarecʼ tahen khan ona do atar giḍikakʼ hoyokʼa. Okoehõ jemon aloko jom, ente ona do sonotakʼ jomakʼ kana.

Exodus 12:20

Jãhãregepe tahen niạ eae din do khạmiyanakʼ jãhãnakʼ cetʼge alope joma; menkhan bin khạmiyanakʼ piṭhạ baṛe jompe.”

Exodus 12:8

Enhilokʼ ńindạge onko do ona jel seṅgelreko rapagma ar begor khạmiyanakʼ piṭhạ ar haṛhatʼ aṛakʼ sãoteko jom ma.

Mathae 13:33

Uni do arhõ mitʼṭecʼ phene lạiyatʼkoa: “Serma raj do khạmi lekana. Mitʼṭen maejiu do ona idikate gel irạl keji holoṅreye sipi mesalkeda. Onate joto holoṅ do khạmiyanakʼ hoyena.”

Levitikus 2:11

“Probhu Isor ńutumte jomakʼ samaṅokʼ lạgitʼ jãhãnakʼge ạgukʼ ona do bin khạmiyanakʼ baṛe hoyokʼ ma. Probhu Isor ńutumte seṅgelre samaṅokʼakʼ jiniskore khạmi se rasa do alope jereda.

Dosar Biboron 16:4

Niạ eae din apeakʼ simạre ar ape talare khạmi mesalakatʼ jãhãn jinis alo baṛe ńamokʼma. Porob reakʼ pạhil din ạyupʼ jokhecʼ okaṭakʼ jelpe samaṅ ona do setakʼ hạbicʼ alope sarecʼ dohokakʼa.