Biblia Todo Logo
Bib sou entènèt

- Piblisite -




Exodus 32:8 - সান্তালী বাইবেল

8 Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

Gade chapit la Kopi




Exodus 32:8
18 Referans Kwoze  

Unre Jerobiam raj do sopolhakate sonaren barea mĩhũi benao ocoketʼkinạ. Ar ona tayom do hoṛkoe metatʼkoa, “Jerusalemte calakʼ do ape lạgitʼ ạḍi kosṭogea. E Israelko, nokin kangeakin aperen debota do, nokinge Misor disom khon apekin oḍok ạgu akatʼpea.”


Onate jãhãnakʼ benaokate sewawakʼ lạgitʼ iń sãote alope teṅgoea. Sona se rupạte ape lạgitʼ jãhãn Isorko alope benaojoṅa.


Iń doń ńelkeda, ape do aperen Probhu Isor upạrtepe kại akada; ar sewae lạgitʼ dulicʼ mĩhũ muṭhạnpe benao akawana. Probhu Isor okaṭakʼ horte taṛam lạgitʼe hukum akawatʼpe inạkʼtege ape do eṭakʼ secʼpe ghańjeṛ akana.


Menkhan enhõ Israel hoponko do disạm cakʼlaokoakʼ katha bako luturakʼkan tahẽkana. Probhu Isor cetanre pạtiạu doho baṅkate debotako cetanre apnarko ṭehãḍokʼkan tahẽkana arko sewawako kan tahẽkana. Onkoren hapṛamko Probhu Isorakʼ oka horteko taṛametʼ tahẽkan ona hor khon thoṛa ghạṛicʼ khangeko ghańjeṛokʼ kan tahẽkana.


“Probhu Isor chaḍa jãhãege jãhãe debota ṭhen jãhãnakʼe samaṅ enḍekhan uni hõ goje hoyokʼa.


Aron do onkoakʼ ona saj bajkoe galao ocoketʼte chańcreye dulketʼa ar mitʼṭen mĩhũ muṭhạne benaokedea. Ona ńelte Israelko doko menkeda, “E boehako, aperen debotako do nuirege menakʼkoa. Misor disạm khon noko debotage ape doko oḍok ạguakatʼpea.”


“Okoe ona disạmreko tahenkan onko sãote cetʼge alope bondobosa, ente onko tinre besapha monte akoren debotako ṭhen apnartetʼko emokʼa ar onko ńutumte janwarko dãṛẽkoa unre apeko neotapea ar ape tulucʼ boṅga ṭhen samaṅakʼ reakʼ jelko joma.


Probhu Isorre bepạtiạr iạte boda-bhutko ńutumte janwar dãṛẽkate apnartetʼ aloko ạkhrińokʼma. Noa do mitʼṭecʼ niạm leka piṛhike piṛhi manao idiy hoyokʼtakoa.


Ona tayom uni doe metadińa, ‘ar alom biloma ńitge latarte pheḍ calakʼme, ente okoeko hoṛ Misor disạm khonem oḍok ạguakatʼko onko do bạṛicʼ horteko mohnḍa akana. Oka horte calakʼ lạgitʼ iń hukumatʼko tahẽkan ar inạkʼtege onko do eṭakʼ secʼko ghańjeṛ akana ar sewae lạgitʼ dulakʼ muṭhạnko benao akawana.’


Onko do bạṛicʼ jiuko teṅgenatʼkoa. okoe do Isorko baṅkan, onko do nãwã boṅga ńutumte samaṅokʼakʼ porobko porobena, okoe do sor din lahareko upelakan, okoe do aperen hapṛamko bako botorakokan tahẽkan.


Menkhan onko do unre mocateko luhum suhumkeda, ar alaṅte eṛe kathako roṛkeda.


Onko do Gileadre Ruben ar Gad gusṭiren hoṛko ar Manase gusṭiren adha hoṛko ṭhen senkateko menkeda,


Uni do arhõe metatʼkoa, “Menkhan ińakʼ mitʼṭecʼ nehõr menakʼtińạ. Apeakʼ luṭ reakʼ hạṭiń khon mitʼṭecʼkate lutur reakʼ pagra imạńpe.” Uni do noa iạteye menkeda, ente Midiạnrenko do Ismael bõsren hoṛko tahẽkana ar onako oktere Ismael bõsrenko do luturre sona reakʼ pagrako horokʼetʼ tahẽkana.


Onko do ako lạgitʼ chãchre dul benao akade mitʼṭen mĩhũ reakʼ muṭhạn benaokateko menkeda, ‘nuige aperen Isor do; Misor disạm khon unigeye oḍok ạgu akatʼpea.’ Nonkate onko do amko bemanotketʼmea menkhan amakʼ asambheṛ daya iạte hahaṅkarre bam bạgi giḍiletʼkoa. Sińre ạyurko lạgitʼ do rimil khunṭi ar ńindạ lạgitʼ do seṅgel khunṭitem ạyurletʼkoa.


Horeb burure onko do mitʼṭen mĩhũko benaokedea ar mitʼṭen dul murhutʼko ḍobokʼadea.


Adomko do akoakʼ thạilạkʼ khon sonako upʼ oḍokeda ar tulạte rupạko soṅeda. Ar onakote onko do goṛhon muṭhạn tear lạgitʼ sonharko emako kana; ar tayomte do ona goṛhon muṭhạnko ḍobokʼakʼ kana arko sewawakʼ kana.


Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.


Swiv nou:

Piblisite


Piblisite