Exodus 32:22 - সান্তালী বাইবেল

²² Arone roṛ ruạṛkeda, “Alom edrekʼa, am dom baḍaegea noko hoṛ do bạṛicʼreko jobe akana.

Exodus 32:22 Referans Kwoze

Dosar Biboron 9:24

Iń do ape tis khoniń baḍae akatʼpe un khongeń ńelakada, ape do Probhu Isor upạrtepe ṭhok ạguakada.

1 Samuel 15:24

Unre Sạul do Sạmuele metadea, “Iń doń kại akada. Ar Probhu Isorakʼ hukum ar amakʼ kathako bạń manao akada. Hoṛko botorte iń do onkoakʼ katha lekageń kạmi akada.

Exodus 16:20

Menkhan adomko do Moseyakʼ katha bako ańjomletʼte setakʼ lạgitʼ thoṛako dohokada. Onate ona doko tejokeda ar soyena. Noa ńelte Mose do onko cetanre ạḍiye edreyena.

Exodus 15:24

Ar hoṛko do Mose upạrte karacʼ kurucʼenteko menkeda, “Ńitokʼ ńũi reakʼ dakʼ do okarele ńama?”

Exodus 14:11

Onko do Moseko metadea, “Misorre do cetʼ topakʼ lạgitʼ jaega baṅ tahẽkante gocʼ giḍikale lạgitʼ noa hahaṅkar jaegatem ạgu akatʼlea? Misor khon oḍok ạgukate ale sãote noa do cetʼem cekakeda?

Kạhtukko 4:16

Ente bạṛicʼ hoṛ do baṛicʼakʼ bako kạmile khan bako jạpitʼ daṛeakʼa; ar jãhãe bako tạkicʼ ocoleko khan mẽtʼ hõ baṅ jạpidokʼtakoa.

Sereńko 36:4

Onko do aṭetʼre giticʼkate hõ bạṛicʼ phundiko aṭãoa; onko do bedhorom horre apnartetʼko jimạ akana ar bạṛicʼakʼ do bako hirkhạwakʼ kana.

Dosar Biboron 31:27

Ar cetʼ lekan keṭecʼ hoṭokʼan ar huhulko kanpe ona doń baḍaegea. Ape talare jiwetʼ iń tahenrege Probhu Isor upạrtepe huhulkan khan ińiń gujukʼ tayom do tinạkʼ artetʼpe onkaea!

Dosar Biboron 9:7

“Hahaṅkarre aperen Probhu Isorakʼ edre cetʼlekape rakapʼ ocoletʼtaea ona baṛe disạipe, ar tishõ alope hiṛińa. Misor disạmpe bạgi oṭowakʼ hilokʼ khon nonḍe seṭerokʼ hạbicʼ ape do Probhu Isor birudrepe ṭhok ạguakada.

Exodus 16:28

Unre Probhu Isor do Moseye metadea, “Ar tinạkʼ din ape do ińakʼ hukum ar ińakʼ solhako bape manaoa?

Genesis 44:18

Unre Jihudạ do Joseph ṭhen senkateye menkeda, “Hujur, am do Pharaoakʼ jaegare menama, onate amren golam am ṭhen thoṛa katha roṛ lạgitʼ aṛakʼạńme. Amren golam cetanre alom edrekʼa.

Exodus 32:21

Ar Arone metadea, “Onko do cetʼko cekaletʼtamte, nonkan bạṛicʼ kại secʼem ạyurketʼkoa?”

1 Samuel 15:15

Sạule roṛ ruạṛkeda, “Onko do Amalekiko ṭhen khonko ạguakana. Amren Probhu Isor ńutumte samaṅokʼ lạgitʼ iạtege lạṛhại phạdko do mońj mońj ḍaṅgra ar bheḍako dohoakatʼkoa; tobe sarecʼakʼ jotowakʼ dole marao giḍi akada.”

1 Samuel 15:21

Ar ḍahao maraoakʼ jinisko khon lạṛhại phạdko do thoṛa mońj mońj ḍaṅgra ar bheḍako ạguakatʼkoa, jemon Gilgolre amren Probhu Isor ńutumte onkoko samaṅ daṛeako.”

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”