Exodus 33:11 - সান্তালী বাইবেল

¹¹ Manwa cetʼleka gate sãote samna sạmni kathako roṛ ṭhik onkage Probhu Isor hõ Mose tulucʼe galmaraoetʼ tahẽkana. Ar noa tayom Mose do Israelkoakʼ ḍerateye ruạṛ senokʼkan tahẽkana menkhan Nunren hopon Josuạ do ńapamokʼ tạmbu khon bae oḍokokʼkan tahẽkana. Ente Josuạ ńutuman nui juạn koṛa do Moseren gokʼṛoyicʼe tahẽkana.

Exodus 33:11 Referans Kwoze

Numeri 12:8

Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

Dosar Biboron 34:10

Teheń hạbicʼ Israelko talare Mose lekan ar cele nạbiyakʼ janam hõ baṅ hoyakana one uni tulucʼ Probhu Isor do gate leka samna sạmniye galmaraoetʼ tahẽkan.

Exodus 33:9

Mose ona tạmbure bolo tayom rimil khunṭi do pheḍ hijukʼkan tahẽkana ar Probhu Isor tin hạbicʼ Mose tulucʼe galmaraoetʼ tahẽkan unhạbicʼ ona do duạr ṭhenge tahenkan tahẽkana.

Exodus 24:13

Noa katha ańjomkate Mose do acʼren gokʼṛoyicʼ Josuại soṅgekedea are mohnḍayena. Ar ona tayom uni do Isorakʼ buruteye rakapʼena.

Dosar Biboron 5:4

Probhu Isor do ona buru cetanre seṅgel tala khon abo samaṅre kathae roṛleda.

Genesis 32:30

Unre Jakob do ona jaega reakʼ ńutum Penuele dohokeda (metakʼme “Isorakʼ mẽtʼãhã”). Uniye menkeda, “Iń do samna sạmni Isoriń ńelkedere hõ jiwetʼge minạńa.”

Jakob 2:23

Nonkate sonot sostor reakʼ katha do purạulena, “Abraham do Isorakʼ kathae biswạsada ar onate Isor do dhorom menteye ataṅkedea.” Onate uni do Isorren dulạṛiạ menteye hoho ocolena.

Johan 11:11

Noako katha roṛ tayom celakoe metatʼkoa, “Aboren gate Lasar doe jạpitʼ akada, menkhan uni berede lạgitʼ iń calakʼkana.”

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.

Jobakʼ 16:21

Manawa cetʼleka gate secʼ kathae roṛ onkage eken mitʼ hoṛ iń ńutumte Isor ṭhen kathae roṛ daṛeakʼ khan!

2 Bõsbudạ 20:7

E aleren Isor, amren hoṛ Israelko samaṅ khon niạ disạmren hoṛkom laga ńirketʼkote amren guti Abraham bõsren hoṛko jaejug lạgitʼem em akatʼkoa.

Exodus 32:17

Josuạ do hoṛkoakʼ andoṛ ańjomkate Moseye metadea, “Ḍera khon lạṛhại reakʼ sabad ańjom hijukʼ kana.”

Exodus 17:9

Unre Mose do Josuại metadea, “Am do aboren hoṛko bachaokate Amalekiko upạrte lạṛhại calakʼme. Ar iń do gapage Isorakʼ ona ṭheṅga hataokate buru muthnireń teṅgona.”

Exodus 33:10

Ar hoṛko tinre noa khunṭi tạmbu ṭhenko ńeletʼ tahẽkana unre joto hoṛ apan ạpin tạmbu reakʼ duạr ṭhen otre ombakʼkate Probhu Isorko sewawaekan tahẽkana.

Numeri 11:28

Unre Nun hopon Josuạ do Moseye metadea, “E baba Mose, unkin thirokʼ baṛe metakinme.” Josuạ do juạn okte khon Moseren mitʼṭecʼ gokʼṛoyicʼe tahẽkana.

Numeri 12:7

Menkhan ińren golam Mose sãote do bạń onka akada. Uni do ińakʼ gharońj reakʼ kạmireye pạtiạrgea.

Dosar Biboron 31:14

Inạ tayom Probhu Isor do Moseye metadea, “Amakʼ gujukʼ din do sor hecʼakana. Am do Josuạ hohowaeme ar ńapamokʼ tạmbu ṭhen hạjirokʼme. Onḍe uni do kạmi reakʼ bhariń emaea.” Onate Mose ar Josuạ do ńapamokʼ tạmbu ṭhen senkate Probhu Isor samaṅrekin teṅgoyena.