Exodus 33:7 - সান্তালী বাইবেল

⁷ Mose do Israelkoakʼ ḍera bahre sạṅgiń ńokʼre tạmbui ṭaṅgaoetʼkan tahẽkana ar ona do “Ńapamokʼ tạmbui metakʼkan tahẽkana.” Ar Probhu Isor ṭhen jãhãege jãhãnakʼe khoj enḍekhan uni do ńapamokʼ tạmbu ṭhene senokʼkan tahẽkana.

Exodus 33:7 Referans Kwoze

Jesaea 59:2

Menkhan apeakʼ kạige aperen Probhu Isor ṭhen khone begar akatʼpea. Apeakʼ ghạṭ iạtege uni doe dea giḍiakatʼpea; ar onatege bae ańjometʼtapea.

Kạhtukko 15:29

Probhu Isor do bạṛicʼko khon pharakreye tahenkana, menkhan uni do acʼ botoraekoakʼ koejoṅe ańjomeda.

2 Samuel 21:1

Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

Dosar Biboron 4:29

Menkhan ape do aperen Probhu Isor secʼ monpe ạcurtapea ar onate unipe ńamea, tobe apeakʼ goṭa mon, goṭa jiwi ar ontorte unipe sendrayea.

Hosea 9:12

Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa.

Sereńko 35:22

E Probhu Isor, am do noakom ńeleda, am do alom thir hapekokʼa; E Probhu Isor, am do iń sorrege tahenme.

Sereńko 27:8

Ińakʼ ontor do noa kathageye meneda, “Ape do iń hohowạńpe.” E Probhu Isor, iń do amiń hohowama.

Sereńko 10:1

E Probhu Isor, sạṅgińre do cedakʼem teṅgo akana? Ar gạr jokhecʼ do cedakʼem cokokokʼ kana?

Ibriko 8:2

Uni do maraṅ sonot jaegare, metakʼme asol sewa tạmbure Isore sewawae kana. Ona sewa tạmbu do manwa bako beretʼakada, Probhu Isorgeye beretʼakada.

Exodus 18:7

Khobor ańjomkate Mose do acʼren hońhartetʼ sãote ńapamokʼ lạgitʼe oḍok hecʼena. Uni do hońhartetʼe ḍobokʼadea are cokʼadea. Ar boge judạkin kuliyante tạmbu bhitriteye aderkedea.

Exodus 18:12

Inạ tayom Jethro do Isor ńutumte jeredokʼ samaṅokʼakʼ ar eṭakʼ dãṛẽko lạgitʼ janwarkoe ạguketʼkoa. Ar ona tayom Aron ar Israelren sanam murubbiko do Isor samaṅre Moseren hońhartetʼ sãote jojomko duṛupʼena.

Exodus 33:6

Onate Israelko do Horeb burure akoakʼ abhranko totʼ giḍikada; ar tishõ onako do bako horokʼleda.

Exodus 33:8

Mose tinre ńapamokʼ tạmbuteye bolokʼkan tahẽkana unre hoṛko do apan ạpin tạmbu reakʼ duạr samaṅreko teṅgokʼkan tahẽkana ar uni tạmbure ạuriye bolokʼ hạbicʼ uni secʼko beṅgetʼkakʼ kan tahẽkana.