Exodus 32:4 - সান্তালী বাইবেল

⁴ Aron do onkoakʼ ona saj bajkoe galao ocoketʼte chańcreye dulketʼa ar mitʼṭen mĩhũ muṭhạne benaokedea. Ona ńelte Israelko doko menkeda, “E boehako, aperen debotako do nuirege menakʼkoa. Misor disạm khon noko debotage ape doko oḍok ạguakatʼpea.”

Exodus 32:4 Referans Kwoze

Nehemiạ 9:18

Onko do ako lạgitʼ chãchre dul benao akade mitʼṭen mĩhũ reakʼ muṭhạn benaokateko menkeda, ‘nuige aperen Isor do; Misor disạm khon unigeye oḍok ạgu akatʼpea.’ Nonkate onko do amko bemanotketʼmea menkhan amakʼ asambheṛ daya iạte hahaṅkarre bam bạgi giḍiletʼkoa. Sińre ạyurko lạgitʼ do rimil khunṭi ar ńindạ lạgitʼ do seṅgel khunṭitem ạyurletʼkoa.

Dosar Biboron 9:16

Iń doń ńelkeda, ape do aperen Probhu Isor upạrtepe kại akada; ar sewae lạgitʼ dulicʼ mĩhũ muṭhạnpe benao akawana. Probhu Isor okaṭakʼ horte taṛam lạgitʼe hukum akawatʼpe inạkʼtege ape do eṭakʼ secʼpe ghańjeṛ akana.

Aposkạmi 7:41

Unre onko do mitʼṭen mĩhũ muṭhạn leka boṅgako benaoana. Ar ona muṭhạn ṭhen janwar dãṛẽko samaṅkeda ar akoakʼ titeko tearakatʼ kạmiko iạte onko doko hesecʼ sekrecʼena.

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

1 Rapajko 12:28

Unre Jerobiam raj do sopolhakate sonaren barea mĩhũi benao ocoketʼkinạ. Ar ona tayom do hoṛkoe metatʼkoa, “Jerusalemte calakʼ do ape lạgitʼ ạḍi kosṭogea. E Israelko, nokin kangeakin aperen debota do, nokinge Misor disom khon apekin oḍok ạgu akatʼpea.”

Hosea 13:2

Ńitokʼ uniren hoṛko do arhõ ḍherko kại akada; akoakʼ rupạte onko do ako lạgitʼ dul boṅga muṭhạn, metakʼme gạkhuṛ tite boṅgako benao akadea; ar onako do jotoge kạrigolkoakʼ kạmikana. Nui boṅga reaṅ onkoko mena, “Okoe dãṛẽko samaṅetʼkan onko do mĩhũren boṅgako cokʼae ma.”

Aposkạmi 17:29

“Enḍekhan uniren hoponkan khan bon Isor do manwa reakʼ kạrigol ar hudis bundiskote benao akatʼ sona, rupạ se dhiriren murti leka hudise do lek baṅkan tabona.

Hosea 10:5

Samariạreko girobasokʼ kan hoṛ do Beth-Abenren mĩhũ boṅga iạte botor caṛhao akatʼkoa. Uniren hoṛ doko homor halaṅeda ar uniren boṅgako sewawako kan naekeko doko hae haeyokʼ kana, ente boṅgako reakʼ ṭhonok do onko khon sạṅgiń ocoakana.

Jesaea 46:6

Adomko do akoakʼ thạilạkʼ khon sonako upʼ oḍokeda ar tulạte rupạko soṅeda. Ar onakote onko do goṛhon muṭhạn tear lạgitʼ sonharko emako kana; ar tayomte do ona goṛhon muṭhạnko ḍobokʼakʼ kana arko sewawakʼ kana.

2 Bõsbudạ 13:8

“Ńitokʼ Dạudren hoponkoakʼ tire Probhu Isorakʼ okaṭakʼ rajosṭi menakʼ ape do ona upạrte teṅgokʼpe menetʼkana. Ape do sạrige gadel lạṛhại phạdko kanape ar ape talare do sonaren mĩhũ muṭhạnko menakʼkoa ar Jerobiam do aperen debotako hoyokʼ lạgitʼte onkoe benao akatʼkoa.

2 Bõsbudạ 11:15

Jerobiam do than boṭkocʼko lạgitʼ ar bạṛicʼ jiuko lạgitʼ ar acʼe benao ocolede mĩhũ muṭhạn lạgitʼ acʼren naekekoe bahalletʼkoa.

Exodus 20:23

Onate jãhãnakʼ benaokate sewawakʼ lạgitʼ iń sãote alope teṅgoea. Sona se rupạte ape lạgitʼ jãhãn Isorko alope benaojoṅa.

2 Rapajko 10:29

Menkhan Nabatren hopon Jerobiam Israelko okae kại ocoyetʼko tahẽkan ona khon uni do bae ruạṛ hecʼlena. Ona do hoyokʼkana Bethel ar Danre sonaren mĩhũ sewawạkin reakʼ.

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

1 Rapajko 12:32

Jihudạ ṭoṭha talare oka porob hoyokʼkan tahẽkan ona porob leka irạlakʼ cando reakʼ gel mõṛẽakʼ din hilokʼre uni do Bethelre hõ mitʼṭecʼ porob reakʼe bebostakeda ar acʼe benao akade mĩhũ ńutumte pinḍ cetanre janware samaṅkedea. Uni do Bethel reakʼ usul than boṭkocʼkore hõ acʼ benaoakʼ mundilre naekekoe bahalketʼkoa.

Exodus 28:11

Kạrigolko damanakʼ dhirire cetʼlekako rokʼ caṛhao arko mohor chapakʼ ṭhik onkage onakin dhiri cetanre Israelren hoponkoakʼ ńutumem rokʼ caṛhao ocoytakoa. Banar boidorjomoni dhirige sona reakʼ jhạńjri cetanre bạisạukate taren reakʼ phitạ sãotem tol doho ocokoa. Noa banar dhiri do Probhu Isor samaṅre Israelkoe udukʼkoa. Ar Probhu Isor jemon onko secʼe beṅged onate Aron do Probhu Isor samaṅre noa ńutumko acʼakʼ banar taren cetanreye ladekakʼa.

Exodus 28:9

Am do barea boidorjomoni dhirite ona cetanre Israelren hoponkoakʼ ńutumem galaṅ ocoya.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

1 Korinthiko 10:7

Cetʼleka onko modren adomko do boṅgako sewawako kan tahẽkan onka leka boṅga sewako do alope hoyokʼa. Olakan leka, “Hoṛko do jojom ar ńũńũko duṛupʼena, ar enejokʼko beretʼena.”

Exodus 32:3

Onko do jotoge akoakʼ lutur reakʼ pagra totʼkate Aronko emadea.

Exodus 32:5

Niạ ńelte Aron do uni mĩhũ samaṅre mitʼṭecʼ pinḍe benaokeda ar noae lại jạhirkeda, “Gapa do Probhu Isor ńutumte porob hoyokʼa.”

Exodus 32:7

Onate Probhu Isor do Moseye metadea, “Am do latarte pheḍ calakʼme. Amren hoṛko okoe do Misor disạm khonem oḍok ạguakatʼko onko doko kharap caba akana.

Exodus 32:24

Ar niạ katha ańjomkate onkoń metatʼkoa, okoekoakʼ sona pagra menakʼtape onko do ona totʼkate iń ṭhen ạguiype. Ar onko do ińko ạguạdiń khan seṅgelre onań galao ocokeda ar sonaren mĩhũye oḍok hecʼena.”

Exodus 32:35

Arone benao akade mĩhũ iạte hoṛko okako cekaketʼ onate Probhu Isor do onko cetanre maraṅ okocʼ muhine kolkeda.

2 Rapajko 10:20

Jihui menkeda, “Bakʼal debota ńutumte mitʼṭecʼ sabha hohokʼma.” Onate hoṛko do ona reakʼko lại sodorkeda.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Jeheskel 23:8

Uni do acʼakʼ laṭghaṭ kạmiko do bae bạgileda, one Misorre tahẽkan jokhecʼ khone ehopʼletʼ; onḍe uni do kom umere tahẽkanrege hoṛko sãoteye giticʼ mitʼena ar onkoakʼ laloc do acʼreye dulante acʼakʼ kũạritetʼe nosṭoketʼtaea.

Exodus 20:4

“Sekʼwae lạgitʼ jãhãn muṭhạnko alom benao joṅa, baṅ do coṭ sermarenko reakʼ baṅ do otrenko reakʼ baṅ do ot latar dakʼrenko reakʼ.

Bikʼcạrko 8:24

Uni do arhõe metatʼkoa, “Menkhan ińakʼ mitʼṭecʼ nehõr menakʼtińạ. Apeakʼ luṭ reakʼ hạṭiń khon mitʼṭecʼkate lutur reakʼ pagra imạńpe.” Uni do noa iạteye menkeda, ente Midiạnrenko do Ismael bõsren hoṛko tahẽkana ar onako oktere Ismael bõsrenko do luturre sona reakʼ pagrako horokʼetʼ tahẽkana.

Bikʼcạrko 8:27

Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.