Exodus 32:10 - সান্তালী বাইবেল

¹⁰ Am do alom tạkicʼ daramińạ. Onko upạrte ińakʼ edre do seṅgel leka jolokʼ kantińạ. Iń do onkoń jarkhar cabakoa. Ar ona tayom do am hotete mitʼṭecʼ maraṅ jạtiń hoyocokoa.”

Exodus 32:10 Referans Kwoze

Dosar Biboron 9:14

Ar alom tạkicʼ daramińạ; onko doń marao utạrkoa ar dhạrti khon onkoakʼ ńutumiń meṭao utạrtakoa. Ar ona tayom do am hotete arhõ daṛean ar maraṅ mitʼṭen jạtrenkoń sirjạukoa.’

Numeri 14:12

Iń do onkore mahamạriń paṛao ocoya ar onkoń gokʼ akawatʼko disạm reakʼ ạidạri do onko khoniń recʼ ocoya, menkhan onko khon hõ mitʼṭecʼ maraṅ jạtrenkoge am khoniń sirjạukoa.”

Dosar Biboron 9:19

Iń do Probhu Isorakʼ edre iạteń botorena, ente marao giḍikape leka uni doe edre seṅgellena. Menkhan niạ dhao hõ Probhu Isor do ińakʼ kathae ańjomkeda.

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

Exodus 32:19

Ona tayom Mose do ḍera sore senen khan uni mĩhũ ar hoṛko enejokʼkane ńelketʼkoa. Ona ńelte Mose do edreteye seṅgelena ar ti reakʼ dhiri cạkti kine tawakʼkeda. Onate ona dhiri cạktikin do buru latarte ńurente rạputʼena.

Exodus 32:11

Unre Mose do acʼren Probhu Isor ṭhen nehõrenteye menkeda, “E Probhu Isor, amakʼ daṛeanakʼ ti tiạrkate okoe do amakʼ maraṅ daṛete Misor disạm khonem oḍok ạguakatʼko onko amren hoṛko cetanre cedakʼ nunạkʼ dom edrekʼ kana?

Exodus 22:24

Unre ińakʼ edre do jalajalaokʼa ar ape do lạṛhạirepe gujukʼa. Onate aperen bạhu doko rạnḍikʼtapea ar gidrạ doko ṭũạrokʼa.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 14:11

Ona tayom Probhu Isor do iń metadińạ, “Noko hoṛkoakʼ bhạlại lạgitʼ do alom koea.

Exodus 33:3

Onḍe do toa, dumur rasa ar cetʼ jãhãnakʼ reakʼ okulạnge bạnukʼa. Menkhan keṭecʼ hoṭokʼan jạtkantepe iń do ape sãote bạń calakʼa, ariń senlen khan horregeń marao utạrpea.”

Numeri 16:21

“Aben do eṭakʼ sanam hoṛko khon begarokʼ ben, jemon ńitge onkoń maraoko.”

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Jirimiạ 7:16

Probhu Isore meneda, “Noko hoṛko lạgitʼ do alom koejoṅa, onko lạgitʼ do alom raga ar jãhãnakʼ iń ṭhen alom nehõrokʼa; ar jãhãnakʼ hõ alom ạjijokʼa, ente iń do bạń ańjomtama.

Jirimiạ 11:14

“Noko hoṛko lạgitʼ do alom koejoṅa se onko lạgitʼ jãhãnakʼ hõ alom nehõrạńạ, onkoakʼ kosṭokʼ oktere ińko hohoạńre hõ iń do bạń ańjomtakoa.

Jeheskel 20:13

“Menkhan Israelren hoṛko do hahaṅkarre iń upạrteko hulkeda. Onko do ińakʼ niạm bako manaoleda ar ińakʼ okaṭakʼ ạn-ạri manao hotete manwa jionko ńam ona doko nihạ̃t giḍikada; ar iń emakʼ jirạukʼmãhã reakʼ sonottetʼ hõ bako rukhiyạleda. Onatege iń doń menkeda, onko cetanre ińakʼ edreń dulakote hahaṅkarrege onko doń marao giḍikakoa.

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.