Exodus 32:6 - সান্তালী বাইবেল

⁶ Ar dosar hilokʼ hoṛko do ạḍi setakʼre beretʼkate jeredokʼ samaṅokʼakʼ ar sulukren samaṅokʼakʼ porobko porobena. Ar ona tayom do jojomko duṛupʼena ar enecʼ-khilḍukʼ lạgitʼko beretʼena.

Exodus 32:6 Referans Kwoze

1 Korinthiko 10:7

Cetʼleka onko modren adomko do boṅgako sewawako kan tahẽkan onka leka boṅga sewako do alope hoyokʼa. Olakan leka, “Hoṛko do jojom ar ńũńũko duṛupʼena, ar enejokʼko beretʼena.”

Numeri 25:2

Noko maejiuko do akoren debotako ńutumte janwar dãṛẽko reakʼ porobre Israelkoko neotaketʼkoa, ar Israelko hõ onko sãote jom-ńũkate onkoren debotakoko ḍobokʼatʼkoa.

Johan sodor 11:10

Onko do unkinakʼ mạ̃ṛĩ bako topa ocowakʼa. Ar unkin kin gocʼ akante noa dhạrtirenko doko kusikʼa arko rạskạkʼa. Hoṛko do sandesko kopola, ente okoe doko noa dhạrtiren kan onko do nukin barea nạbi iạte ạḍitetʼ kosṭoko ńamleda.

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Amos 2:8

Onko do mitʼke mitʼ pinḍ ṭhen senkate bondhok hatao akatʼ kicricʼreko jạpitʼetʼkana. Onkoakʼ koejoṅ oṛakʼre onko do juribana reakʼ ṭakate darkha rasako ńũjoṅkana.

Exodus 32:5

Niạ ńelte Aron do uni mĩhũ samaṅre mitʼṭecʼ pinḍe benaokeda ar noae lại jạhirkeda, “Gapa do Probhu Isor ńutumte porob hoyokʼa.”