Exodus 34:16 - সান্তালী বাইবেল

¹⁶ Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

Exodus 34:16 Referans Kwoze

Esra 9:2

Onko do apnartetʼ ar onkoren hoponko lạgitʼ bạhu lekate onko jạtren kuṛiko hataoketʼkoa, ar nonkate onko do sonot jạtrenko tulucʼko mesalena. Noa bepạtiạr reakʼ hor do mukhiyạko ar cetan hudạren kạmiyạkoge pạhilre horko udukʼatʼkoa.”

Nehemiạ 13:25

Iń do onkoń ruhetʼketʼkoa ar onko cetanre jemon sarap hecʼako ona hõń metatʼkoa. Onkoren adomko doń dalketʼkoa ar bohokʼ upʼkoń racakʼ tutʼketʼtakoa. Isor ńutumte noań kiriạ ocoketʼkoa jemon porjạtren koṛako sãote akoren hoponerako aloko baplako ar akoren hoponko hõ jemon porjạtren kuṛiko tulucʼ aloko baplako.

Nehemiạ 13:23

Ona jokhecʼ iń do niạ hõń ńelkeda je, Jihudạren adom hoṛko do Asdod, Amoni ar Moabi kuṛikoko bapla akatʼkoa.

Josuạ 23:12

“Menkhan onko jạtrenko modre okoe do jiwetʼ menakʼko ar ape talareko tahenkan ar aperen Probhu Isor bạgikate onko sãotepe gatekʼ se onko sãotepe baplakʼ, se onko tulucʼpe helmelpe dohoy,

Josuạ 23:13

enḍekhan khạṭige baḍaekakʼpe, aperen Probhu Isor do ape samaṅ khon ar bae laga ńirkoa. Ona bodolte onko do aperen jhãmpa ar pạsi lekako hoyokʼa arpe sapʼ ocokʼa ar onko do apeakʼ dea reakʼ cạbuk ar mẽtʼ reakʼ jạnumko hoyokʼa. Ar nokʼõe napae okocʼ disạm aperen Probhu Isore emakawatʼpe nonḍe khonpe marao utạrokʼa.

Bikʼcạrko 3:6

Onko do onkoren kuṛikoko baplayetʼko tahẽkana ar ako hõ akoren kuṛiko onkoren koṛako lạgitʼko emokʼkan tahẽkana ar onkoren debotakoko sewawako kan tahẽkana.

Bikʼcạrko 14:3

Uniren eṅgat apatkin menkeda, “Aboren peṛako se aboren jạtrenko talare cetʼ jãhãn kuṛi do bạnukʼkoa, ar baplakʼ lạgitʼ begor khatna akan Philisṭiko ṭhenem calakʼkana?” Menkhan Samson do apattetʼe metadea, “Baṅa baba, iń lạgitʼ do unige ạguiye ben. Iń do uniregeń kusi akana.”

1 Rapajko 11:1

Solomon raj do pharaoren hoponera chaḍa arhõ aema bidisiạ maejiukoe dulạṛetʼko tahẽkana. Onko do Moabren, Amoniren, Edomren, Sidonren ar Hittirenko tahẽkana.

Esra 9:12

Ona iạte aperen kuṛiko do onkoren hoponko sãote alope baplakoa se aperen koṛako lạgitʼ hõ onkoren kuṛiko alope hataokoa ar tishõ onkoakʼ bhạlại se rakapʼko reakʼ do alope kurumuṭuiya. Onate ape do daṛeankope hoyokʼa ar jumi reakʼ bhage bhage jiniskope jom daṛeakʼa ar jaejug ạidạri lekate disạm do aperen hopon ar hoponerako lạgitʼpe doho oṭo daṛeakʼa.’

Nehemiạ 10:30

Ale do aḍepase jạtrenko sãote aleren hoponerako bale baplakoa se aleren hoponko lạgitʼ hõ onkoren hoponerako bale ạgukoa.

Genesis 24:3

Serma ar otren Probhu Isor samaṅre iń do noań kiriạ ocoyetʼmea; okoe Kananrenko talareń tahenkan onko mod khon okoeṭakʼ kuṛi hõ ińren koṛa lạgitʼ bạhu mente do alom bachaokoa.

Levitikus 21:15

jemon goṭa bõsrenko talare acʼren hoponko aloe besonot ocoko. Ente iń Probhu Isorge naekekoń begar dohoakatʼkoa.”

Bikʼcạrko 3:5

Ona iạte Israelko do Kananiko, Hittiko, Amoriko, Pherisiko, Hiwiko ar Jebusiko talare girobasokʼko ehopʼena.

Bikʼcạrko 8:27

Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

2 Bõsbudạ 21:11

Uni do Jihudạ reakʼ burukore than boṭkocʼkoe benaokeda ar ona lạgitʼ Jerusalemren hoṛko do boṅgako sewawakoko ehopʼena ar Jihudạren hoṛko do bạṛicʼ horteko senena.

Nehemiạ 10:31

Jirạukʼ mãhã se eṭakʼ jãhãn sonotakʼ dinre aḍepase jạtrenko jãhãnakʼ jinis se jomakʼ ạkhriń lạgitʼko ạgui enḍekhan onko ṭhen khon do bale kirińa. Ar mimitʼ eaeyakʼ bochorre ale do aleakʼ jumire bale casa ar sanam rinle ikạ katakoa.

Sereńko 106:39

Ar nonkate onko doko bhoṅḍena; akoakʼ kạmiko iạte Probhu Isor ṭhen bepạtiạrkoko hoyena.

Hosea 1:2

Hosea hotete pạhil dhao katha roṛ jokhecʼ Probhu Isor do uniye metadea, “Am do senkate mitʼṭen kusumbi ayo baplayem. Ar laṭghaṭren hoponko omonjoṅme, ente disạmren hoṛko do ạḍitetʼko laṭghaṭeda Probhu Isorko bạgi akadete.”