Exodus 3:20 - সান্তালী বাইবেল

²⁰ Onate iń do unire ińakʼ daṛeń uduga ar hahaṛa kạmiko hotete Misoriń ńẽda ar onate Pharao doe sen ocoapea.

Exodus 3:20 Referans Kwoze

Aposkạmi 7:36

Ar nui Mosege Misor disạm khon Israelkoe oḍok ạguletʼkoa ar Misor disạmre, arakʼ doreãore ar pongel bochor hạbicʼ hahaṅkarre ạḍi utạr hahaṛa kạmi ar cinhạkoe kạmileda.

Nehemiạ 9:10

Amge Pharao ar uniren sanam kạmiyạko ar uniyakʼ disạmren sanam hoṛko ạḍi utạr cinhạ ar hahaṛa kạmikom udukʼatʼkoa, ente am dom baḍaekan tahẽkana aleren hapṛamko tulucʼ Misrikoakʼ beohar do bạḍạite perecʼ tahẽkana. Ar niạko kạmite am do amakʼ ńutumem rukhiyạleda, ona do teheń hạbicʼ hõ menakʼgea.

Dosar Biboron 6:22

Probhu Isor do aboakʼ mẽtʼ samaṅre Pharao ar uniyakʼ oṛakʼren sanamko cetanre ar Misor disạm cetanre maraṅ ar botoranakʼ cinhạko ar hahaṛa kạmikoe kạmileda.

Exodus 9:15

Iń do ińakʼ daṛeń uduga ar amren hoṛko cetanre nonkan mahamạriń kola onate dhạrti khonpe marao utạrokʼa.

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Sereńko 105:27

Onkin hotete Probhu Isor do Ham bõsrenkoakʼ disạmre sanamko samaṅre ạḍi lekan cinhạ ar hahaṛa kạmikoe kạmikeda.

Exodus 12:39

Oka bin khạmiyanakʼ sipiyakʼ holoṅ ḍhimbạ Misor disạm khonko ạgu daraletʼ onate horre piṭhạko benaokeda. Ar nunạkʼ usạra Misor khonko oḍok ocoyena, onko do holoṅ sãote khạmi mesal reakʼ somoe hõ bako ńamleda ar horre jom lạgitʼ jãhãnakʼ hõ bako benao daṛeada.

Jeheskel 20:33

Iń Probhu Isorge ińakʼ ńutumte kiriạkateń meneda, ińakʼ daṛeanakʼ ti tiyạrkate edreń dulapete ape cetanreń rajokʼa.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 19:22

Ar Probhu Isor do Misorren hoṛkoe ńẽtʼkoa; uni doe ńẽtʼkoa ar boge hõe bogekoa. Onko do Probhu Isor secʼko ạcurokʼa, ar uni do onkoakʼ nehõre ańjomtakoa are bogekoa.

Sereńko 106:22

Ham bõsrenkoakʼ disạmre hahaṛa kạmi reakʼ katha onko doko hiṛińkeda, ar arakʼ doreãore hoylen botoranakʼ kạmi hõko hiṛińkeda.

Sereńko 105:38

Onkoakʼ calakʼ iạte Misorrenko doko kusilena, ente Israelko do ạḍiko botorakokan tahẽkana.

Bikʼcạrko 8:16

Gideon do Sukotren murubbikoe sapʼketʼkoa ar hahaṅkar reakʼ rạṅgạini jạnumte deae dal oṛecʼketʼtakoa.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Exodus 11:1

Unre Probhu Isor do Moseye metadea, “Iń do Pharao ar Misor disạmre ar mitʼṭecʼ duk iń kola. Ar ona tayom Pharao do nonḍe khone sen ocoapea. Menkhan tinreye sen ocoape unre uni do nonḍe khone laga oḍokpea.

Exodus 6:1

Probhu Isor do Moseye metadea, “Am do Pharaoakʼ dosa cetʼ hoyokʼkana ona ńelme. Ińakʼ keṭecʼ tire paṛaokate uni do hoṛkoe aṛakʼkoa. Hẽ ińakʼ keṭecʼ tire paṛaokate acʼakʼ disạm khon onkoe laga oḍokkoa.”

Genesis 15:14

Menkhan okoe onko golam menteko khaṭaoko onko jạtrenko doń sạjạikoa. Ar onko do ạḍi utạr dhon-duribante ona disạm khonko oḍok hijukʼa.

Exodus 4:21

Probhu Isor do Moseye metadea, “Okako hahaṛa kạmi lạgitʼ daṛeń ematʼme ona do Misor disạmte ruạṛ senkate Pharao samaṅrem onkaea. Menkhan uniyakʼ mon nonkań keṭecʼ ocoytaea onate uni do hoṛko bae sen ocoakoa.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Exodus 13:9

Nonkate Probhu Isorakʼ emakʼ noa hukum reakʼ kathape cetʼakoa. Noa niạm manao do nonkan mitʼṭecʼ cinhạ hoyokʼa one ona do ti ar moloṅ reakʼ cinhạ lekae disạ ocopea, Probhu Isor do acʼakʼ daṛete Misor disạm khone oḍok ạguakatʼpea.

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Mikạ 7:15

Misor disạm khon oḍok hijukʼ reakʼ dinko leka am do hahaṛawakʼ kạmiko udukʼaleme.