Exodus 32:7 - সান্তালী বাইবেল

⁷ Onate Probhu Isor do Moseye metadea, “Am do latarte pheḍ calakʼme. Amren hoṛko okoe do Misor disạm khonem oḍok ạguakatʼko onko doko kharap caba akana.

Exodus 32:7 Referans Kwoze

Exodus 32:11

Unre Mose do acʼren Probhu Isor ṭhen nehõrenteye menkeda, “E Probhu Isor, amakʼ daṛeanakʼ ti tiạrkate okoe do amakʼ maraṅ daṛete Misor disạm khonem oḍok ạguakatʼko onko amren hoṛko cetanre cedakʼ nunạkʼ dom edrekʼ kana?

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Dosar Biboron 9:12

Ona tayom uni doe metadińa, ‘ar alom biloma ńitge latarte pheḍ calakʼme, ente okoeko hoṛ Misor disạm khonem oḍok ạguakatʼko onko do bạṛicʼ horteko mohnḍa akana. Oka horte calakʼ lạgitʼ iń hukumatʼko tahẽkan ar inạkʼtege onko do eṭakʼ secʼko ghańjeṛ akana ar sewae lạgitʼ dulakʼ muṭhạnko benao akawana.’

Bikʼcạrko 2:19

Menkhan disạm cakʼlaokoko gocʼlen khan hoṛko do arhõ debota secʼko lawerokʼkan tahẽkana arko sewawako kan tahẽkana ar hapṛamko khon hõ bạṛicʼakʼ horteko taṛametʼ tahẽkana. Onko do okalekate hõ bạṛicʼakʼ hor ar bạṛicʼ hewa bako bạgiyakʼkan tahẽkana.

Exodus 19:24

Unre Probhu Isor do Moseye metadea, “Am do latarte pheḍokʼme. Ona tayom am ar Aron do arhõ cetante rakapʼ hijukʼ ben. Menkhan naekeko ar hoṛko do simạna paromkate iń ṭhen jemon aloko rakapʼ hijukʼ. Arko hijukʼ khan iń do ạḍi bạṛicʼ iń sạjạikoa.”

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Dosar Biboron 32:5

“Acʼren hoṛko do unire bạṛicʼko beohar akada. Onkoakʼ dos dạgi iạte uniren hopon ar hoponera doko baṅkana. Onko do bin pạtiạran ar phepṛa hoṛ kanako.

Dosar Biboron 4:16

jemon bạṛicʼ horte senkate jãhãn murhutʼko alope benaokoa se jãhãn muṭhạn hõ alope benaojoṅa- baṅ do herelakʼge cetʼ baṅ do maejiuakʼge cetʼ,

Exodus 33:1

Ona tayom Probhu Isor do Moseye metadea, “Amren okoe hoṛko Misor disom khonem oḍok ạguakatʼko onko salakʼ niạ ṭhạ̃i bạgikate ińiń gokʼakawatʼpe disạmte calakʼpe. Iń do Abraham, Isạhak ar Jakob ṭhen noa disạm reakʼgeń kiriạlena, onkoren bõskoń emakoa mente.

Exodus 32:4

Aron do onkoakʼ ona saj bajkoe galao ocoketʼte chańcreye dulketʼa ar mitʼṭen mĩhũ muṭhạne benaokedea. Ona ńelte Israelko doko menkeda, “E boehako, aperen debotako do nuirege menakʼkoa. Misor disạm khon noko debotage ape doko oḍok ạguakatʼpea.”

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

Dosar Biboron 9:8

Horeb ṭhen Probhu Isorakʼ edrepe rakapʼ ocoletʼtae jokhecʼ uni do ape marao giḍikapeye menleda.

Sereńko 78:36

Menkhan onko do unre mocateko luhum suhumkeda, ar alaṅte eṛe kathako roṛkeda.

Dosar Biboron 31:29

Ińiń baḍaea, ińakʼ gujukʼ tayom ape dope kharapokʼa ar oka horte calakʼ reakʼ iń hukumakatʼpe ona khon dope ghańjeṛokʼa. Ar onate darakan dinkore ape cetanre muhinko hecʼ paṛaokʼa, ente Probhu Isorakʼ mẽtʼre oka bạṛicʼakʼkan onagepe kạmiya ar apeakʼ tite benao akatʼko boṅga murhutʼ iạte unipe khĩs ocoyea.

2 Bõsbudạ 27:2

Jotham do uniren apattetʼ leka Probhu Isorakʼ mẽtʼre oka bhageakʼ kan onageye kạmiyetʼ tahẽkana. Ona chaḍa uni do uniren apattetʼ leka do bae bhulleda; dhup jered lạgitʼ Probhu Isorakʼ oṛakʼte do bae bololena. Enhõ hoṛko do bạṛicʼakʼko kạmikan tahẽkana.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.