Exodus 3:4 - সান্তালী বাইবেল

⁴ Mose do ona jạnum jhạuạ ńel lạgitʼe sen sorokʼkan tahẽkanre Probhu Isor do ona jạnum jhạuạ tala khone menkeda, “E Mose, E Mose.” Moseye menkeda, “Minạńgea.”

Exodus 3:4 Referans Kwoze

Dosar Biboron 33:16

prithimi reakʼ bhage bhage jiniskote, ar jolokʼkan jhạuạre okoeye tahẽkan uniyakʼ dayate. Josephakʼ bohokʼre noako ạsirbad baṛe pheḍ hijukʼma; boehako modre okoeye mukhiyạkan uniyakʼ bohokʼre noako bhor baṛe paṛaokʼma.

Aposkạmi 9:4

Uni do otreye bhindạṛena ar mitʼṭecʼ aṛaṅ metaekane ańjomkeda, “E Sạul, E Sạul cedakʼem khedeńkana?”

1 Samuel 3:8

Probhu Isor do tesar dhao Samuele hohoadea ar Samuel do beretʼkate Eli ṭhen senkateye menkeda, “Iń do minạńgea, ar amgem hohoakadińạ.” Unre Eli doe bujhạu daṛeada uni do Probhu Isorgeye hohoaekana.

1 Samuel 3:6

Probhu Isor do arhõ Samuele hohoadea ar Samuel do beretʼkate Eli ṭhen senkateye menkeda, “Minạńgea; am do cetʼ ińem hohoạń kana?” Eliye menkeda, “Baṅ, iń do bạń hohoakatʼmea. Do senkate giticʼkokʼme.”

1 Samuel 3:4

Un jokhecʼ Probhu Isor do Samuele hohoadea. Ar Samuel doe roṛ ruạṛkeda, “Nõkʼõe minạńgea.”

Genesis 46:2

Isor do ńindạ jokhecʼ Israel tulucʼ kukmũ talate kathae roṛkeda. Uni doe hohokeda, “E Jakob, E Jakob.” Jakobe roṛ ruạṛkeda, “Minạńgea.”

Genesis 22:11

Unre Probhu Isorren goḍet do serma khon uniye hohoadea, “E Abraham, E Abraham!” Abrahame roṛ ruạṛkeda, “Nõkʼõe minạńgea.”

Genesis 22:1

Noako ghoṭna tayom Isor do Abraham biḍạureye paṛao ocokedea. Isor do uniye hohowadea, “E Abraham.” Abrahame roṛ ruạṛkeda, “Minạńgea.”

Sereńko 62:11

Sanamakʼ daṛe do Isorakʼ tirege noa katha uni do aema dhaoe roṛakada, ar ińhõ ona do aema dhaogeń ańjomakada.

Aposkạmi 10:13

Inạ tayom okoe coṅ roroṛkane ańjomkedea, “E Patras, ma beredokʼme, ar gocʼkate jomkom.”

Aposkạmi 10:3

Mitʼ din pe baja okte uni do mitʼṭecʼ dorsone ńelkeda. Uni do pusṭạuteye ńelkeda Isorren mitʼṭen goḍet do hecʼkateye metaekana, “E Kornelius.”

1 Samuel 3:10

Ona tayom Probhu Isor do hecʼkate onḍeye teṅgoyena ar eṭakʼ dhao lekageye hohokeda, “Samuel, E Samuel.” Unre Samuele menkeda, “Ma roṛme, amren guti doń ańjometʼgea.”

Genesis 28:16

Ar Jakob do jạpitʼ khon beretʼkateye menkeda, “Probhu Isor do khạṭige noa jaegare menaea menkhan iń do bạń bujhạu daṛeadea.”

Exodus 3:2

Onḍe Probhu Isorren mitʼṭen goḍet do jạnum jhạuạre jolokʼkan seṅgelre uni ṭhene ńel ocoyena. Mose doe ńelkeda, ona jạnum jhạuạre seṅgel do jolokʼkangea menkhan baṅ lokʼkana.

Exodus 4:5

Ona tayom Probhu Isore menkeda, “Noam onkaea jemon onkoko pạtiạukʼ, onkoren hapṛam Abraham, Isahak ar Jakobren Probhu Isor do sạrige am ṭhene ńel ocoakana.”

Exodus 19:3

Mose do burute Isor ṭhene rakapʼena. Ona jokhecʼ Probhu Isor do buru cetan khon hohoadeteye menkeda, “Am do Jakob bõsren Israelkom metakoa,

Exodus 33:12

Mose do Probhu Isore metadea, “Am do noko hoṛko idikom metadiń tahẽkana, menkhan iń tulucʼ okoeyem kolea ona do bam lạiyạń kana. Am dom men akada ińren lekageń baḍaeakatʼmea ar ińre amakʼ daya hõ menakʼa.

Levitikus 1:1

Mitʼdin Probhu Isor do ńapamokʼ tạmbu khon Moseye hohoadea ar Israelko lạiyako lạgitʼe hukumadea, “Ape modre Probhu Isor ńutumte jãhãe jãhãnakʼ samaṅokʼakʼ lekate emogokʼ reakʼe menetʼ khan uni do mitʼṭen janware ạguyema; ar uni do jemon ḍaṅgra se bheḍa se meromge baṛeye hoyokʼma.