Exodus 34:21 - সান্তালী বাইবেল

²¹ “Ape do hapta reakʼ turui dinpe khaṭaokʼa menkhan eae mãhã hilokʼ do jirạukʼpe. Casokʼ jokhecʼ ar phosol samṭao oktere hõ onkaepe.

Exodus 34:21 Referans Kwoze

Exodus 23:12

“Haptare turui din khaṭaokʼpe menkhan eae mãhã hilokʼ do cetʼge alope kạmiya. Onate aperen ḍaṅgra ar gadha do jirạuko ńama ar apeakʼ oṛakʼreko janam akan guti-kạ̃ṛmĩko ar eṭakʼ jạtren hoṛko hõ khaṭaokʼ khon rehayko ńama.

Luk 13:14

Jisu do jirạukʼ mãhãreye bogekedete sunạgogren mukhiyạ doe edreyente hoṛkoe metatʼkoa, “Kạmi lạgitʼ turui din ma menakʼge. Onate jirạukʼ mãhãre baṅ hecʼkate ona turui din bhitrire hecʼkate boge ocokʼpe.”

1 Samuel 8:12

Uni do acʼ lạgitʼ adom do hajarko cetanre, adomko do mõṛẽgelko cetanre senaputiye dohokoa. Ar eṭakʼko do acʼakʼ jumi cas ar phosol samṭao kạmire ar lạṛhại reakʼ khanḍa bhanḍa ar rãt gạḍiko reakʼ soroṅjamko benao lạgitʼe lagaokoa.

Dosar Biboron 21:4

Ar okare tishõ bako casakatʼ se itạ hõ bako erakatʼ ar onḍe mitʼṭecʼ ạtukʼ soḍokʼ menakʼ, nonkan mitʼṭecʼ sokṛa soḍokʼte uniko idiyea. Ar ona soḍokʼre uni phẽṭaṛakʼ hoṭokʼko rạpudtaea.

Exodus 35:2

Hapta reakʼ turui dinpe khaṭaokʼa menkhan eaeakʼ din do ape lạgitʼ mitʼṭecʼ begarakʼ din hoyokʼa, Probhu Isor ńutumte jirạukʼ dinge. Enhilokʼ okoeye kạmi uni doe gocʼ ocokʼa.

Luk 23:56

Ona tayom ruạṛ senkate uniyakʼ hoṛmore lạgitʼ mahkaokʼ sunum ar mosolako tearkeda. Ar ona tayom do Moseyakʼ hukum leka jirạukʼmãhã hilokʼ doko jirạuena.

Jesaea 30:24

Aperen cacas ḍaṅgrako ar gadhako do buluṅ akawatʼ danako joma one oka do haṭakʼ supticʼteko tear akatʼ.

Genesis 45:6

Akal calakʼ kana bar bochor khon. Noa do arhõ mõṛẽ bochor hạbicʼ tahena. Unre phosol hõ baṅ erokʼa ar irhõ baṅ irokʼa.

Exodus 31:15

Ape do hapta reakʼ turui dinpe khaṭaokʼa menkhan eaeakʼ din do jirạukʼ dinge, ona do Probhu Isor ńutumte mitʼṭecʼ begar akan din kana. Ar jãhãe ona dinreye kạmi enḍekhan uni doe gocʼ ocokʼa.

Levitikus 23:3

Hapta reakʼ turui dinpe kạmiya menkhan eaeyakʼ dinre dope jirạukʼa, metakʼme ona do sonot jarwakʼ din kana. Enhilokʼ do cetʼge alope kạmiya. Jãhãregepe girobasokʼ ona din do Probhu Isor ńutumte mitʼṭecʼ jirạukʼ dinge hoyokʼa.”

Nehemiạ 13:15

Ona jokhecʼ iń ńelkeda Jihudạren hoṛko do jirạukʼ mãhãre darkhako lelen kana, phosolko samṭaoeda ar ona phosol, darkha rasa, loa jo ar eṭakʼ sanamakʼ bojhako do gadhareko ladeyeda. Ona chaḍa onko do jirạukʼ mãhãre Jerusalemte onako aderetʼkana. Onate jirạukʼ mãhãre jomakʼ jinis ạkhriń babotre onkoń sontorkatʼkoa.