Exodus 3:6 - সান্তালী বাইবেল

⁶ Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Exodus 3:6 Referans Kwoze

Luk 20:37

Jolokʼkan jhạuạ reaṅ okare olakan onḍe Moseye sodorakatʼa, gocʼko do sạrigeko jiwetʼ beredokʼa. Onḍe Mose do Probhuge, ‘Abrahamren Isor, Isạhakren Isor, ar Jakobren Isor’ menteye hohoaekana.

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Mark 12:26

Menkhan gocʼko jiwetʼ beredokʼ reaṅ Moseyakʼ puthire ol akan jolokʼkan jhạuạ reakʼ katha do cetʼ bape paṛhao akada, Isor do Moseye metadea, ‘ińge Abrahamren Isor,

Exodus 4:5

Ona tayom Probhu Isore menkeda, “Noam onkaea jemon onkoko pạtiạukʼ, onkoren hapṛam Abraham, Isahak ar Jakobren Probhu Isor do sạrige am ṭhene ńel ocoakana.”

Aposkạmi 7:32

‘Iń do amren hapṛamkoren Isor kanạń, Abraham, Isahak ar Jakobren Isorge.’ Unre Mose do botorteye thar tharaoena; ar ńel lạgitʼ dil hõ bae dilleda.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

1 Rapajko 18:36

Ado ạyubokʼ okte Eliạ nạbi doe hecʼena are koekeda, “E Probhu, Abraham, Isahak ar Israelren Isor, teheń am do baḍae ocokom, Israelkoren Isor dom am kangea ar iń do amren guti kạnạń, ar amakʼ hukumtege noako doń kạmikana.

Bikʼcạrko 13:22

Unre Manoho ar uniren bạhuttetʼkin menkeda, “Alaṅ do Isorlaṅ ńelkedea, ar khạṭige laṅ gujukʼa.”

Jirimiạ 32:38

Onko do ińren hoṛko hoyokʼa, ar iń do onkoren Isoriń hoyokʼa.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

Sereńko 132:2

Uni do Probhu Isor ṭhene kiriạlena, Jakobren uni daṛeanicʼ Isor ṭhen noae gokʼletʼ tahẽkana,

1 Rapajko 19:13

Ar Eliạ do ona ańjomkate acʼakʼ oyonakʼte mẽtʼãhãe betʼketʼtaea ar bahrete senkate dander reakʼ moca ṭhene teṅgoyena. Ona tayom uni do niạ kathae ańjomkeda, “E Eliạ, nonḍe do cetʼem ceka kana?”

Exodus 29:45

Iń do Israelren Isor hoekate onko talareń girobasokʼa.

Genesis 32:9

Jakob do Isor ṭhen noa menkate koejoṅe ehopʼena, “E Probhu, ińren hapṛam Abrahamren Isor, ińren ạpuń Isahakren Isor, amge coṅ ińakʼ disạmte, ińren hoṛko ṭhen ruạṛ calakʼem menakadińạ ar onḍe am dom bhạlạiyińạ.

Genesis 31:42

Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Genesis 17:3

Ona iạte Abram do otreye obmakʼena ar Isor do uni sãote katha roroṛe ehopʼena.

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 12:1

Probhu Isor do Abrame metadea, “Am do amakʼ disạm, ar amren peṛa pạrbhạko ar am apatakʼ oṛakʼ duạr bạgikate iń okaṭakʼ disạmiń udukʼam ona disạmte calakʼme.

Ibriko 12:21

Okaṭakʼ ńellen tahẽkan ona do nunạkʼ botoranakʼ tahẽkana je, Moseye menleda, “Iń do botorteń thar tharaokʼ kana.”

Aposkạmi 7:34

Misor disạmre ińren hoṛko cetanre oka santao hoyokʼkan ona doń ńelakada. Iń do onkoakʼ rakʼjoṅ iń ańjomakada ar onko chaḍaoko lạgitʼ iń pheḍ hecʼakana. Iń do ńitokʼ Misor disomteń kol ruạṛmea.’

Luk 5:8

Noa ńelte Simon Patras do Jisu samaṅre ombakʼenteye menkeda, “E Probhu, iń doń kại hoṛ kana; iń ṭhen khon calao joṅme baṛe.”

Mathae 17:6

Noa katha ańjomkate celako do ạḍiko botorena ar otreko taber hapeyena.

Sakariạ 8:8

Jerusalemre girobasokʼ lạgitʼge onko doń ruạṛ ạgukoa. Onko do ińren hoṛko hoyokʼa ar iń do onkoren Isoriń hoyokʼa; ar onkore pạtiạr ar dhoromgeń tahena.

Jeheskel 11:20

Enḍekhan onko do ińakʼ niạm lekako calakʼa ar ińakʼ ạn ạriko joton salakʼko palona. Onko do ińren hoṛko hoyokʼa ar iń do onkoren Isoriń hoyokʼa.

Nehemiạ 9:9

“Misor disạmre amge aleren hapṛamkoakʼ dukem ńelletʼtakoa; ar arakʼ doreão aṛere onkoakʼ rakʼem ańjomletʼtakoa.

Ester 3:4

Nonkage din hilokʼko metaekan tahẽkanre hõ uni do onkoakʼ katha bae ańjomletʼtakoa. Onate onko do ona katha Hamanko baḍae ocokedea. Onko do Mordekayakʼ niạ beohar ṭarhaokʼtaea se baṅa ona ńelko mepenena, ente Jihudikanae mente onkoe lạiyatʼko tahẽkana.

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Genesis 24:12

Unre uni guti do noa menkate koeyana, “E Probhu, ińren kisạ̃ṛ Abrahamren Isor, teheń noa reakʼ sanamakʼge amakʼ tireń dohokeda ar ińren kisạ̃ṛ Abrahamem emakade reakʼ amakʼ katha baṛe disạime.

Exodus 3:16

Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Genesis 28:17

Ar noa katha hudiskate uni do monre botor hecʼadea. Uniye menkeda, “Noa do ạḍi botoranakʼ jaegakana! Noa do Isorakʼ tahen ṭhạ̃i chaḍa ar cetʼge baṅkana; serma reakʼ duạr do nonḍe kangea.”

Exodus 33:20

Menkhan am do ińakʼ mẽtʼãhã bam ńel daṛeakʼa, ente iń ńel tayom do okoe hõ jiwetʼ ohoko tahẽdaṛelena.”

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.