Exodus 32:9 - সান্তালী বাইবেল

⁹ Probhu Isor do Mose arhõe metadea, “Noko hoṛ doń baḍae akatʼko tahengea. Noko do keṭecʼ hoṭokʼan jạt kanako.

Exodus 32:9 Referans Kwoze

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

Jesaea 48:4

Entepe keṭecʼ hoṭokʼan hoṛkan ona doń baḍaekan tahẽkana; apeakʼ taren reakʼ jel do mẽṛhẽtʼ leka ar cạndi do pitạl leka hoyakantapea.

Dosar Biboron 9:13

“Probhu Isor do arhõe metadińa, ‘iń do noko hoṛkoń ńelakatʼkoa; noko do keṭecʼ hoṭokʼan jạtren kanako.

Exodus 33:5

ente Probhu Iso do Moseye metade tahẽkana, “Israelkom metakoa, onko do, mitʼṭecʼ keṭecʼ hoṭokʼan jạtren kanako mente. Onate mitʼ ghạṛi hõ onko sãoteń tahen, enḍekhan onko doń marao utạrkoa. Ar ńit onkoakʼ hoṛmore okako abhran menakʼ onako totʼ giḍikakʼma. Ar ona tayom iń hudisa onkore cetʼ iń cekaea mente.”

Exodus 33:3

Onḍe do toa, dumur rasa ar cetʼ jãhãnakʼ reakʼ okulạnge bạnukʼa. Menkhan keṭecʼ hoṭokʼan jạtkantepe iń do ape sãote bạń calakʼa, ariń senlen khan horregeń marao utạrpea.”

Dosar Biboron 31:27

Ar cetʼ lekan keṭecʼ hoṭokʼan ar huhulko kanpe ona doń baḍaegea. Ape talare jiwetʼ iń tahenrege Probhu Isor upạrtepe huhulkan khan ińiń gujukʼ tayom do tinạkʼ artetʼpe onkaea!

2 Bõsbudạ 30:8

“Aperen hapṛamko leka hoṭokʼ do alope keṭejtapea bickom Probhu Isorakʼ tire jimạkʼpe. Ar okaṭakʼ sonot oṛakʼ uni do jaejug lạgitʼ acʼ ńutumteye begar dohoakatʼ ape do ona oṛakʼte hijukʼpe ar aperen Probhu Isor sewawaepe jemon ape cetan khon uniyakʼ botoranakʼ edre ocogokʼtae.

Dosar Biboron 9:6

Onate baḍae dohokakʼpe, apepe bindusạngete Probhu Isor do niạ mońj disạm ạidạri lạgitʼe emapekana ona do baṅa. Ente ape do mitʼṭen keṭecʼ hoṭokʼan jạtrenko kanape.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

Dosar Biboron 10:16

Ona iạte apeakʼ ontorre baṛe khatnakʼpe; menkan keṭecʼ hoṭokʼanko do ar alope hoyokʼa.

Hosea 6:10

Israelko talare mitʼṭecʼ bạṛicʼakʼ iń ńel akada. Ephrayim do onḍeye laṭghaṭ akada ar Israel doe bhonḍ akana.

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”

Numeri 14:11

Probhu Isor do Moseye metadea, “Onko do ar tinạkʼ din ińko nihạ̃tińạ? Onko talare cinhạkoń udukʼ akatʼrehõ ar tinạkʼ din ińre bepạtiạuko tahena?

2 Rapajko 17:14

Menkhan onko do ona katha bako luturada. Onkoren hapṛamko okoe do akoren Probhu Isor ṭhen bako ṭehãḍokʼkan tahẽkan, onko lekage monko keṭecʼketʼ takoa.

Nehemiạ 9:16

“Enhõ aleren hapṛamko do bạḍạiteko perecʼlena; onko do hoṭokʼko keṭecʼletʼ takoa ar amakʼ hukumko bebataoleda.