Exodus 34:13 - সান্তালী বাইবেল

¹³ Onkoakʼ pinḍkope rạputʼ giḍikatakoa, onkoakʼ pujạ reakʼ dhirikope gejertakoa ar onkoko pujạwako Asera khunṭiko hõpe rạputʼ giḍikatakoa.

Exodus 34:13 Referans Kwoze

2 Rapajko 18:4

Uni do than boṭkocʼkoe maraokeda, ar sekʼwa dhirikoe rạputʼ giḍikada ar Asera khunṭikoe makʼ rạputʼkada. Ar Moseye benaolede pitạlren biń hõe rạputʼ khanḍa khunḍikedea, ente Israelko do un hạbicʼ hõ uni biń ńutumte dhupko jeretʼetʼ tahẽkana. Pitạlren bińakʼ ńutum do Nehustan tahẽkana.

Exodus 23:24

Ape do onkoren boṅgako se debotako alope sewawakoa ar onḍenko hoṛ cetʼko cekae onka hõ alope kạmiya. Ape do onkoren murtikope rạputʼkoa ar onkoakʼ pujạ reakʼ thanko hõpe rạputʼ gidikakʼa.

Dosar Biboron 16:21

“Aperen Probhu Isor ńutumte pinḍpe benaore ona pantere sekʼwae lạgitʼ Asera khunṭi reakʼ jãhãn kaṭko alope bitʼjoṅa,

Dosar Biboron 7:5

Ape do onko jạtrenkoakʼ pinḍkope rạputʼ giḍikatakoa, ar pujạ reakʼ dhirikope gejertakoa, Asera khunṭiko hõpe rạputʼ giḍikatakoa ar boṅga muṭhạnko do seṅgelrepe khadle giḍikakoa.

2 Bõsbudạ 31:1

Ado porob mucạtʼen khan onḍeko jarwa akan Israelko doko oḍokente Jihudạ nagrahate senkate sewawakʼ dhiriko, Asera muṭhạnko, than boṭkocʼko ar pinḍkoko marao giḍikada. Onko do Jihudạ, Benjạmin, Ephrayim ar Manase gusṭikoakʼ goṭa ṭoṭhate senkate onkageko kạmikeda. Nokoko marao cabaketʼko tayom Israelko do apan ạpin ato ar nagrahateko ruạṛ calaoena.

2 Rapajko 23:14

Josiạ do sewa reakʼ dhiriko hõe rạputʼ gejerkada ar Asera khunṭiko hoẽ makʼ khanḍa khunḍikada ar ona ṭhạ̃ire uni do manwakoakʼ jaṅkoe ḍạṅkada.

Bikʼcạrko 6:25

Ona ńindạge Probhu Isor do Gideone metadea, “Ạpumakʼ ḍaṅgra pal khon uni eae serma umerren dosaricʼ ḍaṅgram hataoea. Ar ona tayom Bakʼal debota ńutumte ạpum okaṭakʼ pinḍ do gaṛ lekan ṭhạ̃ireye benao akatʼ ona rạputʼ gejerme ar ona aṛere okaṭakʼ Asera-muṭhạn menakʼ ona hõ makʼ rạpudme.

Bikʼcạrko 2:2

Ape do noa disạmren hoṛko tulucʼ jãhãnakʼge bondobos alope dohoya ar onkoakʼ pinḍkope rạputʼ giḍikatakoa.’ Menkhan ape do ińakʼ katha bape bataoleda. Cekate nonka dope kạmikeda?

Bikʼcạrko 6:26

Ona tayom ona jaega cetanre amren Isor Probhu Isor ńutumte mitʼṭen mońj okocʼ pinḍ benaome. Ar ona tayom onem makʼ giḍiakatʼ Asera muṭhạn reakʼ kaṭte dosaricʼ ḍaṅgrate mitʼṭecʼ jeredokʼ samaṅokʼakʼ samaṅme.”

1 Rapajko 14:15

Probhu Isor do Israelkoe ńẽtʼketʼkoa, onate onko do dakʼre hilạukʼ kan pạṭiol ghãs lekako hoyokʼa. Ar okaṭakʼ disạm onkoren hapṛamkoe ematʼko tahẽkan ona mońj disạm khone or totʼkoa ar Phurạt gaḍa hanasareye giḍikakoa, ente onko do Asera muṭhạn benaokate Probhu Isorko edre ocoakadea.

2 Bõsbudạ 14:3

Uni do debotakoakʼ pinḍko, than boṭkocʼko ar pujạwakʼ dhirikoe rạputʼ gejer giḍikakʼ kan tahẽkana ar Asera muṭhạnko hõe makʼ giḍikada.

2 Bõsbudạ 15:16

Asa raj do acʼren goṛomtetʼ buḍhi Maka do rạni leka tahẽkantae hudạ khone ocokʼkedea, ente uni do hirkhạwạnicʼ Asera muṭhạne benaoleda. Ar Asa do ona muṭhạne makʼ rạputʼketʼte kedron soḍokʼre idikateye atar giḍikada.

2 Bõsbudạ 17:6

Probhu Isorakʼ horte calakʼ do ạḍi ahkaokʼ mon tahẽkantaea. Ona chaḍa uni do Jihudạ disạm khon than boṭkocʼko ar Asera-muṭhạnkoe marao giḍi utạrletʼa.

2 Bõsbudạ 24:18

Onko do akoren hapṛamkoren Probhu Isorakʼ oṛakʼ bạgikate Asera-muṭhạn ar boṅgako sewawakoko ehopʼena. Onkoakʼ niạ kại iạte Isorakʼ edre do Jihudạ ar Jerusalem cetanre paṛaoena.

2 Bõsbudạ 33:19

Uniyakʼ koejoṅ reakʼ katha, ar uniyakʼ nehõr joṅte Isorakʼ daya reakʼ katha, uniyakʼ sanam kại ar bepạtiạr reakʼ katha, Isor samaṅre ạuri nindhạnokʼre than boṭkocʼkoe benao ocoletʼ ar Asera muṭhạn ar lakʼ rokʼ akatʼko murtiko reakʼ joto katha do ńeńelkoakʼ puthire olakana.

Jesaea 17:8

Onko do akoakʼ tite benaoakʼ pinḍ secʼ bako beṅgeda, ar akoakʼ kạṭupʼte benaoicʼ Asera muṭhạn ar dhudhup pinḍko secʼ hõ bako moneyakʼa.

Jesaea 27:9

Niạ hotete Jakobakʼ kại reakʼ rin do puruchunokʼtaea, menkhan uniyakʼ joto kạiko sạṅgiń giḍikatae lahare cun dhiri leka uniyakʼ pinḍ reakʼ dhirikoe gejertaea; onate Asera muṭhạn se dhup-pinḍko do ar baṅ tahena.

Jirimiạ 17:2

Aperen hopon ar hoponerako do mimitʼ hạṛiạṛ dare buṭạkore ar usul buruko reakʼ than boṭkocʼko ar Asera khunṭiko disạyetʼkana.

Mikạ 5:14

Iń do am tala khon Asera-khunṭikoń or totʼ giḍikakʼa ar amakʼ nagrahakoń rạputʼ giḍiytama.

Dosar Biboron 16:22

se jãhãṭakʼ dhiri khunṭi hõ alope bitʼjoṅa, ente aperen Probhu Isor ṭhen noako do hirkhạwakʼ kana.

2 Rapajko 10:27

Ona tayom onko do Bakʼal debotawakʼ pujạ dhiriko gejerkeda ar mundil hõko rạputʼkeda. Hoṛko do unkhon teheń hạbicʼ ona do pạikhana oṛakʼ menteko beohar ạguiyeda.