Exodus 34:11 - সান্তালী বাইবেল

¹¹ Teheń okań hukumape onape manaoa. Ar iń do Amorirenko, Kananrenko, Hittirenko, Pherisirenko, Hiwirenko, Jebusirenko ape samaṅ khoniń laga ńirkoa.

Exodus 34:11 Referans Kwoze

Exodus 33:2

Iń do ape laha lahate mitʼṭen serma goḍet iń kolea ar uni do ona disạm khon Kananrenko, Amorirenko, Hittirenko, Pherisirenko, Hiwirenko ar Jebusirenkoe laga ńirkoa.

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Dosar Biboron 6:25

Ar aboren Probhu Isor samaṅre uniyakʼ hukumleka noa ạn-ạriko pańjae reakʼ monsubạ tahen tabon, enḍekhan onage abo lạgitʼ dhorom do hoyokʼa.

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Johan 14:21

Okoe ińakʼ hukumkoe baḍaekan ar onakoe manaoetʼkan unige iń doe dulạṛedeńa.” Ar okoe ińe dulạṛedeń ińren Baba hõ uniye dulạṛea. Iń hõ uniń dulạṛea ar uni ṭheniń sodorokʼa.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Dosar Biboron 28:1

“Aperen Probhu Isorakʼ purạ batao akaepe tahen ar teheń okań hukumapekan ona joton salakʼpe dohoy, enḍekhan dhạrtiren eṭakʼ jạtrenko khon ape doe usulpea:

Dosar Biboron 12:32

“Iń okakoń hukumatʼpe onako sanamakʼpe manaoa; ar noa sãote cetʼ hõ alope juṭucʼakʼa, ar niạ khon jãhãnakʼ hõ alope kaṭaoa.

Dosar Biboron 12:28

Ape ar aperen hoponko ar hoponerako jemon jao okte bhạlại hoyokʼtako onate iń emakʼ noako hukum joton salakʼ manaope, ente onape onkale khan aperen Probhu Isorakʼ mẽtʼre ṭhikakʼpe kạmiya.

Dosar Biboron 7:19

Aperen Probhu Isor do botoranakʼ biḍạu hotete, hahaṛa kạmi ar cinhạko hotete ar acʼakʼ daṛeanakʼ tite apeye oḍok ạguketʼpe ona do apeakʼ mẽtʼtegepe ńelakada. Ar ńitokʼ okoe jạtrenko ńeltepe botorokʼkan onko cetanrehõ unigeye onkaea.

Dosar Biboron 5:32

“Onate aboren Probhu Isor do ape okaṭakʼ cekae lạgitʼe hukum apekan ona do joton salakʼ manao hoyokʼtapea; ar ona khon do bape ghańjeṛ daṛeakʼa.

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Exodus 23:28

Hibirenko, Kananrenko ar Hittirenko ape samaṅ khon laga ńirko lạgitʼ iń do ape laha lahate bhimrulkoń kolkoa.

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

Nehemiạ 13:23

Ona jokhecʼ iń do niạ hõń ńelkeda je, Jihudạren adom hoṛko do Asdod, Amoni ar Moabi kuṛikoko bapla akatʼkoa.

Exodus 8:27

Aleren Probhu Isorakʼ hukum leka ale do hahaṅkar talate pe din reakʼ horte senkate uni ńutumte dãṛẽle samaṅa.”

Josuạ 23:5

Aperen Probhu Isor do unige onko sarecʼ jạtrenko apeakʼ hor khone ocokʼkoa. Ape samaṅ khon uni doe laga ńirkoa ar ape do aperen Probhu Isorakʼ gokʼakʼ lekate onkoakʼ jaegape dokholjoṅa.