Exodus 33:2 - সান্তালী বাইবেল

² Iń do ape laha lahate mitʼṭen serma goḍet iń kolea ar uni do ona disạm khon Kananrenko, Amorirenko, Hittirenko, Pherisirenko, Hiwirenko ar Jebusirenkoe laga ńirkoa.

Exodus 33:2 Referans Kwoze

Josuạ 24:11

“ ‘Ona tayom ape do Jordan gaḍa paromkate Jerikho nagrahatepe hecʼena. Jerikho nagraharen hoṛko ar Amoriko, Pherisiko, Kananiko, Hittiko, Gergasiko, Hiwiko ar Jebusiko do ape upạrteko lạṛhạiyena, menkhan iń do onko sanamko apeakʼ tireń jimạketʼkoa.

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Exodus 23:20

“Okaṭakʼ ṭhạ̃i iń ṭhik dohoakatʼ onḍe idipe lạgitʼ ar horre rukhiyạpe lạgitʼ ape laha lahate iń do mitʼṭen goḍet iń kolekana.

Dosar Biboron 7:22

Aperen Probhu Isorge ape samaṅ khon onko jạtrenko bại bạiteye laga ńirkoa. Onko sanamko mitʼdomte alope laga ńirkoa, ar baṅ khan ape beṛhaeten bir janwarko baḍhaokʼa.

Exodus 34:11

Teheń okań hukumape onape manaoa. Ar iń do Amorirenko, Kananrenko, Hittirenko, Pherisirenko, Hiwirenko, Jebusirenko ape samaṅ khoniń laga ńirkoa.

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Exodus 33:12

Mose do Probhu Isore metadea, “Am do noko hoṛko idikom metadiń tahẽkana, menkhan iń tulucʼ okoeyem kolea ona do bam lạiyạń kana. Am dom men akada ińren lekageń baḍaeakatʼmea ar ińre amakʼ daya hõ menakʼa.

Exodus 34:24

Disạm talaren sanam jạtrenko do ape samaṅ khoniń laga ńirkoa ar apeakʼ disạm reakʼ simạnakoń baṛhao ocoytapea. Bochorre pe dhaokate tinre aperen Probhu Isor samaṅrepe hạjirokʼa unre okoehõ apeakʼ jaega jumi cetanre laloc alope dohoya.

Josuạ 3:10

Aperen jiwetʼ Probhu Isor do ape sãore menae ar uni do Kananrenko, Hittirenko, Hiwiko, Pherisiko, Gergasiko, Amorirenko ar Jebusiko khạṭige ape samaṅ khone laga ńirkoa ar ona do nonkatepe bujhạu daṛeakʼa.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Genesis 15:21

Amoriko, Kananiko, Girgạsiko ar Jebusikoakʼ disạm hõ tahena.”

Genesis 24:7

Sermaren Probhu Isor do iń ar ińren babawakʼ oṛakʼ duạr ar ińakʼ janam ṭhạ̃i khone oḍok ạgu akadińạ. Uni do iń sãote kathae roṛakada are kiriạ akawạdińa, noa disạm do ińren bõskoe emakoa. Uni do am lahate acʼren goḍet onḍeye kolea jemon hoponińren bạhu hoyokʼ lạgitʼ onḍe khon mitʼṭen kuṛiyem ạguye.

Bikʼcạrko 6:9

Misor reakʼ ektiạri khon ar sanam sasantaokoakʼ ti khon ińgeń rukhiyạ akatʼpea. Ape samaṅ khon ińgeń laga ńir akatʼkoa ar onkoakʼ disạmiń emakatʼpea.