Exodus 34:15 - সান্তালী বাইবেল

¹⁵ “Okoe ona disạmreko tahenkan onko sãote cetʼge alope bondobosa, ente onko tinre besapha monte akoren debotako ṭhen apnartetʼko emokʼa ar onko ńutumte janwarko dãṛẽkoa unre apeko neotapea ar ape tulucʼ boṅga ṭhen samaṅakʼ reakʼ jelko joma.

Exodus 34:15 Referans Kwoze

Bikʼcạrko 2:17

Menkhan enhõ Israel hoponko do disạm cakʼlaokoakʼ katha bako luturakʼkan tahẽkana. Probhu Isor cetanre pạtiạu doho baṅkate debotako cetanre apnarko ṭehãḍokʼkan tahẽkana arko sewawako kan tahẽkana. Onkoren hapṛamko Probhu Isorakʼ oka horteko taṛametʼ tahẽkan ona hor khon thoṛa ghạṛicʼ khangeko ghańjeṛokʼ kan tahẽkana.

1 Korinthiko 8:4

Ńitokʼ do boṅga ṭhen samaṅakʼ jomakʼ reaṅ iń roṛeda. Baḍaegea bon dhạrtire cele boṅgage bạnukʼkoa, ar mitʼ goṭen chaḍa ar cele Isor hõ bạnukʼkoa.

Sereńko 106:28

Onko do Peor burure Bakʼal debotako pujạwadea ar gocʼ hoṛko ńutumte dãṛẽ akatʼ jelko jomkeda.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Numeri 25:2

Noko maejiuko do akoren debotako ńutumte janwar dãṛẽko reakʼ porobre Israelkoko neotaketʼkoa, ar Israelko hõ onko sãote jom-ńũkate onkoren debotakoko ḍobokʼatʼkoa.

1 Korinthiko 10:27

Ar jãhãe bin pạtiạuicʼe neotalepere arpe calaolenre, bibek khạtirte cetʼ hõ begor kulite samaṅ akawatʼpe reakʼ jompe.

1 Korinthiko 8:10

Amakʼ do akel menakʼtama, menkhan okoeyakʼ bibek nijorgetae uni do boṅga mundilkore jojom duṛupʼe ńellem khan boṅga samaṅakʼ jom lạgitʼ uni hõ cetʼ dil bae ńama?

1 Korinthiko 8:7

Menkhan noa akel do jotokoakʼ do bạnukʼa. Boṅga sewa reakʼ hewa tahẽkante adomko do ńitokʼ hõ boṅga ṭhen samaṅakʼ jomakʼko jomeda. Onate onkoakʼ bibek hõ nijorgete bhonḍokʼ kantakoa.

Jirimiạ 3:9

Uni do loṭghuṭi reakʼ kạmi jãhãnakʼ bae metatʼte dhiriren ar kaṭren debotako sãoteye laṭghaṭketʼte disạme bhonḍkeda.

Levitikus 17:7

Probhu Isorre bepạtiạr iạte boda-bhutko ńutumte janwar dãṛẽkate apnartetʼ aloko ạkhrińokʼma. Noa do mitʼṭecʼ niạm leka piṛhike piṛhi manao idiy hoyokʼtakoa.

Exodus 34:12

Sontorokʼpe! Oka disạmpe bolo lạgidokʼkan ona disạmren hoṛko sãote cetʼge alope bondobosa; arpe onkae khan onko do ape talare jhampa lekako hoyokʼa.

Johan sodor 2:20

Enhõ am upạrte ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromtetʼem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼ jomakʼko jom.

Hosea 9:1

E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.

Hosea 4:12

Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Sereńko 73:27

Okoe am ṭhen khon pharakteko sen akan, onko doko ses utạrokʼa; ar okoe amre bako pạtiạu akan onko dom marao giḍikoa.

Esra 6:9

Sermaren Isor ńutumte jeredokʼ samaṅokʼ lạgitʼ Jerusalemren naekeko do bạchurko, bheḍako ar bheḍa hoponko, guhum, buluṅ, darkha rasa ar sunum, metakʼme okako jạruṛokʼ ona emokʼ hoyokʼtapea. Onkoakʼ jạruṛokʼ leka dinạm hilokʼ noako do emokʼtege hoyokʼa,

Dosar Biboron 7:2

Ar aperen Probhu Isor do tinre apeakʼ tireye jimạkoa unre sanamkope marao utạrkoa. Onko sãote jãhãn bondobosge alope dohoya ar onkore daya hõ alope dayakʼa.

Numeri 15:39

Dạsikope ḍuriạwakʼa jemon onakope ńellere ińakʼ sanam hukumko reakʼ kathape disại ar onape manao. Enḍekhan ape do ińre bepạtiạukʼte apeakʼ ontor ar mẽtʼ reakʼ rij roṅre bape ạkhrińokʼa.

Exodus 34:10

Khan Probhu Isor doe roṛ ruạṛkeda, “Iń do mitʼṭecʼ bondobos iń dohoakada. Amren sanam hoṛko samaṅre nonkan hahaṛawakʼkoń kạmiya ona do niạ lahare dhạrtiren cele jạtrenko samaṅre baṅ hoyakana. Ar okoe hoṛko samaṅrem girobasokʼkan onkoko ńela, iń Probhu Isor do ape lạgitʼ okań cekae lạgidokʼkan ona do manwakoakʼ monre botor ar bhuktigeye janam ocoya.

Exodus 23:32

Onko sãote se onkoren debotako sãote cetʼge alope rikita.

Aposkạmi 15:20

Bickom onko ṭhen noa katha bon olma, jemon boṅga tulucʼ jopoṛao sanamakʼ ar joto lekan loṭghuṭi khon sahaṛ akanko tahen, ar limbạtʼ gocʼ janwarakʼ jel ar mãyãm jemon aloko jom.

Exodus 22:20

“Probhu Isor chaḍa jãhãege jãhãe debota ṭhen jãhãnakʼe samaṅ enḍekhan uni hõ goje hoyokʼa.

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

Numeri 25:1

Israel hoponko tinre Siṭim nagraha ṭhenko tahẽkana unre onko do Moabren maejiuko sãoteko laṭghaṭkeda.

Dosar Biboron 7:3

Onko sãote baplakʼ reakʼ hõ alope bondobosa. Aperen kuṛiko hõ onkoren hoponko alope emakoa ar onkoren kuṛiko hõ aperen hoponko lạgitʼ alope ạgukoa,

Dosar Biboron 32:37

Unre uni doe mena, “Okayenako onkoren debotako do? Okayena onkoakʼ ona buru do one okareko asraylen?

Dosar Biboron 32:38

Okayenako onko debotako do okoe do onkoren teṅgen janwarkoakʼ itilko jomletʼ, ar onkoakʼ coḍor samaṅokʼakʼ ar darkha rasako ńũletʼ? Ńitokʼ onko do hecʼkateko goṛowape ma, ar asray hõko emape ma.

Josuạ 23:12

“Menkhan onko jạtrenko modre okoe do jiwetʼ menakʼko ar ape talareko tahenkan ar aperen Probhu Isor bạgikate onko sãotepe gatekʼ se onko sãotepe baplakʼ, se onko tulucʼpe helmelpe dohoy,

Bikʼcạrko 3:6

Onko do onkoren kuṛikoko baplayetʼko tahẽkana ar ako hõ akoren kuṛiko onkoren koṛako lạgitʼko emokʼkan tahẽkana ar onkoren debotakoko sewawako kan tahẽkana.

1 Bõsbudạ 5:25

Menkhan onkoren hapṛamko do Isorre pạtiạr bako tahẽlena. Ar disạmren okoe jạtrenko Isor do onko samaṅ khone marao utạrletʼko onkoren debotako ṭhenko ạkhrińena.

Esra 9:12

Ona iạte aperen kuṛiko do onkoren hoponko sãote alope baplakoa se aperen koṛako lạgitʼ hõ onkoren kuṛiko alope hataokoa ar tishõ onkoakʼ bhạlại se rakapʼko reakʼ do alope kurumuṭuiya. Onate ape do daṛeankope hoyokʼa ar jumi reakʼ bhage bhage jiniskope jom daṛeakʼa ar jaejug ạidạri lekate disạm do aperen hopon ar hoponerako lạgitʼpe doho oṭo daṛeakʼa.’

Exodus 22:19

“Jãhãn janwar sãote jãhãegeye laṭghaṭ enḍekhan uni do gojete hõ goje hoyokʼa.

Dosar Biboron 31:18

Debotako secʼ ạcurkate oka bạṛicʼakʼko kạmi ona iạte iń do khạṭige ińakʼ mẽtʼãhãń danaṅtińạ.