Exodus 34:10 - সান্তালী বাইবেল

¹⁰ Khan Probhu Isor doe roṛ ruạṛkeda, “Iń do mitʼṭecʼ bondobos iń dohoakada. Amren sanam hoṛko samaṅre nonkan hahaṛawakʼkoń kạmiya ona do niạ lahare dhạrtiren cele jạtrenko samaṅre baṅ hoyakana. Ar okoe hoṛko samaṅrem girobasokʼkan onkoko ńela, iń Probhu Isor do ape lạgitʼ okań cekae lạgidokʼkan ona do manwakoakʼ monre botor ar bhuktigeye janam ocoya.

Exodus 34:10 Referans Kwoze

Dosar Biboron 10:21

Unikangea aperen ṭhonok ar unige aperen Isor do. Ape do apeakʼ mẽtʼte oka maraṅ ar botoranakʼ hahaṛa kạmikope ńelakatʼtae ona do ape lạgitʼgeye onka akada.

Sereńko 77:14

Amge uni Isor do one hahaṛawakʼkom kạmikan; ar sanam jạtrenko talare amge amakʼ daṛeyem sodor akatʼtama.

Jesaea 64:3

Ar oka bale as akan onkan botorakʼkom kạmiletʼre am dom pheḍ hecʼena ar buruko do am samaṅre daldalaolena.

Sereńko 66:5

Ape do dela hijukʼte Isorakʼ kạmi ńel idipe; manwa lạgitʼ uni okaṭakʼe kạmi akatʼ ona do monre botore rakapʼ ocoyeda.

Jirimiạ 32:21

Am do cinhạ ar hahaṛawakʼ kạmikom udukʼ akada ar daṛe ar ektiạri perecʼ ti tiạrkate botoranakʼkote amren hoṛ Israelko onḍe khonem oḍok ạguletʼkoa.

2 Samuel 7:23

Amren Israel jạtrenko leka dhạrtire ar eṭakʼ jãhãn jạtrenko menakʼkoa okoe do am jạtrenko hoeocoko lạgitʼ ar amakʼ ṭhonok sodor lạgitʼ onko chaḍaoko lạgitʼem calaolen? Ar eṭakʼ jạtrenko samaṅre amakʼ ńutumte amren hoṛko lạgitʼ maraṅ ar botoranakʼ kạmim kạmiakada, cetʼleka amren hoṛko Misor disạm khon eṭakʼ eṭakʼ jạtren ar debotakoakʼ ti khonem chaḍao ạguakatʼko?

Sereńko 78:12

Israelren hapṛamkoakʼ mẽtʼãhã samaṅre uni do hahaṛa kạmiye kạmileda; Misor disạmre ar Soan ṭoṭhare uni do onakoe kạmileda.

Sereńko 66:3

Isor metaepe, “Amakʼ kạmi ńelte monre botor ar bhokti do rakabokʼ kana. Amakʼ maraṅ daṛe samaṅre amren bạiriko do tumbutʼ hape reakʼko bhankakʼa.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Josuạ 6:20

Sakwa saḍe são sãote hoṛko do ãṭ aṛaṅteko hohokeda. Ar sakwa saḍe iạte tinre hoṛko do ãṭ aṛaṅteko hohokeda unre Jerikho nagraha reakʼ pạcri do lạnduṛ ńurena. Onate sanam hoṛ do nagraha bhitriteko boloyena arko dokholkeda.

Exodus 34:27

Ona tayom Probhu Iso do Moseye metadea, “Niạko katha ol dohokakʼme ente noako katha lekage am ar Israelko lạgitʼ bondobosiń dohoakada.”

Sereńko 145:6

Hoṛko do amakʼ botoranakʼ hahaṛa daṛe kạmi reakʼ kathako roṛa, ar iń do amakʼ maraṅtetʼ iń lại sodora.

Sereńko 106:22

Ham bõsrenkoakʼ disạmre hahaṛa kạmi reakʼ katha onko doko hiṛińkeda, ar arakʼ doreãore hoylen botoranakʼ kạmi hõko hiṛińkeda.

Sereńko 76:12

Uni do disạm calaokoakʼ bạḍạiye heseketʼtakoa; ar dhạrtiren rapajko do uniko botoraea.

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.

Sereńko 147:20

Eṭakʼ jạtrenko lạgitʼ do bae onka akada; onko do uniyakʼ ạn ạriko bako baḍaea. Probhu Isorakʼge sarhao hoyokʼtae ma.

Dosar Biboron 4:13

Uni do ape ṭhen acʼakʼ bondobos, metakʼme uniyakʼ gel hukume sodorleda. Uni do ona gel hukum manao idi reakʼe metatʼpe tahẽkana ar dhiri reakʼ barea paṭareye olletʼ tahẽkana.

Sereńko 68:35

E Isor, amakʼ sonot ṭhạ̃ire amem hạjirlenre do botor hijukʼa. Israelren Isor do uniren hoṛkoakʼ daṛe ar ektiạriye emako kana. Isorakʼ sarhaoge baṛe hoyokʼtae ma.

Exodus 34:28

Sinại burure Mose do Probhu Isor ṭhen pongel siń ar pongel ńindại tahẽkana. Ar inạ oktere uni do piṭhạ se dakʼ cetʼge bae jom-ńũleda. Probhu Isor do dhiri cạktikin cetanre acʼakʼ bondobos reakʼ kathako arhõe olkeda, ar onage gel hukum do hoyena.

Dosar Biboron 9:19

Iń do Probhu Isorakʼ edre iạteń botorena, ente marao giḍikape leka uni doe edre seṅgellena. Menkhan niạ dhao hõ Probhu Isor do ińakʼ kathae ańjomkeda.

Sereńko 72:18

Probhu Isor, okoe doe Israelkoren Isorkan, uniyakʼge sarhao hoyokʼtae ma; eken unige hahaṛawakʼkoe kạmikana.

Sereńko 136:4

Okoe do eskarge maraṅ ar hahaṛawakʼkoe kạmikan uni gun manao joharaepe; ente uniyakʼ dulạṛ do jaejuggetaea.

Mikạ 7:15

Misor disạm khon oḍok hijukʼ reakʼ dinko leka am do hahaṛawakʼ kạmiko udukʼaleme.