Exodus 32:5 - সান্তালী বাইবেল

⁵ Niạ ńelte Aron do uni mĩhũ samaṅre mitʼṭecʼ pinḍe benaokeda ar noae lại jạhirkeda, “Gapa do Probhu Isor ńutumte porob hoyokʼa.”

Exodus 32:5 Referans Kwoze

2 Rapajko 10:20

Jihui menkeda, “Bakʼal debota ńutumte mitʼṭecʼ sabha hohokʼma.” Onate hoṛko do ona reakʼko lại sodorkeda.

Levitikus 23:37

“Noa porobko do jotoge Probhu Isore ṭhik dohoakada. Jemon niạ oktere seṅgelteakʼ samaṅokʼakʼpe samaṅ daṛeakʼ ar onate apeakʼ sonot jarwakʼ do hoyokʼtapea. Ar cetʼkope samaṅa onako do hoyokʼkana jeredokʼ samaṅokʼakʼ, jomakʼ samaṅokʼakʼ, janwar samaṅokʼakʼ ar coḍor samaṅokʼakʼ.

1 Korinthiko 5:8

Onate mare khạmi, metakʼme hiskạ ar bạṛicʼakʼ reakʼ khạmite do alo, menkhan nirạ ar sạriyakʼ reakʼ bin khạmiyanakʼ piṭhạte bon porobokʼma.

Hosea 8:14

Israelren hoṛ do akoren sisirjạuicʼ hiṛińkate maraṅ maraṅ oṛakʼko benaojoṅ kana; Ar Jihudạren hoṛko hõ pạcrite nagrahako esetʼ ạcurakada. Menkhan Iń do onkoakʼ nagrahako cetanre seṅgeliń kola ar ona do onkoakʼ sanam gaṛkoe jarkhartakoa.”

Hosea 8:11

“Ephrayim do acʼakʼ ghạṭko sạṅgińtae lạgitʼ aema pinḍkoe benao akawana, menkhan onako do kạkại reakʼ pinḍkantaea.

2 Bõsbudạ 30:5

Israelren Probhu Isor ńutumte bańcaokʼ porob porobokʼ lạgitʼ jemon sanamkoge Jerusalemteko hijukʼ ona iạte onko do Ber-seba khon Dan hạbicʼ Israelkoakʼ sanam jaegare hoṛ kolkateko lại pasnaokeda. Onko do ḍher bochor khon niạm lekate mitʼ ṭhen jarwakate niạ porob do bako porob akana.

2 Rapajko 16:11

Damesek khon Ahas raje kolletʼ sanam goṭawakʼ lekage naeke Uriạ do mitʼṭecʼ pinḍe benaokeda ar Ahas raje ruạṛ hijukʼ laharege ona doe sạtkeda.

1 Rapajko 21:9

Uni do ona ciṭhireye olkeda, “Ape do upạs lạgitʼ lại sodorpe ar hoṛko talare Nabat do laha reakʼ mitʼṭecʼ mońj utạrakʼ ṭhạ̃ire duṛupʼakʼpe emaea.

1 Samuel 14:35

Ar Sạul do Probhu Isor ńutumte onḍe mitʼṭecʼ pinḍe benaokeda. Ar onage Probhu Isor ńutumte uniyakʼ benaoakʼ pạhil pinḍ hoyena.

Levitikus 23:21

Enhilokʼ ape do mitʼṭecʼ sonot jarwakʼpe hoeocoya. Enhilokʼ do cetʼge alope kạmiya. Ar jãhãregepe girobasokʼ noa niạm do piṛhike piṛhi ape lạgitʼ tahẽyena.

Levitikus 23:4

Probhu Isor okako porobe niṭ dohoakatʼ, metakʼme okako sonot jarwakʼkan ona reakʼ niṭakʼ dinpe lại sodora:

Exodus 32:4

Aron do onkoakʼ ona saj bajkoe galao ocoketʼte chańcreye dulketʼa ar mitʼṭen mĩhũ muṭhạne benaokedea. Ona ńelte Israelko doko menkeda, “E boehako, aperen debotako do nuirege menakʼkoa. Misor disạm khon noko debotage ape doko oḍok ạguakatʼpea.”

Exodus 12:14

Ape lạgitʼ ona do mitʼṭecʼ disạ dokʼho dinge hoyokʼa. Probhu Isor ńutumte noa porob do mitʼṭecʼ jaejug reakʼ niạm lekate piṛhike piṛhipe porobokʼa.

Exodus 10:9

Moseye roṛ ruạṛkeda, “Aleren hopon ar hoponerako, aleren haṛam ar buḍhi hoṛko, aleren gidrạko ar aleren ḍaṅgrako-bhiḍiko jotoge ale sãoteko calakʼa, ente Probhu Isor ńutumte ale do mitʼṭecʼ poroble porobokʼa.”

Exodus 32:6

Ar dosar hilokʼ hoṛko do ạḍi setakʼre beretʼkate jeredokʼ samaṅokʼakʼ ar sulukren samaṅokʼakʼ porobko porobena. Ar ona tayom do jojomko duṛupʼena ar enecʼ-khilḍukʼ lạgitʼko beretʼena.

Exodus 17:15

Tayomte Mose do mitʼṭecʼ pinḍ benaokate ona reakʼ ńutum do Jehowa-nisiye (metakʼme “Probhu Isorge ińakʼ jhạnḍi”) dohokeda.