Exodus 33:1 - সান্তালী বাইবেল

¹ Ona tayom Probhu Isor do Moseye metadea, “Amren okoe hoṛko Misor disom khonem oḍok ạguakatʼko onko salakʼ niạ ṭhạ̃i bạgikate ińiń gokʼakawatʼpe disạmte calakʼpe. Iń do Abraham, Isạhak ar Jakob ṭhen noa disạm reakʼgeń kiriạlena, onkoren bõskoń emakoa mente.

Exodus 33:1 Referans Kwoze

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Exodus 32:13

Amren guti Abraham, Isạhak ar Israelakʼ katha hudisme. Amakʼ ńutumte kiriạkatem metatʼko tahẽkana, onkoren bõs do sermaren ipilko lekam saṅgekoa ar amakʼ gokʼakʼ disạm do jaejug reakʼ ạidạri lekate onkoren hoponkom danakoa.”

Exodus 32:7

Onate Probhu Isor do Moseye metadea, “Am do latarte pheḍ calakʼme. Amren hoṛko okoe do Misor disạm khonem oḍok ạguakatʼko onko doko kharap caba akana.

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Aposkạmi 7:36

Ar nui Mosege Misor disạm khon Israelkoe oḍok ạguletʼkoa ar Misor disạmre, arakʼ doreãore ar pongel bochor hạbicʼ hahaṅkarre ạḍi utạr hahaṛa kạmi ar cinhạkoe kạmileda.

Genesis 26:1

Abrahamakʼ oktere leka niạ dhao hõ disạmre mitʼṭecʼ akal hoyena. Ona iạte Isahak do Gora nagrahate Philisṭikoren raj Abemelek ṭhene calaoena.

Genesis 28:10

Jakob do Ber-seba bạgikate Haran nagraha secʼe mohnḍayena.

Levitikus 20:24

Iń doń metatʼpe tahẽkana, onkoakʼ disạm do apeakʼge hoyokʼa. Iń do toa, dumur rasa ạtukʼkan ona disạmge ạidạri menkateń emapea. Iń kangeạń aperen Probhu Isor do. Ińge eṭakʼ sanam jạtrenko khoniń begar dohoakatʼpea.

Numeri 11:12

Iń do cetʼ noko hoṛko kukhireń ńam akawana? Noko do cetʼ iń janam akatʼkoa? Nokoren hapṛamko ṭhen okaṭakʼ disạm emokʼ reakʼem gokʼatʼko tahẽkan onḍe hobor nunu gidrạko leka cedakʼ idiko lạgitʼem mitạńkana?

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”