Exodus 30:13 - সান্তালী বাইবেল

¹³ Lekha akan hoṛkoakʼ dolte calakʼ ạurire mimitʼ hoṛ do gel gram ojon reakʼ dhorom sekel reakʼ adha sekelkate emokʼ hoyokʼtakoa. Ar niạ adha sekel do Probhu Isorakʼge hoyokʼa.

Exodus 30:13 Referans Kwoze

Levitikus 27:25

Jotowakʼ dam do sonot ṭhạ̃i reakʼ Sekel leka hoyokʼa. Ar dhorom reakʼ mitʼ Sekel do gel gram soman ojon kana.

Jeheskel 45:12

Mitʼ sekelre do bargel gira tahena. Ar mitʼ manehre turui gel sekel tahena.

Mathae 17:24

Jisu ar acʼren celako do Kapharnạhum nagrahateko hecʼen khan mundil reakʼ khajna uṭhạuko do Patras ṭhen hecʼkateko kulikedea, “Aperen Guru do cetʼ mundil reakʼ khajnae emetʼkangea?”

Mathae 27:24

Pilạt do cetʼ hõ bae dhejeda bickom arhõ gulmal hoyokʼ kane ńelketʼ khan dakʼ hataokate hoṛko samaṅre ti ạbukenteye menkeda, “Nui hoṛakʼ mãyãm lạgitʼ iń do bạń dạyikokʼa; apege ńeljoṅpe.”

Mathae 21:12

Ado Jisu mundilteye boloyen khan onḍeko kiriń-ạkhrińkan tahẽkan joto doe laga oḍokketʼkoa. Uni do ṭaka bodolkoakʼ mạciko ar parwa kiriń-ạkhirińkoakʼ duṛupʼakʼkoe ulṭạu giḍikatʼteye metatʼkoa,

Genesis 23:15

“Am do ińakʼ katha ańjomme. Ona jumi reakʼ dam do ponsae sekel rupạ, menkhan iń ṭhen se am ṭhen ona do cetʼge baṅkana. Am do boroṅ senkate onḍege amren bạhu topakaeme.”

Exodus 30:14

Okoe lekha akan dolteye bolokʼ, metakʼme okoeyakʼ umer do bargel bochor se ona khon bạ̃ṛti, uni do noa Probhu Isor emae hoyokʼtaea.

Exodus 38:24

Dolao samaṅokʼakʼ reakʼ jotote irạl sae eaegel eae keji pe sae gram sona do noa sonot tạmbure kạmi lạgitʼ beoharena. Ar noa ojon do dhorom reakʼ ojon lekate tahẽkana.

Levitikus 5:15

“Jãhãe hoṛ monre kại reakʼ monsubạ doho baṅkate Probhu Isor ńutumte begar dohoakan jinisko babotreye kại enḍekhan uni do kại reakʼ juribana lekate Probhu Isor samaṅre mitʼṭen niphuṭ utạricʼ bheḍa ạguiye hoyokʼtaea. Ar noa do dos ńutumte samaṅokʼakʼ kana. Ona chaḍa dhorom reakʼ sekel lekate tinạkʼ rupạte bheḍawakʼ dam ṭhik dohokʼ unạkʼ rupạ do khuti purun lekate uni emae hoyokʼtaea.

Numeri 7:67

Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon mitʼṭecʼ rupạ reakʼ thạri ar eae sae gram ojon reakʼ mitʼṭecʼ rupạ reakʼ bạṭi;

Numeri 7:86

Dhorom reakʼ ojon lekate dhupte perecʼ sona reakʼ mimitʼ goṭecʼ huḍiń thạri reakʼ ojon do tahẽkana mitʼsae gram. Gelbar goṭecʼ sona reakʼ ojon do jotote mitʼ keji barsae gram tahẽkana.

2 Rapajko 12:4

Joas do naekeye metadea, “Probhu Isorakʼ oṛakʼre sonotakʼ dan lekate tinạkʼ ṭaka poesa ạgukʼ onape hataoa arpe doho jarwaea. Onako do hoyokʼkana- hoṛko lekhako jokhecʼ ạguakʼ ṭaka, manot purạu lạgitʼ ạguakʼ ṭaka ar koejoṅ oṛakʼte apnar kusi leka ạguakʼ ṭaka.

Numeri 18:16

Mitʼ cando umerrenko hoylen tayom onkoakʼ chaḍaokʼ reakʼ dam lekate, metakʼme gel gram ojon reakʼ dhorom sekel reakʼ mõṛẽ sekel rupạte, manwaren pạhil hoponem chaḍaokoa.

2 Rapajko 12:5

Ar mimitʼ naekeko do akoren hoṛko ṭhen khon ṭaka poesa hataokate koejoṅ oṛakʼ jut aroe kạmire ona jemonko beohar ma.”