Exodus 30:6 - সান্তালী বাইবেল

⁶ Goha tạmbu ṭhen, metakʼme gohawakʼ cetanre menakʼ daya duṛupʼakʼ ṭhen oka orwal tahen ona samaṅre noa pinḍem dohokakʼa; ar iń do onḍege am sãoteń ńapamokʼa.

Exodus 30:6 Referans Kwoze

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

1 Bõsbudạ 28:11

Ona tayom Dạud do acʼren hopon Solomon do sekʼwa oṛakʼ reakʼ pinḍạ, ona reakʼ dolanko, khajańci oṛakʼko, cetan ar bhitri reakʼ kandhako ar kại dapal reakʼ ṭhạ̃ikoe noksawadea.

Numeri 17:4

Ar ńapamokʼ tạmbu reakʼ goha sinduk samaṅre okare ape sãoteń ńapamokʼ onḍe ona ṭheṅgakom dohoya.

Levitikus 16:13

Onḍe uni do Probhu Isor samaṅre seṅgel cetanre dhupe jereda. Ar ona dhup reakʼ dhũạte goha sinduk cetan reakʼ daya duṛupʼakʼ do danaṅokʼa ar onate uni do bae gujukʼa.

Exodus 40:26

Orwal samaṅre ona ńapamokʼ tạmbu bhitrire uni do sona reakʼ pinḍe dohokeda ar Probhu Isorakʼ hukum leka ona cetanre mońj so dhupe jeretʼkeda.

Exodus 40:5

Sekʼwa tạmbu samaṅre sona reakʼ dhup-pinḍem dohoya ar sekʼwa tạmbu reakʼ duạrre do orwalem ṭaṅgaoa.

Exodus 40:3

Ar ona talare goha sinduk dohokate ona reakʼ orwalte ona dom dapal esetʼkakʼa.

Exodus 30:36

Noa reakʼ thoṛa hataokate onam gunḍạea ar ńapamokʼ tạmbure goha-paṭa samaṅrem dohoya. Ar iń do onḍe am sãoteń ńapamokʼa. Ar noa dhup do sonot utạrakʼ jinis mentem bujhạua.

Exodus 30:5

Ona ḍaṅkin do gabla kaṭ reakʼem benao ocoya ar sonatem tolkakʼa.

Exodus 30:7

“Dinạm hilokʼ setakʼre diuhe reakʼ mạlikoe jutre Aron do pinḍ cetanre jut so reakʼ dhupe jereda.

1 Bõsbudạ 23:13

Amramren hopon dokin hoyokʼkana Haron ar Mose. Haron ar uniren bõsko do jaejug lạgitʼ Isor ńutumteko begar ocoyena jemon onko do sonot utạrakʼ jinisko reakʼ bharko ataṅ daṛeakʼ, ar Probhu Isor samaṅre seṅgelteakʼ samaṅokʼakʼ ko samaṅ daṛeakʼ, ar uni samaṅre sekʼwa kạmiko kạmi daṛeakʼ ar uni ńutumte bhorko emdaṛeakʼ.