Exodus 3:7 - সান্তালী বাইবেল

⁷ Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Exodus 3:7 Referans Kwoze

Sereńko 145:19

Okoe uniko botoraekan onkoakʼ monejoṅakʼ doe purạuetʼtakoa; ar goṛowako lạgitʼ onkoakʼ rakʼ ańjomte onkoe rukhiyạyetʼkoa.

Sereńko 106:44

Enhõ uni do onkoakʼ rakʼjoṅ iạteye beṅgetʼatʼkoa.

Sereńko 34:6

Nui nacaricʼ do Probhu Isore hohoadea; ar Probhu Isor do uniyakʼe ańjomketʼtaea ar sanamakʼ kosṭo khon uniye bańcaokedea.

Nehemiạ 9:9

“Misor disạmre amge aleren hapṛamkoakʼ dukem ńelletʼtakoa; ar arakʼ doreão aṛere onkoakʼ rakʼem ańjomletʼtakoa.

Exodus 22:23

Arpe onkae khan ar iń ṭhen uniye rakʼle khan khạṭige iń do uniyakʼ rakʼjoṅ iń luturakʼa.

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Sereńko 34:4

Iń do Probhu Isoriń hohowadea, uni doe ańjomketʼtińạ; ar ińakʼ sanam botor khon uni doe bańcaokedińa.

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Genesis 29:32

Lea doe bhạrti hoṛmoyena ar mitʼṭen koṛa gidrại janamkedea. Ar uni gidrạwakʼ ńutum do Rubene dohoketʼtaea (metakʼme “Hạni ńeleme, mitʼṭen hopon”), Ente uniye menleda, “Probhu Isor do ińakʼ duke ńelketʼtińạ, ar ńitokʼ do khạṭige ińren jãwãe doe dulạṛińạ.”

Sereńko 22:24

Nacaricʼ reakʼ nacartetʼ do bae nihạ̃t giḍiya; Uni secʼ acʼakʼ mẽtʼãhã do bae betʼ dohokakʼa, bickom uniyakʼ rakʼjoṅakʼe ańjomketʼtaea.

1 Samuel 9:16

“Gapa niạ jokhecʼ Benjạmin gusṭiren mitʼṭen hoṛ do am ṭheniń kolea. Ar am do ińren hoṛko metakʼme Israelkoren mukhiyạ hoyokʼ lạgitʼ unigem ojokʼ bahalea. Unige Philistikoakʼ ti khon ińren hoṛkoe bańcaokoa. Iń do ińren hoṛko secʼ iń moneakada, ente onkoakʼ rakʼjoṅakʼ do ińakʼ lutur hạbicʼ seṭer akana.”

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

Sereńko 142:3

Ińre ińakʼ jiwi loraokʼkanre amge ińakʼ jion reakʼ horem baḍayetʼtińạ; ar ińakʼ calakʼ horre hoṛko do hape hapete pạsiko oḍaoeda.

Genesis 18:21

Ona iạte iń do latarte pheḍkateń ńela, onko okako cekayetʼkan ona do sạriyakʼkana se baṅa. Ar onka baṅkanre hõ iń do onań baḍae daṛeakʼa.”

Aposkạmi 7:34

Misor disạmre ińren hoṛko cetanre oka santao hoyokʼkan ona doń ńelakada. Iń do onkoakʼ rakʼjoṅ iń ańjomakada ar onko chaḍaoko lạgitʼ iń pheḍ hecʼakana. Iń do ńitokʼ Misor disomteń kol ruạṛmea.’

Genesis 16:11

Uni do arhõe metadea, “Ńelme, am dom bhạrti hoṛmo akana. Amren do mitʼṭen koṛa gidrại hoyokʼtama. Uni gidrạwakʼ ńutum do Ismaelem dohoytaea (metakʼme, Isore ańjoma), ente amakʼ duk reakʼ rakʼ do Probhu Isore ańjomakada.

Genesis 21:17

Gidrạwakʼ rakʼ do menkhan Isorakʼ luturre seṭerena. Unre Isorren goḍet do serma khon Hagar hohowadeteye metadea, “E Hagar, amakʼ do cetʼ hoyakana? Alom botorokʼa, ente gidrạ okare menae onḍe khonge uniyakʼ rakʼ do Isorakʼ luturre seṭer akana.

Genesis 31:12

Uniye metadińạ, ‘beṅgetʼkate ńelme, merom pạṭhiko cetanre okoe bodako dejokʼkan onko do kabra kabra lạṭu ar kạṭicʼ chapan kanako. Ar Laban amre okae ceka akatʼ ona do jotogeń ńelakada.

Genesis 31:42

Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

Exodus 5:6

Pharao do enhilokʼge golamko cetanreye dohoakade sasantaoicʼ sordar ar Israelren cakʼlaoko cetanre noa hukume emkeda,

Exodus 5:10

Unre golamko cetanreye dohoakatʼko sordar ar Israelren cakʼlaoko do bahrete senkate hoṛkoko metatʼkoa, “Pharaoe menakada, uni do busupʼ ar bae emapea.

Exodus 33:13

Amakʼ dayań ńamakatʼ khan tobe do amakʼ hor baṛe udukʼạńme jemoniń baḍae daṛeakʼ am samaṅre dayań ńama mente. Disạime, noko jạtrenko do amren kangeako.”

2 Samuel 22:28

Am do nacar jạtrenkom rukhiyạyetʼkoa, ar bạḍạiko tumbutʼ ocoko lạgitʼ amakʼ mẽtʼ do onko secʼge menakʼa.

2 Rapajko 13:4

Inạ tayom Jehoahas do Probhu Isor ṭhene nehõrena ar Probhu Isor do uniyakʼe ańjomketʼtaea, ente Aramren raj do ạḍi bạṛicʼ Israelko cetanre jor julume calaoetʼ tahẽkana ar ona do uniye ńelkeda.

Sereńko 35:22

E Probhu Isor, am do noakom ńeleda, am do alom thir hapekokʼa; E Probhu Isor, am do iń sorrege tahenme.

Exodus 1:8

Tayomte Misor disạm reakʼ sanam ektiạri do nonkan mitʼṭen nãwã rajakʼ tire paṛaoena okoe do Joseph reaṅ cetʼge bae baḍaekan tahẽkana.

2 Rapajko 20:5

“Am do ruạṛ senkate ińren hoṛkoren mukhiyạ Hiskiạm metaea, amren hapṛam Dạudren Probhu Isor do niạ kathae meneda, ‘iń do amakʼ koejoṅiń ańjom akada ar amakʼ mẽtʼ dakʼ iń ńelakada. Iń do amiń bogemea. Ar ńitokʼ khon pe din hilokʼre am do Probhu Isorakʼ oṛakʼtem calakʼa.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

Sereńko 12:6

Probhu Isorakʼ katha do nirạ kathako kana; ona do seṅgelte rapakʼ sapha akatʼ rupạ leka, ar eae dhao galao akatʼ rupạ lekage.