Exodus 33:9 - সান্তালী বাইবেল

⁹ Mose ona tạmbure bolo tayom rimil khunṭi do pheḍ hijukʼkan tahẽkana ar Probhu Isor tin hạbicʼ Mose tulucʼe galmaraoetʼ tahẽkan unhạbicʼ ona do duạr ṭhenge tahenkan tahẽkana.

Exodus 33:9 Referans Kwoze

Sereńko 99:7

Uni do rimil reakʼ khunṭi khone roṛetʼkan tahẽkana; onko do uniyakʼ katha ar hukumko manaoetʼ tahẽkana.

Exodus 31:18

Sinại buru cetanre Mose ṭhen niạko kathae roṛ mucạtʼketʼ khan Probhu Isor do goha reakʼ barea dhiri cạktiye emadea. Isor do noakin dhiri cạktire acʼakʼ kạṭupʼte hukume olleda.

Jeheskel 3:22

Onḍe Probhu Isorakʼ daṛeanakʼ ti do iń cetanre tahẽkana ar uni do iń metadińạ, “Ma beretʼme ar bilạn ṭạnḍite oḍok calakʼme, onḍe iń do am tulucʼ kathań roṛa.”

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Exodus 34:3

Ar am sãote okoehõ jemon aloko tahen se okoehõ burure aloko ńelokʼ, ar buru samaṅre dạṅgrako, bhiḍiko ar meromko hõ jemon aloko ạtiń.”

Exodus 33:11

Manwa cetʼleka gate sãote samna sạmni kathako roṛ ṭhik onkage Probhu Isor hõ Mose tulucʼe galmaraoetʼ tahẽkana. Ar noa tayom Mose do Israelkoakʼ ḍerateye ruạṛ senokʼkan tahẽkana menkhan Nunren hopon Josuạ do ńapamokʼ tạmbu khon bae oḍokokʼkan tahẽkana. Ente Josuạ ńutuman nui juạn koṛa do Moseren gokʼṛoyicʼe tahẽkana.

Exodus 25:22

Ar iń do goha sinduk reakʼ daya duṛupʼakʼ cetanre Kerubkin talare am sãote ńapamkate Israelko lạgitʼ ińakʼ sanam hukumiń emama.

Genesis 18:33

Abraham sãote katha roṛ mucạtʼkate Probhu Isor do onḍe khone calaoena ar Abraham hõ acʼakʼ oṛakʼteye ruạṛ calaoena.

Genesis 17:22

Abraham sãote katha roṛe sạtketʼ khan Isor do uni ṭhen khon coṭteye rakapʼ calaoena.

Exodus 33:8

Mose tinre ńapamokʼ tạmbuteye bolokʼkan tahẽkana unre hoṛko do apan ạpin tạmbu reakʼ duạr samaṅreko teṅgokʼkan tahẽkana ar uni tạmbure ạuriye bolokʼ hạbicʼ uni secʼko beṅgetʼkakʼ kan tahẽkana.

Exodus 33:10

Ar hoṛko tinre noa khunṭi tạmbu ṭhenko ńeletʼ tahẽkana unre joto hoṛ apan ạpin tạmbu reakʼ duạr ṭhen otre ombakʼkate Probhu Isorko sewawaekan tahẽkana.

Exodus 34:5

Probhu Isor do rimil khunṭi khon pheḍ hecʼkate Mose ṭhene teṅgoyena ar acʼakʼ “Probhu Isor ” ńutume lại jạhirketʼtea.

Dosar Biboron 31:14

Inạ tayom Probhu Isor do Moseye metadea, “Amakʼ gujukʼ din do sor hecʼakana. Am do Josuạ hohowaeme ar ńapamokʼ tạmbu ṭhen hạjirokʼme. Onḍe uni do kạmi reakʼ bhariń emaea.” Onate Mose ar Josuạ do ńapamokʼ tạmbu ṭhen senkate Probhu Isor samaṅrekin teṅgoyena.

Dosar Biboron 31:15

Unre Probhu Isor do rimil reakʼ khunṭi talare ona tạmbureye sodorena ar ona rimil khunṭi do tạmbu reakʼ duạr ṭhen senkate teṅgoyena.

Numeri 7:89

Ona tayom Mose do tinre Probhu Isor tulucʼ galmarao lạgitʼ ńapamokʼ tạmbuteye bolokʼkan tahẽkana unre sekʼwa sindukre menakʼ daya duṛupʼakʼ cetan Kerubkin tala khon uniyakʼ aṛaṅ do Moseye ańjometʼ tahẽkana. Ar nonkate Probhu Isor do Mose tulucʼe galmaraoetʼ tahẽkana.