Exodus 34:18 - সান্তালী বাইবেল

¹⁸ “Menkhan bin khạmiyanakʼ piṭhạ porob porobokʼpe. Iń cetʼ lekań hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ niṭ akan oktere ape do noape porobokʼa, ente ona candoge Misor disạm khonpe oḍokʼ hecʼlena.

Exodus 34:18 Referans Kwoze

Levitikus 23:6

Ona cando reakʼ gel mõṛẽ tạrik do Probhu Isor ńutumte bin khạmiyanakʼ piṭhạ porob ehobokʼa. Ar ape do eae din hạbicʼ bin khạmiyanakʼ piṭhạ jojom hoyokʼtapea.

Exodus 13:4

Ape do Abib cando reakʼ noa dinregepe oḍok hecʼakana.

Aposkạmi 12:3

Onate Jihudikoko kusiakana menteye ńelketʼ khan uni do Patras hõ sabe lạgitʼe calaoena. Noa ghoṭna do bin khạmiyanakʼ piṭhạ porob jokhecʼ hoylena.

Luk 22:1

Ona oktere Jihudikoakʼ bin khạmiyanakʼ piṭhạ porob do hecʼsor akan tahẽkana. Noage bańcaokʼ porob hõko metakʼkan tahẽkana.

Mark 14:1

Unre sen parom porob ar bin khạmiyanakʼ piṭhạ porob do ar bar din bạki tahẽkana. Ar maraṅ naekeko ar sostor baḍaeko do Jisu hape hapete sapʼkate goje reakʼ ạtko ńam baṛayetʼ tahẽkana.

Exodus 23:15

Ape do bin khạmiyanakʼ piṭhạ porobpe porobokʼa. Iń okaṭakʼ iń hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ mitʼṭecʼ goṭawakʼ dinre noa dope palona, ente ona candoge ape do Misor disạm khonpe oḍok ạgu ocoakana. Unre okoe hõ jemon iń ṭhen eken ti aloe hijukʼ.

Exodus 12:2

“Noa candoge hoyokʼa apeakʼ pạhil cando, apeakʼ bochor reakʼ pạhil cando.

Exodus 12:42

Probhu Isor do inạ ńindạge pahrakate Misor disạm khone oḍok ạguletʼkote piṛhike piṛhi Israelko do Probhu Isorakʼ katha disạite ona ńindạ do jagwargeko tahenkana.

Numeri 28:16

“Bochor reakʼ pạhil cando reakʼ gelponakʼ tạrikre Probhu Isor ńutumte bańcaokʼ porobpe porobokʼa.

Numeri 28:17

Ona cando reakʼ gelmõṛẽ tạrik hilokʼ mitʼṭecʼ porobokʼ hoyokʼa. Unre eae din hạbicʼ bin khạmiyanakʼ piṭhạ jojom hoyokʼtapea.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Exodus 23:14

“Jao bochor iń ńutumte pea porobpe porobokʼa.