Exodus 30:15 - সান্তালী বাইবেল

¹⁵ Jiwi reakʼ dam lekate Probhu Isor noa emae jokhecʼ kisạ̃ṛko hõ adha sekel khon bạ̃ṛti emokʼ baṅ lagaoakoa, ar reṅgecʼko hõ inạ khon kom do baṅ emokʼ hoyokʼtakoa.

Exodus 30:15 Referans Kwoze

Numeri 31:50

Onate ale mimitʼko do oka sona reakʼ bạjuko, balako, chapakʼ mundạmko, lutur reakʼ pagrako ar hoṭokʼ reakʼ malakole ńamakatʼ, ona do aleakʼ kại reakʼ puruchun lạgitʼte Probhu Isor ṭhen samaṅ lạgitʼle ạgu akada.”

Ephesiko lạgitʼ Pạul Apostolakʼ ciṭhi 6:9

E kisạ̃ṛko, aperen golamko sãote ape hõ onkage beoharpe. Onko do botor alope udukʼakoa, entepe baḍaegea, onko ar aperen doe ini mitʼ Probhu Isor kangeae ar uni do sermare menaea; uniyakʼ mẽtʼãhã samaṅre do jotogeko somangea.

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Levitikus 17:11

ente mãyãmrege jiwi do tahen kana. Onate apeakʼ jiwi bodolte iń do pinḍ cetanre apeakʼ kại reakʼ puruchun lạgitʼ iń bebosta akatʼpea. Ar mãyãmre jiwi menakʼte ona do kại reakʼe puruchuneda.

Exodus 30:12

“Israelren hoṛkoakʼ lekha baḍae lạgitʼ tinre hoṛ-lekha hoyokʼa unre mitʼke mitʼ hoṛ do rupạte jiwi reakʼ dam Probhu Isor emae hoyokʼtakoa. Onate hoṛ lekha khạtirte oka muhinre paṛaokʼ reakʼ katha ona do onkore baṅ hijukʼa.

Kolossiko lạgitʼ Pạul Apostolakʼ ciṭhi 3:25

Ente behokicʼ do acʼe behokakatʼ reakʼ kuṛạiye ńam ruạṛa; Probhu Isor ṭhen mẽtʼãhã beṅgetʼakʼ do bạnukʼ anaṅ.

Kạhtukko 22:2

Kisạ̃ṛ ar reṅgecʼ hoṛko talare begar do bạnukʼa Probhu Isor do onko sanamkoren bebenaoicʼ kanae.

2 Samuel 21:3

Dạud do Gibeonkoe kuliketʼkoa, “Ape lạgitʼ do cetʼ iń ceka daṛekea? Ar apeakʼ loksanko cetʼ lekateń puruntapete Probhu Isorakʼ ạidạriren Israelpe bhor daṛekekoa?”

Exodus 30:14

Okoe lekha akan dolteye bolokʼ, metakʼme okoeyakʼ umer do bargel bochor se ona khon bạ̃ṛti, uni do noa Probhu Isor emae hoyokʼtaea.

Exodus 30:16

Israelko ṭhen khon jiwi-dam reakʼ rupạ hataokate ona do ńapamokʼ tạmbu reakʼ kạmire beoharokʼa. Noa jiwi-dam oka do apeakʼ jiwi bodolte emokʼ hoyokʼ ona do Probhu Isor samaṅre Israelkoakʼ mitʼṭecʼ dikʼsạwakʼge hoyokʼtakoa.”

Jeheskel 45:16

Disạmren sanam hoṛ do Israelren disạm cakʼlaoyicʼ noa sandesko emaea.