Exodus 33:4 - সান্তালী বাইবেল

⁴ Niạ muhin reakʼ katha ańjomkate hoṛko do rarakʼko ehopʼena. Ar akoakʼ cetʼ abhrange bako horokʼleda,

Exodus 33:4 Referans Kwoze

Numeri 14:39

Mose do Probhu Isorakʼ sanam kathako Israelkoe baḍae ocoketʼkoa. Ar onate onko do ạḍiko bhabnayena.

Jeheskel 26:16

Unre jalapuri aṛe reakʼ disạmkoren rapajko do akoakʼ siṅghạson khon pheḍkate akoakʼ raj kicricʼ ar noksa akatʼ kicricʼko totʼ giḍikakʼa. Ar botorte otreko duṛupʼa, ar jao okteko thar tharaokʼa ar am ńelteko torasokʼa.

Jeheskel 24:23

Bohokʼre dạhṛipe tola ar jaṅgare cạṭkipe horoga. Ar bape homora se rakʼ hõ bape raga, menkhan apan ạpin ghạṭ iạtepe nijorokʼa ar eṭakʼko ṭhenpe geraṅ baṛaea.

Jeheskel 24:17

Am do kuhrạukʼme. Ar gocʼ icʼ lạgitʼ do alom homor halaṅa. Dạhṛikʼme jaṅgare cạṭki horogme; amakʼ moca alom bedtama ar hokʼmorkoakʼ jomakʼ hõ alom joma.”

Numeri 14:1

Niạ katha ańjomkate Israelko do rarakʼko ehopʼena. Ar goṭa ńindạko rakʼ aṅgakeda.

Sakariạ 7:5

“Am do disạmren sanam hoṛ ar naekekom metakoa, ‘ape do eaegel bochor khon mõṛẽ ar eaeakʼ candore okape homor halaṅetʼ tahẽkan arpe upạsetʼ tahẽkan ona do Probhu Isor ńutumte do bape onka akada.

Sakariạ 7:3

Onko do phạdkoren Probhu Isorakʼ oṛakʼren naekeko ar nạbiko noa katha kuli lạgitʼko kolketʼkoa, “Unạkʼ bochor okalekale ceka ạguakatʼ onkage cetʼ mõṛẽakʼ candorele homor halaṅa arle upạsa?”

Jona 3:6

Raj ṭhen ona khobor seṭeren khan uni hõ siṅghạson khone beretʼente acʼakʼ raj-kicricʼe totʼketʼtaea ar gõṛẽ kicricʼ horokʼkate torocʼreye duṛupʼena.

Hosea 7:14

Onko do akoakʼ aṭetʼreko homor halaṅeda, menkhan ontor khon iń ṭhen do bako rakʼeda. Anaj ar nãwã darkha rasa ńam lạgitʼko jarwakʼkana ar iń upạrteko hulletʼkana.

Jesaea 32:11

E nirdạndi tahenkan maejiuko ar khạtir monan kuṛiko, ape do botortepe thar tharaokʼa; ape do apeakʼ kicricʼko bhạnduṛkate ḍanḍare gõṛẽ kicricʼ paṭhe joṅpe.

Jobakʼ 2:12

Onko do sạṅgiń khon bako orom daṛeadea. Onate onko do ãṭ aṛaṅte rarakʼko ehopʼena ar apnarakʼ kicricʼko oṛecʼketʼte bohokʼ cetante dhuṛiko uḍiyạukeda.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Esra 9:3

Niạ katha ańjomkate mon reakʼ kosṭote iń do horokʼakʼ kicricʼ iń oṛecʼkeda ar ińakʼ bohokʼ reakʼ upʼ ar gocoyiń racakʼ totʼketʼte hadosań duṛupʼ hapeyena.

2 Rapajko 19:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaea ar gõṛẽ kicricʼe horokʼketʼte Probhu Isorakʼ oṛakʼteye boloyena.

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

2 Samuel 19:24

Inạ tayom Sạulren goṛomtetʼ koṛa Mephiboset do raj sãote ńapamokʼ lạgitʼe hecʼena. Uni do raj sen tayom nirạite arhõ ạuriye ruạṛ hijukʼ hạbicʼ acʼakʼ jaṅga bae joton akatʼtae tahẽkana, goco hõ bae hoylena ar kicricʼ hõ bae sapha akatʼtae tahẽkana.

Levitikus 10:6

Ona tayom Mose do Aron ar uniren banar hopon Eliasar ar Ithamare metatʼkinạ, “Duk iạte bohokʼ totolakʼ do aloben raṛaea ar kicricʼ hõ alo ben oṛeja. Arben onkae khan aben hõ ben gujukʼa ar goṭa Israel jạtrenko cetanre Probhu Isorakʼ edre do sodorokʼa. Menkhan Probhu Isor okoekin seṅgelteye gocʼketʼkin unkin lạgitʼ aperen peṛa pạrbhạko, metakʼme eṭakʼ Israelko doko rakʼ homor daṛeakʼa.

Exodus 33:6

Onate Israelko do Horeb burure akoakʼ abhranko totʼ giḍikada; ar tishõ onako do bako horokʼleda.

1 Samuel 6:19

Bet-semesren adom hoṛ do Probhu Isorakʼ sinduk bhitri secʼko oyoṅletʼte Probhu Isor do onkoe gocʼ giḍikatʼkoa. Uni do unre onḍenko mõṛẽ hajar eaegel hoṛe gocʼketʼkoa. Are ńẽtʼletʼkote hoṛko do rakʼ homorko ehopʼena.