Exodus 30:7 - সান্তালী বাইবেল

⁷ “Dinạm hilokʼ setakʼre diuhe reakʼ mạlikoe jutre Aron do pinḍ cetanre jut so reakʼ dhupe jereda.

Exodus 30:7 Referans Kwoze

1 Samuel 2:28

Israelkoren sanam gusṭiko mod khon iń do cetʼ Liwikoge bạń bachao akawana, onate onko do ińren naeke hoekate ińakʼ pinḍ ṭhen hecʼkate dhupko jered ar ephod horokʼkate iń samaṅreko hecʼdaṛeakʼ? Israelkoren sanam jeredokʼ samaṅokʼ reakʼ bhag do cetʼ onko ar onkoren bõskoge bạń emakatʼkoa?

Luk 1:9

Naeke kạmi reakʼ cạli leka gulibãṭ hotete unirege paṛaoena jemon uni do Probhu Isorakʼ mundil reakʼ sonot jaegare dhupe jeretʼ daṛeakʼ.

1 Bõsbudạ 23:13

Amramren hopon dokin hoyokʼkana Haron ar Mose. Haron ar uniren bõsko do jaejug lạgitʼ Isor ńutumteko begar ocoyena jemon onko do sonot utạrakʼ jinisko reakʼ bharko ataṅ daṛeakʼ, ar Probhu Isor samaṅre seṅgelteakʼ samaṅokʼakʼ ko samaṅ daṛeakʼ, ar uni samaṅre sekʼwa kạmiko kạmi daṛeakʼ ar uni ńutumte bhorko emdaṛeakʼ.

1 Samuel 3:3

Ar Isor ńutumte okaṭakʼ diuhe jeretʼ tahẽkan ona do un hạbicʼ hõ baṅ ĩṛĩcʼ akan tahẽkana. Unre Samuel do Probhu Isorakʼ oṛakʼreye giticʼ akan tahẽkana. Ona oṛakʼre Isorakʼ goha sinduk tahẽkana.

Exodus 30:34

Ona tayom Probhu Isor do Moseye metadea, “Am do jut so mosola, metakʼme goglu, nothi, kunduru ar Lobanem hataoa. Am do noako reakʼ soman somanem hataoa arem sipi mesala ar jut so dhupem benaoa. Ar okoe jut so jinisko tear onko hotete noam kạmi ocoya. Onare buluṅ hõm emakʼa; noare jãhãn bhejalakʼ alo tahenma ona do sonotakʼge hoyokʼma.

Exodus 30:6

Goha tạmbu ṭhen, metakʼme gohawakʼ cetanre menakʼ daya duṛupʼakʼ ṭhen oka orwal tahen ona samaṅre noa pinḍem dohokakʼa; ar iń do onḍege am sãoteń ńapamokʼa.

Exodus 30:8

Ar ńuhumokʼ jokhecʼ diuhe jol oktere uni do arhõ ona dhupe jereda. Onate aperen bõsko do piṛhike piṛhi Probhu Isor samaṅre jaoge dhup jered hoyokʼtakoa.

Numeri 7:56

dhupte perecʼ mitʼsae gram ojon sona reakʼ mitʼṭecʼ thạri;

Numeri 16:40

Mose hotete Probhu Isor oka lekae hukumletʼ onkage uni do sanamakʼe kạmikeda. Noa do Israel hoponko ṭhen mitʼṭecʼ dikʼsạwakʼ leka hoyena, Aron bõsrenko chaḍa ar okoehõ dhup jered lạgitʼ Probhu Isor samaṅre bako sen daṛeakʼa; ar jãhãegeye calakʼ enḍekhan uni hõ Korah ar uniyakʼ dolrenko leka hoyokʼtaea.

2 Bõsbudạ 2:4

Ńitokʼ iń do ińren Probhu Isor lạgitʼ mitʼṭecʼ oṛakʼ benao lạgitʼ ar uni ńutumte ona samaṅ lạgitʼ iń sapṛao akana, jemon uni samaṅre jut so mosolako jeredokʼ, ar jaoge samaṅokʼakʼ reakʼ piṭhạ hõ jemon sajao akae tahen ar dinạm hilokʼ setakʼ ar ạyupʼ jokhecʼ, jirạukʼ mãhã hilokʼre, ambas ńutre ar aboren Probhu Isor niṭakatʼ judạ judạ porobre jeredokʼ samaṅokʼ reakʼ porobiń porob daṛeakʼ. Ar niạko palon do Israelko lạgitʼ mitʼṭecʼ jaejug reakʼ niạm kana.

2 Bõsbudạ 26:18

Onko do uni teṅgo daramkedeteko metadea, “E Usiạ, Probhu Isor ńutumte amakʼ dhup jered reakʼ ektiạri do bạnukʼtama. Aronren bõsko, okoe do dhup jered lạgitʼko begar ocoakan, eken onko motoge ạidạri menakʼtakoa. Niạ sonot ṭhạ̃i khon do oḍok calakʼme, ente am dom ghạṭ akada. Noa iạte Probhu Isor do khạṭigeye sạjạimea.”

Dosar Biboron 33:10

Onko do Jakob amakʼ bicạrko cetʼaea, ar Israel do amakʼ ạnge, onko do am samaṅre dhupko dohoya. Ar amakʼ pinḍre goṭa jeretʼ cabakʼ samaṅokʼakʼkoge.

1 Bõsbudạ 6:34

Samuel do Elkanaren hopon, Elkana do Jihoramren hopon, ar Jihoram do Eliyelren hopon, ar Eliyel do Toharren hopon,

2 Bõsbudạ 2:3

Solomon do Turren raj Hirạm noa khobore koladea, “Ińren ạpuń Dạudakʼ mitʼṭecʼ raj oṛakʼ benao lạgitʼ cetʼleka debdạru kaṭkom kolletʼ tahẽkan onkage iń hõ debdạru kaṭko kolạńme.

2 Bõsbudạ 29:7

Onko do pinḍạ reakʼ duạrko bond akada ar diuheko ĩṛĩcʼ akada. Niạ sonot oṛakʼre Israelren Isor ńutumte dhup do bako jeretʼleda se jãhãn jeredokʼ samaṅokʼakʼ hõ bako samaṅleda.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.