Exodus 32:12 - সান্তালী বাইবেল

¹² Ar Misorrenko do niạ katha roṛ reakʼ cedakʼ ạtko ńama, dhạrti khon meṭaoko lạgitʼ am do noa buru ṭoṭha talarem oḍok ạgu akatʼkoa? Amakʼ noa botoranakʼ edre do thirtam. Dayakʼme, amren hoṛko cetanre noa muhin do alom ạguiya.

Exodus 32:12 Referans Kwoze

Dosar Biboron 9:28

Arem onkae khan oka disạm khonem oḍok ạgu akatʼle ona disạmren hoṛko mena, Probhu Isor do acʼakʼ gokʼakʼ disạmte bae idi daṛeatʼkote se onkoe kurudakokante gocʼko lạgitʼ hahaṅkarteye oḍok ạguakatʼkoa.

Josuạ 7:9

Kananiko ar niạ disạmren eṭakʼ hoṛko niạ katha ańjomkate aleko gherao esetʼlea ar dhạrti khon aleakʼ ńutumko meṭao utạrtalea. Ar inạ tayom do cekate amakʼ ńutumem rukhiyại tama?”

Exodus 32:14

Niạ katha ańjomkate Probhu Isor do daya hecʼadea. Uniren hoṛko cetanre oka muhin ạgui reakʼ kathae menletʼ ona do ar bae ạguleda.

Sakariạ 8:14

“Iń phạdkoren Probhu Isorgeń meneda, aperen hapṛamko tinre ińko khĩs ocoledińa unre onko cetanre muhiniń ạguiya menteń ṭhik doholeda ar ona hõń hoyocoletʼa.

Jona 3:9

Okoe baḍaea hoedaṛeakʼa Isor do moneye ạcurtaete jaljalaokʼkan edre khone ruạṛkange jemon alo bon marao utạrokʼ.”

Amos 7:6

Unre Probhu Isor do ona ńutumte kastaoenteye menkeda, “Onka do ar baṅ hoyokʼa.”

Amos 7:3

Unre Probhu Isor do mone ạcurketʼteye menkeda, “Onka do ar baṅ hoyokʼa.”

Jeheskel 20:22

Menkhan ińakʼ ti doń ocokʼketʼtińạ ar ińakʼ ńutum rukhiyại lạgitʼ ona do bạń onkaleda jemon sanam jạtrenko samaṅre onkoń oḍok ạguletʼko tahẽkan onko ṭhen ińakʼ ńutum do besonotakʼ alo hoyokʼ.

Jeheskel 20:14

Menkhan ińakʼ ńutum rukhiyại tiń lạgitʼ iń do ona bạń onkaleda, jemon okoe jạtrenko samaṅre onkoń oḍok giḍiletʼko onko ṭhen ińakʼ ńutum besonotakʼ alo hoyokʼtiń.

Jeheskel 20:9

Menkhan ińakʼ ńutum rukhiyại tiń lạgitʼ ona do bạń onka akada, jemon okoe jạtrenko talareko girobasokʼ kan tahẽkan onko ṭhen ińakʼ ńutum besonotakʼ alo hoyokʼ. Misor disạm khon Israelko oḍok ạgukate onko jạtrenkoakʼ mẽtʼ samaṅre Israelko ṭhen ińtetʼ geń sodorena.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Sereńko 90:13

E Probhu Isor, ar tinạkʼ din? Ma ruạṛokʼme, amren golamkore mãyãkʼme.

Sereńko 85:3

Amakʼ sanam bumhạukʼkan edre dom sạṅgiń giḍi akada ar amakʼ jolokʼkan edre khonem ruạṛ akana.

Sereńko 78:38

Enhõ uni do mãyãteye perecʼgete onkoakʼ bedhoromakʼkoe ikạketʼtakoa, onko do bae marao giḍiletʼkoa; acʼakʼ edre do ghane ghạṛicʼe dobnaoketʼtaea, uniyakʼ edre do baṅ sarsao rakapʼlena.

Sereńko 74:18

E Probhu Isor, alom hiṛińa bạiri do amko landa dhutʼam kana, ar bebujko do amakʼ ńutumko nindạuetʼtama.

Esra 10:14

Aboren cetan hudạren kạmiyạkoge goṭa somajren ạyurko jemonko hoyokʼma. Ar ona tayom aboakʼ judạ judạ ato ar nagraha modre okoe do eṭakʼ jạtren kuṛiko bapla akatʼko onko mimitʼko do akoren murubbiko ar bikʼcạrkoante mitʼṭecʼ niṭakatʼ oktere Jerusalemteko hijukʼma. Enḍekhan niạ kại iạte aboren Isorakʼ botoranakʼ edre do abo khon ocogokʼa.”

Josuạ 7:26

Akhanakʼ hoṛmo cetanre onko do ạḍi utạr dhiriko puńjikeda. Ona do teheń hạbicʼ hõ menakʼgea. Inạ tayom Probhu Isor do acʼakʼ edre khone ạcurena. Ar onate ona jaega do Akor lodamko metakʼkana.

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Dosar Biboron 13:17

Probhu Isor jemon acʼakʼ botoranakʼ edre khone ruạṛokʼ onate apeakʼ tire noako jinis reakʼ mitʼṭen hõ jemon alo ńelokʼ, ente onare do maraokʼ reakʼ sarap menakʼa. Enḍekhan uni do daya are mãyãwapea ar aperen hapṛamko ṭhen kiriạkateye gokʼletʼ iạte aperen bõskoe bạḍ ocokoa,

Genesis 6:6

Onate Probhu Isor do ontorreye dukena. Ar dhạrtiren manwae sirjạukedete bhabna iạteye menkeda, “Ińren benaoicʼ manwa do dhạrti khoniń marao utạrea; ar uni sãote sanam jiwiyanko, leńokʼ ṭunḍạṅko ar coṭren cẽṛẽko hõń maraokoa. Noakoń benao akatʼte iń do monre ạḍi dukiń ńameda.”

Exodus 33:13

Amakʼ dayań ńamakatʼ khan tobe do amakʼ hor baṛe udukʼạńme jemoniń baḍae daṛeakʼ am samaṅre dayań ńama mente. Disạime, noko jạtrenko do amren kangeako.”

Numeri 16:21

“Aben do eṭakʼ sanam hoṛko khon begarokʼ ben, jemon ńitge onkoń maraoko.”

1 Samuel 12:22

Probhu Isor do acʼakʼ maraṅ ńutum iạte acʼren hoṛko tisge bae bạgi daṛeakoa, ente uni do acʼakʼ sanatege acʼren hoṛe hoyocoakatʼpea.

1 Rapajko 8:51

ente Israelko do amren hoṛ kangeako, ar amren sompotti kanako okoe do Misor disom khon, one mẽṛhẽtʼ galao reakʼ culhạ khonem oḍok ạgu akatʼko.

Jirimiạ 28:16

Onate Probhu Isore meneda, ‘am do dhạrti khoniń ocokʼmea. Niạ bochorge am dom gujukʼa, ente am do Probhu Isor upạrte hul reakʼem porcar akada.’ ”

Joel 2:17

Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”

Numeri 14:19

Misor disạm bạgiyakʼ khon ńitʼ hạbicʼ cetʼlekam ikạ akatʼko onkage amakʼ ona asambheṛ dayate onko hoṛakʼ ghạṭko ikạkatakom.”

Jesaea 64:7

Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.

Jesaea 64:8

Enre hõ, E Probhu Isor, am do aleren Baba kanam. Ale do hasa kanale, ar am dom kuṅkạl kana; ale sanamkoge amakʼ ti reakʼ kạmiko kanale.