4 Pinḍ banarsa aṛe noksa latarre bareakate sona reakʼ kạṛim benao ocowakʼa jemon ona bhitrite ḍaṅkin gutukate gokʼ idikʼ.
Ona kạṛi do ṭebil beṛhaete ona usul bata pheḍre tahena jemon ṭebil gokʼ idiyre ona talate ḍaṅkin bolo daṛeakʼ.
Noakin ḍaṅ do kạṛi talate gutukakʼ hoyokʼa. Onate pinḍ gokʼ idi jokhecʼ ḍaṅkin do pind reakʼ banarsa aṛere tahena.
Pitạl reakʼ mitʼṭecʼ jhạ̃ńjri, metakʼme cala lekam benaoa. Ona reakʼ ponon konare ponea rupạ reakʼ kạṛim lagaoa ocoya.
Ar onako paṭa do sonatem tol ocoya ar hurkạṛ bolokʼ lạgitʼ sona reakʼ kạṛiko benao ocokate paṭarem lagao ocoya. Ar ona hurkạṛko do sonatem tol ocoya.
Ar sinduk gokʼ idi lạgitʼ ona banar kạṛi talate ona ḍaṅkinem gutu dohokakʼa.
Ar chańchre dulkate ponea sona reakʼ kạṛi tearkate ona ponea kuṭhạ reakʼ banarsa aṛe bareakatem lagaoakʼa.
Pinḍ reakʼ chat ar bhit reakʼ beṛhaete ar dereńko do sonatem tol ocoya ar ona beṛhaete do sona reakʼ noksam benao ocowakʼa.
Ona ḍaṅkin do gabla kaṭ reakʼem benao ocoya ar sonatem tolkakʼa.