Exodus 30:18 - সান্তালী বাইবেল

¹⁸ “Ti-jaṅga ạbukokʼ lạgitʼ pitạl reakʼ mitʼṭecʼ hanḍha ar ona doṛomkakʼ lạgitʼ pitạl reakʼ mitʼṭecʼ ganḍom benao ocoya. Ńapamokʼ tạmbu ar pinḍ reakʼ adha ṭhạ̃ire onam doṛom ocokoa ar onare dakʼem dohoya.

Exodus 30:18 Referans Kwoze

Exodus 40:7

Noa pinḍ ar sekʼwa tạmbu reakʼ tala ṭhạ̃ire bhajanem dohoya ar onare dakʼtem pereja.

Exodus 38:8

Uni do pitạl reakʼ mitʼṭecʼ bhajane benaokeda. Ar okoeko maejiu sapʼdapʼ kạmi lạgitʼ ńapamokʼ tạmbu reakʼ duạr ṭhenko hijukʼkan tahẽkan onkoakʼ pitạl reakʼ ạrsite ona bhajan ar ona reakʼ ganḍokoe benaokeda.

2 Bõsbudạ 4:2

Ona tayom uni do pitạl reakʼ chãńchreye dulketʼte dakʼ dohoy lạgitʼ maraṅ okocʼ mitʼṭecʼ gulạnḍge karaheye benao ocokeda. Karahe reakʼ kaṅkha khon kaṅkha hạbicʼ jokha do gel moka tahẽkana, khạndri do mõṛẽ moka ar kaṅkha beṛhaeteakʼ jokha do pegel moka tahẽkana.

1 Rapajko 7:38

Uni do mimitʼ gaṛsãoḍiko lạgitʼ mitʼṭecʼ kate pitạl reakʼ gel goṭecʼ gamlae benao ocokeda. Mimitʼ gamla reakʼ beṛ do pon moka osar tahẽkana ar onare irạl sae irạl gel liṭar dakʼ sahobokʼkan tahẽkana.

1 Rapajko 7:23

Ona tayom Hirạm do pitạl reakʼ chãńcreye dulketʼte dakʼ dohoy lạgitʼ maraṅ okocʼ mitʼṭecʼ gulạnḍge karaheye benao ocokeda, ona karahe reakʼ kaṅkha khon kaṅkha hạbicʼ jokha do gel moka tahẽkana, khạndri do mõṛẽ moka, ar kaṅkha beṛhaeteakʼ jokha do pegel moka tahẽkana.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Titus lạgitʼ Pạul Apostolakʼ ciṭhi 3:5

Jãhãn bhage kạmi lạgitʼ do bae bańcao akatʼ bona, menkhan dayategeye bańcaoketʼ bona. Sonot Jiu hotete nãwã janamte ar nãwã arokʼte uni do aboakʼ ontore ạrupʼ saphakeda, ar nonkateye bańcaoketʼ bona.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

2 Bõsbudạ 4:6

Uni do gel goṭecʼ karaheye benao ocokeda ar mõṛẽ goṭecʼ do dạkhin secʼre ar mõṛẽ goṭecʼ do utạr secʼreye dohokeda. Onakore do jeredokʼ samaṅokʼakʼ jiniskoko ạrupʼ saphayetʼ tahẽkana, menkhan naekeko do ona maraṅakʼ karahege akoakʼ ti jaṅga ạbukokʼ lạgitʼko beoharetʼ tahẽkana.

Levitikus 8:11

Uni do sunum reakʼ thoṛa hataokate pinḍ cetanre eae dhaoe ircikeda. Ar ona sunumte pinḍ ar ona reakʼ sanam thạri-bạṭiko ar gamlako sudhạ Probhu Isor ńutumteye begarkeda.

Exodus 31:9

jeredokʼ samaṅokʼakʼ pinḍ ar ona reakʼ thạri-bạṭiko, bhajanko ar ona reakʼ ganḍoko ar naekeakʼ kạmi lạgitʼ Aronakʼ sonot kicricʼ ar uniren hoponko lạgitʼ kicricʼko.

Exodus 30:17

Ona tayom Probhu Isor do Moseye metadea,

Sosolhayic̕ 5:1

Isorakʼ oṛakʼte bolokʼ jokhecʼ sontorte taṛamme. Okoe apnarakʼ behokakʼ bae bujhạu akatʼ uni bebujicʼ leka samaṅokʼakʼ porob manao khon bickom Isorakʼ bataotaege bhagea.