Exodus 3:8 - সান্তালী বাইবেল

⁸ Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Exodus 3:8 Referans Kwoze

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Dosar Biboron 1:25

Ar ona disạm reakʼ thoṛa jo hõ ạgu darakateko menkeda, ‘aboren Probhu Isor okaṭakʼ disạme emabon lạgitʼdokʼkan ona do sạrige napaegea.’

Exodus 13:5

Probhu Isor do tinre Kananrenko, Hittirenko, Amorirenko, Hibiyạrenko ar Jebusirenkoakʼ disạmteye idipea unre ape do noa candorege bochor reakʼ porobpe porobokʼa. Noa kangea ona disạm do one okaṭakʼ Probhu Isor do ape emapea mente aperen hapṛamko ṭhene gokʼletʼ. Onḍe do toa, dumur rasa ar cetʼ jãhãnakʼ reakʼ okulạnge bạnukʼa.

Jirimiạ 11:5

Iń do aperen hapṛamko ṭhen nonkan disạm emako lạgitʼ iń kiriạlena one okare do toa, darkha rasa ar cetʼ jãhãnakʼ reakʼ okulạnge bạnukʼ, ar ona gokʼakʼ doń purạugea.’ Ona disạmge teheń do apepe ạidạri akawana.” Ińiń roṛ ruạṛkeda, “Amen, Probhu Isor!”

Numeri 13:27

Onko do Moseko metadea, “Okaṭakʼ disạmtem kolletʼle ale do onḍele senlena. Ona disạm do sạrige toa, dumur rasa ạtukʼ disạm kana ar eṭakʼ cetʼ jãhãn reakʼ okulạnge bạnukʼa. Noako do onḍenakʼ jo kangea.

Johan 6:38

ente ińakʼ sanaleka kạmi lạgitʼ do baṅ, bickom okoeye kol akadiń uniyakʼ monejoṅ leka kạmi lạgitʼge serma khoniń pheḍ hecʼakana.

Jeheskel 20:6

Enhilokʼ onko ṭhen arhoń kiriạlena, Misor disạm khon onkoń oḍok ạgukoa ar onko lạgitʼ okaṭakʼ disạmiń ṭhik dohoakatʼ ona disạmteń idikoa. Onḍe do toa ar dumur rasa ar jãhãnakʼ reakʼ okulạnge bạnukʼa; ona do sanam disạmko khon sorosgea.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Sereńko 34:8

Cakha ạikạukate ńelpe Probhu Isor doe bhagegea; bhạgangeae uni hoṛ do, okoe do unireye hirlạkʼkan.

Exodus 12:51

Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

Jirimiạ 32:22

Oka disạmre toa, dumur rasa ar jãhãnakʼ reakʼ okulạnge bạnukʼ ona disạm emako reakʼ katha onkoren hapṛamko ṭhenem gokʼleda ar onam ematʼko tahẽkana.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Dosar Biboron 27:3

ar onako cetanre ạn-ạri reakʼ kathakope ol dohokakʼa. Aperen hapṛamkoren Probhu Isor do acʼakʼ gokʼakʼ leka toa ar dumur rasate perecʼ okaṭakʼ disạmteye idipe lạgidokʼkan onḍepe bololen tayom,

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Genesis 11:5

Probhu Isor do manwa oka nagraha ar usul oṛakʼko bekʼnaokan tahẽkan ona ńel lạgitʼe pheḍ hecʼena.

Johan 3:13

Sermare okoeye tahenkan ar serma khon okoeye hecʼakan uni Manwa Hopon chaḍa ar okoe hõ sermate do bako rakapʼ akana.

Jesaea 64:1

Serma oṛecʼkate baṛem pheḍ hecʼlen khan! Ar am samaṅre buruko dalmalaolen khan!

Exodus 34:11

Teheń okań hukumape onape manaoa. Ar iń do Amorirenko, Kananrenko, Hittirenko, Pherisirenko, Hiwirenko, Jebusirenko ape samaṅ khoniń laga ńirkoa.

Genesis 18:21

Ona iạte iń do latarte pheḍkateń ńela, onko okako cekayetʼkan ona do sạriyakʼkana se baṅa. Ar onka baṅkanre hõ iń do onań baḍae daṛeakʼa.”

Genesis 15:14

Menkhan okoe onko golam menteko khaṭaoko onko jạtrenko doń sạjạikoa. Ar onko do ạḍi utạr dhon-duribante ona disạm khonko oḍok hijukʼa.

Nehemiạ 9:8

Am do uniyakʼ pạtiạrtetʼem ńelketʼte Kananiko, Hittiko, Amoriko, Perisiko, Jebusiko ar Gergasikoakʼ disạm do uniren bõsko emako lạgitʼ mitʼṭecʼ bondobosem dohowada. Ar am dom dhoromgete amakʼ gokʼakʼem rukhiyạ dohoketʼtama.

Dosar Biboron 28:11

Ar okaṭakʼ disạm emape reakʼ Probhu Isor do aperen hapṛamko ṭhene gokʼletʼ ona disạmre ạḍiye bhorapea, metakʼme apeakʼ gharońjkoren hopon ar hoponerako do bhoranko hoyokʼtapea, mĩhũ, merom ar bhiḍiko hõ ḍherko bạḍokʼa ar khetre hõ ḍher phosol hoyokʼtapea.

Genesis 11:7

Onate dela, latarte bon pheḍokʼa ar onkoakʼ pạrsibon gaḍ baḍaotakoa jemon mitʼ hoṛ armitʼ hoṛakʼ pạrsi aloe bujhạu daṛeakʼ.”

Jirimiạ 2:7

“Iń do mitʼṭecʼ asecʼ tasecʼ hoyokʼ disạmtegeń ạguletʼpea jemon onḍenakʼ jo ar bhage bhage jiniskope jom daṛeakʼ; menkhan ape do hecʼkate ińakʼ disạmpe bhonḍ akada, ar ińakʼ ạidạriyakʼko do kurudanakʼ jinisgepe hoyocoakada.

Josuạ 9:1

Jordan gaḍa pạchim secʼren rajko do noako reakʼ joto kathako ańjomkeda. Onko do usul buru ṭoṭha ar ona latar ṭoṭha disạmkoren ar Lebanon hạbicʼ jalapuri ḍhip aṛete okako disạm tahẽkan onakoren rajgeko tahẽkana. Onko do Hitiko, Amoriko, Kananiko, Pherisiko, Hiwiko ar Jebusikoren rajgeko tahẽkana.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Numeri 13:19

ar oka disạmreko girobasokʼ kan ona do bhagegea se baṅa. Okako nagrahareko tahenkan onako do pạcri esetʼgea se baṅa?

Genesis 15:13

Unre Probhu Isor do uniye metadea, “Noa katha do khạṭigem baḍaea, am bõsren hoṛko do nonkan mitʼṭecʼ disạmreko girobasokʼa one okaṭakʼ do apeakʼ baṅkan. Onḍe onko do eṭakʼkoren guti hoekate ponsae bochor hạbicʼko santao ocokʼa.

Genesis 46:4

Iń do am são sãote Misorteń calakʼa ar khạṭige arhõń ruạṛ ạgumea. Ar gujukʼre Joseph do acʼakʼ tite amakʼ mẽtʼkine hạrubtama.”

Exodus 5:23

Pharao ṭhen amakʼ ńutum roṛ tayom khon noko hoṛko cetanre muhin do hecʼ paṛao akana. Ar amren hoṛ do okorem rukhiyạletʼkoa?”

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

Amos 2:10

Amorikoakʼ disạm emape lạgitʼ ińge Misor disạm khoniń oḍok ạguketʼpea ar hahaṅkarre pongel bochor hạbicʼ iń ạyurletʼpea.

Genesis 43:11

Unre onkoren apate metatʼkoa, “Onkage hoyokʼ khan, enḍekhan mitʼṭecʼ kạmipe. Uni hoṛ lạgitʼ dan lekate noa disạm reakʼ bhage bhage jinisko reakʼ thoṛa thoṛa idi torawaepe, ona do noakoge, ran sunum, dumur rasa, jut so mosola, gondhoros, pesta jo ar badam.

Levitikus 20:24

Iń doń metatʼpe tahẽkana, onkoakʼ disạm do apeakʼge hoyokʼa. Iń do toa, dumur rasa ạtukʼkan ona disạmge ạidạri menkateń emapea. Iń kangeạń aperen Probhu Isor do. Ińge eṭakʼ sanam jạtrenko khoniń begar dohoakatʼpea.

Numeri 13:18

Ar cetʼlekan disạm kana onape ńela. Arpe ńela, onḍe okoeko girobasokʼ kan onko doko nijorgea seko daṛeangea ar lekhareko komgea seko ḍhergea,

Josuạ 5:6

Misor khon oḍok hecʼen tayom okoe do lạṛhại lạgitʼ oḍok calakʼ leka umer hoyakan tahẽkan onko sanam ạuriko gujukʼ hạbicʼ Israelko do pongel bochor hahaṅkarre ạcur baṛae hoylentakoa, ente onko do Probhu Isorakʼ katha leka bako senlena. Ar Probhu Isor kiriạkate onkoren hapṛamko ṭhen okaṭakʼ disạm emako lạgitʼe gokʼletʼ ona toa ar dumur rasa ạtukʼkan disạm do bako ńel ńama.

Josuạ 9:7

Unre Israelko do Hiwikoko metatʼkoa, “Ape do pasecʼ ale aḍepaseren hoṛ kangeape. Ar sạrige onka kan khan cetʼlekate ape sãote bondobos dole dohoya?”

Sereńko 12:6

Probhu Isorakʼ katha do nirạ kathako kana; ona do seṅgelte rapakʼ sapha akatʼ rupạ leka, ar eae dhao galao akatʼ rupạ lekage.

Jesaea 36:17

Ona tayom iń do hecʼkate apeakʼ disạm leka ar mitʼ disạmteń idipea. Ona disạm do anaj ar nãwã darkha rasa reakʼ disạm, piṭhạ ar darkha bagwan reakʼ disạmtege.