Exodus 34:23 - সান্তালী বাইবেল

²³ Sanam herel hoṛ do bochorre pe dhao Probhu Isor samaṅrepe hạjirokʼa. Ente uni kangeae Israelkoren Isor do.

Exodus 34:23 Referans Kwoze

Exodus 23:14

“Jao bochor iń ńutumte pea porobpe porobokʼa.

Dosar Biboron 16:16

“Aperen Probhu Isore bachao akawan ṭhạ̃ire bochorre pe dhao, metakʼme bin khạmiyanakʼ piṭhạ porobpe porobokʼ jokhecʼ, eae hapta reakʼ porobre ar chamḍa porobre aperen sanam herel hoṛko do Probhu Isor samaṅre hạjirokʼ hoyokʼtakoa. Unre Probhu Isor samaṅre eken ti okoe hõ alo jemonko hijukʼma.

Exodus 23:17

Bochorre pe dhaokate aperen sanam herel hopon do Probhu Isor samaṅreko hạjirokʼma.

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Sereńko 84:7

Calakʼ horre onko do daṛe cetan daṛeko ńameda; onko do Sionre Isor samaṅreko ńel ocokʼkana.

Genesis 33:20

Ar onḍe do mitʼṭecʼ pinḍe benaokeda ar ona reakʼ ńutum do El-Elohe Israele dohokeda (metakʼme “Isor doe Israelkoren Isor kana”).

1 Samuel 1:3

Elkana do jao bochor acʼakʼ nagraha khon Siloteye calakʼkan tahẽkana. Uni do onḍe senkate sanam daṛeanicʼ Probhu Isor sewawae ar uni ńutumte janwarkoe samaṅetʼko tahẽkana. Unre onḍe do naeke Eliaserren banar hopon Probhu Isorren naeke kin tahẽkana. Unkinakʼ ńutum do Hopni ar Pinehas tahẽkana.

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Jeheskel 46:9

“ ‘Niṭ akatʼ sanam porob jokhecʼ disạmren hoṛko do tinre sekʼwae lạgitʼ Probhu Isor samaṅreko hijukʼa unre jãhãege utạr phaṭok duạrteye bolokʼ uni do dạkhin phaṭok duạrteye oḍokokʼa ar okoe dạkhin phaṭok duạrteye bolokʼ uni do utạr phaṭok duạrte oḍokokʼ hoyokʼtaea. Hoṛko oka phaṭok duạrteko bolokʼ ona phaṭok duạrte do bako oḍokokʼa, menkhan mitʼke mitʼ hoṛ do bolokʼ phaṭok duạr reakʼ ulṭạ secʼakʼ phaṭok duạrte oḍok calakʼ hoyokʼtakoa.